ഇ​ന്ത്യ​യു​ടെ ഏ​ക ഹോ​ക്കി ലോ​ക​കി​രീ​ട​ത്തി​ന് അ​ര​നൂ​റ്റാ​ണ്ട്

ന്യൂ​ഡ​ൽ​ഹി: 1975 മാ​ർ​ച്ച് 15ന് ​മ​ലേ​ഷ്യ​ൻ ത​ല​സ്ഥാ​ന​മാ​യ ക്വാ​ലാ​ലം​പു​രി​ൽ ഹോ​ക്കി ലോ​ക​ക​പ്പി​ന്റെ ഫൈ​ന​ൽ ന​ട​ക്കു​ന്നു. ലോ​ക​ക​പ്പി​ന്റെ മൂ​ന്നാം എ​ഡി​ഷ​നി​ലെ ക​ലാ​ശ​ക്ക​ളി​യി​ൽ ഏ​റ്റു​മു​ട്ടു​ന്ന​ത് ഇ​ന്ത്യ​യും പാ​കി​സ്താ​നു​മാ​യി​രു​ന്ന​തി​നാ​ൽ പോ​രി​ന് വീ​റും​വാ​ശി​യു​മേ​റെ. ഒ​ന്നി​നെ​തി​രെ ര​ണ്ട് ഗോ​ളി​ന് ജ​യി​ച്ച് അ​ജി​ത് പാ​ൽ സി​ങ് ന​യി​ച്ച സം​ഘം കി​രീ​ടം സ്വ​ന്ത​മാ​ക്കി.

​അ​ജി​ത് പാ​ൽ സി​ങ് കിരീടവുമായി

ഒ​രു​പി​ടി ഒ​ളി​മ്പി​ക് ഹോ​ക്കി സ്വ​ർ​ണ മെ​ഡ​ലു​ക​ൾ സ്വ​ന്ത​മാ​യു​ണ്ടെ​ങ്കി​ലും ഇ​ന്ത്യ​യു​ടെ ച​രി​ത്ര​ത്തി​ലെ ഏ​ക ലോ​ക​കി​രീ​ട​മാ​യി അ​ത് അ​വ​ശേ​ഷി​ക്കു​ന്നു. അ​ര​നൂ​റ്റാ​ണ്ട് ക​ഴി​ഞ്ഞി​ട്ടും ആ ​ഓ​ർ​മ​ക​ൾ ഇ​ന്നും പു​തു​മ വി​ടാ​തെ ഉ​ള്ളി​ലു​ണ്ടെ​ന്ന് 77കാ​ര​ൻ അ​ജി​ത് പാ​ൽ സി​ങ്. ‘‘പൂ​ളി​ൽ താ​ര​ത​മ്യേ​ന ദു​ർ​ബ​ലാ​യി​രു​ന്ന അ​ർ​ജ​ന്റീ​ന​യോ​ട് തോ​റ്റ​ത് ക്ഷീ​ണ​മു​ണ്ടാ​ക്കി​യി​രു​ന്നു. ലോ​ക​ക​പ്പ് ഫൈ​ന​ലി​ൽ പാ​ര​മ്പ​ര്യ​വൈ​രി​ക​ളാ​യ പാ​കി​സ്താ​നെ തോ​ൽ​പി​ക്കു​ക​യെ​ന്ന​തി​ൽ ക​വി​ഞ്ഞൊ​രു സ​ന്തോ​ഷം വേ​റെ​യി​ല്ല. ചി​ല താ​ര​ങ്ങ​ളും കോ​ച്ചി​ങ് സ്റ്റാ​ഫും ഇ​തി​ന​കം വി​ട്ടു​പി​രി​ഞ്ഞു. ബാ​ക്കി​യു​ള്ള​വ​ർ ചൊ​വ്വാ​ഴ്ച സം​ഗ​മി​ക്കു​ന്നു​ണ്ട്. മു​മ്പ​ത്തേ​ക്കാ​ളു​പ​രി ഇ​ത്ത​വ​ണ​ത്തെ കൂ​ടി​ച്ചേ​ര​ൽ ഏ​റെ പ്ര​ത്യേ​ക​ത​യു​ള്ള​താ​ണ്.’’-​അ​ന്ന​ത്തെ നാ​യ​ക​ൻ തു​ട​ർ​ന്നു.

പൂ​ൾ ഘ​ട്ട​ത്തി​ൽ ഇം​ഗ്ല​ണ്ടി​നെ 2-1നും ​ഘാ​ന​യെ 7-0ത്തി​നും പ​ശ്ചി​മ ജ​ർ​മ​നി​യെ 3-1നും ​തോ​ൽ​പി​ച്ച ഇ​ന്ത്യ 1-1ന് ​ആ​സ്ട്രേ​ലി​യ​യോ​ട് സ​മ​നി​ല വ​ഴ​ങ്ങു​ക​യും 1-2ന് ​അ​ർ​ജ​ന്റീ​ന​യോ​ട് പ​രാ​ജ​യം രു​ചി​ക്കു​ക​യും ചെ​യ്തു. എ​ങ്കി​ലും പൂ​ൾ ജേ​താ​ക്ക​ളാ​യി​ത്ത​ന്നെ സെ​മി​ഫൈ​ന​ലി​ൽ ക​ട​ന്നു. ആ​തി​ഥേ​യ​രാ​യ മ​ലേ​ഷ്യ​യാ​യി​രു​ന്നു എ​തി​രാ​ളി​ക​ൾ. അ​വ​രെ 3-2ന് ​മു​ട്ടു​കു​ത്തി​ച്ചാ​ണ് പാ​കി​സ്താ​നെ നേ​രി​ടാ​ൻ ഫൈ​ന​ലി​ൽ ഇ​റ​ങ്ങി​യ​ത്.