അഹ്മദാബാദ്: മാസങ്ങള്‍ക്കുശേഷം ആഭ്യന്തര ക്രിക്കറ്റില്‍ തിരിച്ചത്തെിയ ഇന്ത്യന്‍ താരം ഇര്‍ഫാന്‍ പത്താന് ആറു വിക്കറ്റ് നേട്ടം. ഗുജറാത്തിനെതിരെ ബറോഡക്കുവേണ്ടി പന്തെറിഞ്ഞ ഇര്‍ഫാന്‍ ഒന്നാം ഇന്നിങ്സിലാണ് ആറു വിക്കറ്റ് പ്രകടനം കാഴ്ചവെച്ചത്. മത്സരത്തില്‍ ബറോഡ ഫോളോ ഓണ്‍ വഴങ്ങി ഇന്നിങ്സ് തോല്‍വി സമ്മതിച്ചതിനാല്‍ രണ്ടാം ഇന്നിങ്സില്‍ പന്തെറിയേണ്ടിവന്നില്ല.
2012 മുതല്‍ ഇന്ത്യന്‍ ടീമിന് പുറത്തായ ഇര്‍ഫാന്‍ ഈ വര്‍ഷം ഐ.പി.എല്ലും കളിച്ചില്ല. കഴിഞ്ഞ സീസണ്‍ രഞ്ജിയില്‍ അഞ്ചു മത്സരങ്ങള്‍ കളിച്ചെങ്കിലും ഫോമിലേക്കുയരാന്‍ കഴിഞ്ഞിരുന്നില്ല. പുതിയ സീസണില്‍ ആദ്യമായാണ് താരം ടീമിലിടം നേടിയത്.
ഒന്നാം ഇന്നിങ്സില്‍ 25.2-12-47-6 എന്നായിരുന്നു ബൗളിങ് പ്രകടനം. ഒരു അര്‍ധസെഞ്ച്വറിയുമായി ബാറ്റിങ്ങിലും തിളങ്ങി (58, 15). സഹോദരന്‍ യൂസുഫ് പത്താന് ടീമിലുണ്ടായിരുന്നെങ്കിലും തിളങ്ങിയില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.