േനാട്ടിങ്ഹാം: ഇംഗ്ലണ്ടിനെതിരായ രണ്ടാം ടെസ്റ്റിൽ ദക്ഷിണാഫ്രിക്ക കൂറ്റൻ ജയത്തോെട തിരിച്ചടിച്ചു. സ്വന്തം കാണികൾക്ക് മുമ്പിൽ ആതിഥേയരെ 340 റൺസിന് തോൽപിച്ചാണ് ആദ്യ മത്സരത്തിൽ തോറ്റതിന് ഡുപ്ലസിസും സംഘവും കടംവീട്ടിയത്. 474 റൺസിെൻറ കൂറ്റൻ വിജയലക്ഷ്യവുമായി രണ്ടാം ഇന്നിങ്സിനിറങ്ങിയ ഇംഗ്ലണ്ട് 133 റൺസിന് തകർന്നടിയുകയായിരുന്നു. ജയത്തോടെ നാലു മത്സരങ്ങളടങ്ങിയ പരമ്പരയിൽ ഇരുവരും 1-1ന് ഒപ്പമെത്തി. സ്കോർ: ദക്ഷിണാഫ്രിക്ക 335, 343/9ഡി. ഇംഗ്ലണ്ട്: 205, 133(44.2).
നാലാം ദിനം വമ്പൻ വിജയലക്ഷ്യം താണ്ടാനിറങ്ങിയ ഇംഗ്ലണ്ടിന് തുടക്കത്തിലെ പിഴച്ചു. ഒാപണർ അലിസ്റ്റർ കുക്ക് (42) പിടിച്ചുനിന്നെങ്കിലും കീറ്റൺ ജെന്നിങ്സ് (3) ഗ്രേയ് ബാലൻസ് (4) ജോ റൂട്ട് (8) എന്നിവർ നിലയുറപ്പിക്കും മുെമ്പ മടങ്ങി. പിന്നീടെത്തിയവരിൽ ജോണി ബെയർസ്റ്റോ(16), ബെൻ സ്റ്റോക്സ്(18), മോയിൻ അലി (27) എന്നിവർക്ക് മാത്രമാണ് രണ്ടക്കം കണ്ടെത്താനായത്. ഇതോടെ 133 റൺസിന് ഇംഗ്ലണ്ട് തകർന്നടിഞ്ഞു. ദക്ഷിണാഫ്രിക്കക്കായി വെറനോൺ ഫിലാൻഡർ, കേശവ് മഹാരാജ് എന്നിവർ മൂന്ന് വിക്കറ്റ് വീഴ്ത്തിയപ്പോൾ, ഡ്യൂവാൻ ഒലിവർ, ക്രിസ് മോറിസ് എന്നിവർ രണ്ടു വീതം വിക്കറ്റ് വീഴ്ത്തി. ഫിലാൻഡറാണ് മാൻ ഒാഫ് ദി മാച്ച്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.