കുന്‍ഷന്‍ (ചൈന): യൂബര്‍ കപ്പ് ബാഡ്മിന്‍റണ്‍ ടൂര്‍ണമെന്‍റില്‍ ആസ്ട്രേലിയക്കെതിരെ ഇന്ത്യക്ക് 5-0ത്തിന്‍െറ ലീഡ്. മൂന്ന് സിംഗ്ള്‍സ് മത്സരങ്ങളിലും രണ്ട് ഡബ്ള്‍സിലും ജയിച്ച് ഇന്ത്യ തൂത്തുവാരുകയായിരുന്നു. ലോക എട്ടാം നമ്പര്‍ താരം സൈന നെഹ്വാള്‍, സുവാന്‍ യു വെന്‍ഡി ചെന്നിനെ 22-2-, 21-14 എന്ന സ്കോറിന് തോല്‍പിച്ച് വിജയത്തിന് തുടക്കമിട്ടു. 25 മിനിറ്റ് മാത്രം നീണ്ട മത്സരത്തില്‍ പി.വി. സിന്ധു ജോയ് ലായിയെ തോല്‍പിച്ച് ലീഡ് വര്‍ധിപ്പിച്ചു.
വനിതാ ഡബ്ള്‍സില്‍ അശ്വിനി പൊന്നപ്പ-ജ്വാല ഗുട്ട സഖ്യം സുവാന്‍ യു വെന്‍ഡി-ഗ്രോണിയ സെമര്‍വില്‍ സഖ്യത്തെ 21-9, 21-15 ന് തോല്‍പിച്ചു. മൂന്നാം സിംഗ്ള്‍സില്‍ റിത്വിക ശിവാനി 21-5, 21-11 എന്ന സ്കോറിന് ടിഫാനി ഹോയെ തോല്‍പിച്ച് ലീഡ് നില നാലാക്കി ഉയര്‍ത്തി. അവസാനത്തെ ഡബ്ള്‍സില്‍ സിക്കി റെഡ്ഡി-സിന്ധു സഖ്യം ലിയാന്നെ ചൂ-ജോയ് ലായി സഖ്യത്തെ തോല്‍പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.