ചെന്നൈ ബ്ലിറ്റ്സ് താരങ്ങളുടെ ആഘോഷം
ചെന്നൈ: പ്രൈം വോളിബാള്‍ ലീഗില്‍ ചെന്നൈ ബ്ലിറ്റ്‌സിന്‌ തുടർച്ചയായ രണ്ടാംജയം. ചെന്നൈ ജവഹർലാൽ നെഹ്‌റു ഇൻഡോർ സ്‌റ്റേഡിയത്തിൽ നടന്ന കളിയിൽ നേരിട്ടുള്ള സെറ്റുകൾക്ക്‌ കൊച്ചി ബ്ലൂ സ്‌പൈക്കേഴ്‌സിനെ തോൽപിച്ചു.
സ്‌കോർ: 15-10, 15-12, 16-14. ചെന്നൈയുടെ അഖിൻ ജി.എസ്‌ ആണ്‌ കളിയിലെ താരം. അമൻ കുമാറിലൂടെ ഗംഭീരമായി കൊച്ചി തുടങ്ങിയെങ്കിലും ലിയാൻഡ്രോ ജോസിന്റെ തകർപ്പൻ പ്രകടനത്തിലൂടെ ചെന്നൈ തടയിട്ടു. കളി പുരോഗമിക്കുന്തോറും പ്രതിരോധത്തിലെ കെട്ടുറപ്പില്ലായ്‌മ കൊച്ചിക്ക് വിനയായി.
അഖിന്റെ ബ്ലോക്കുകൾ ചെന്നൈക്ക്‌ കരുത്ത്‌ പകർന്നു. ആവേശകരമായ അവസാന സെറ്റിൽ ലിയാൻഡ്രോയുടെയും ദിലീപ്‌ കുമാറിന്റെയും മികവാണ് ആതിഥേയർക്ക് ജയമൊരുക്കിയത്. ഇന്ന് വൈകീട്ട്‌ 6.30ന്‌ ബംഗളൂരു ടോർപിഡോസ്‌ മുംബൈ മെറ്റിയോഴ്‌സുമായി ഏറ്റുമുട്ടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.