ഹൈദരാബാദ്: നിർണായക മത്സരത്തിൽ തകർപ്പൻ ഫോമിലേക്കുയർന്ന കാലിക്കറ്റ് ഹീറോസ് ഉജ്വല വിജയവുമായി പ്രൈം വോളിബാൾ ലീഗിൽ സെമിഫൈനലിലേക്ക് കുതിച്ചു. ഹൈദരാബാദ് ബ്ലാക്ക്ഹോക്സിനെ 5-0ത്തിന് തകർത്താണ് കാലിക്കറ്റിന്റെ മുന്നേറ്റം. സ്കോർ: 15-14, 15-10, 15-14, 15-14, 15-9.
ആറു മത്സരങ്ങളും പൂർത്തിയാക്കിയ കാലിക്കറ്റിന് ഏഴു പോയന്റാണുള്ളത്. കാലിക്കറ്റിനൊപ്പം ഹൈദരാബാദിനും ആറു കളികളിൽ ഏഴു പോയന്റുണ്ട്. അഞ്ചു കളികളിൽ എട്ടു പോയന്റുള്ള അഹ്മദാബാദ് ഡിഫൻഡേഴ്സ് ആണ് മുന്നിൽ. ഈ മൂന്നു ടീമുകളും സെമിയുറപ്പിച്ചു. രണ്ടു പോയന്റുമായി അവസാന സ്ഥാനത്തുള്ള കൊച്ചി ബ്ലൂ സ്പൈക്കേഴ്സിന്റെ സെമി സാധ്യത ഏറക്കുറെ അസ്തമിച്ചു. ഇന്ന് അഹ്മദാബാദ് ഡിഫൻഡേഴ്സിനെയും നാളെ കൊൽക്കത്ത തണ്ടർബോൾട്സിനെയും തോൽപിക്കുകയും ഭാഗ്യം കടാക്ഷിക്കുകയും ചെയ്താൽ നേരിയ സാധ്യത നിലനിൽക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.