മഡ്രിഡ്: മൂന്നുവട്ടം വലകുലുക്കി വിമര്‍ശകര്‍ക്ക് മറുപടി നല്‍കിയ ക്രിസ്റ്റ്യാനോ മത്സര ശേഷം നാവുകൊണ്ടും കണക്കുതീര്‍ക്കാന്‍ മടിച്ചില്ല. എ.എസ് റോമക്കെതിരായ പ്രീക്വാര്‍ട്ടര്‍ മത്സരത്തിനിടെ ഗാലറിയില്‍ പ്ളക്കാര്‍ഡുയര്‍ത്തിയ റയല്‍ ആരാധകര്‍ക്കും എതിരാളികള്‍ക്കുമുള്ള മറുപടിയായിരുന്നു ക്രിസ്റ്റ്യാനോയുടേത്. ‘എപ്പോഴും വിമര്‍ശിക്കുന്നവര്‍ക്ക് കാണാനുള്ളതാണ് ഈ ഗോളെണ്ണം. എന്‍െറ സീസണ്‍ മോശമാണെന്ന് പറയുന്നവരെ ഇതത്ര മോശം സീസണല്ല എന്ന് ഓര്‍മിപ്പിക്കട്ടെ. ടീമിന് ഏറ്റവും മികച്ചതല്ല. പക്ഷേ, യൂറോപ്പില്‍ എന്‍െറ ഏറ്റവും മികച്ച രാത്രിതന്നെയാണിത്. ഗോളുകള്‍ എന്‍െറ രക്തത്തില്‍ അലിഞ്ഞതാണ്. അവ ടീമിനായി അടിച്ചുകൂട്ടുകയാണ് സന്തോഷം’ - പിന്തുടര്‍ന്ന് വേട്ടയാടിയവരോടായി ക്രിസ്റ്റ്യാനോ തുറന്നടിച്ചു. കോച്ച് സിനദിന്‍ സിദാനും സൂപ്പര്‍താരത്തിന്‍െറ അതുല്യപ്രകടനത്തെ വാഴ്ത്താന്‍ മറന്നില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.