മഡ്രിഡ്: ബാഴ്സലോണക്ക് നെഞ്ചിടിപ്പ് കൂട്ടി സ്പാനിഷ് ലാ ലിഗയിൽ റയൽ മഡ്രിഡിെൻറ വിജയക്കുതിപ്പ്. ഡിപോർടീവോ അലാവസിനെതിരായ മത്സരത്തിൽ 2-0ത്തിന് ജയിച്ച റയലിനായി ഒരു ഗോളടിച്ചും, മറ്റൊരു ഗോളിന് വഴിയൊരുക്കിയും കരിം ബെൻസേമ താരമായി.
കളിയുടെ 11ാം മിനിറ്റിൽ പെനാൽറ്റിയിലൂടെയാണ് ബെൻസേമ ആദ്യ ഗോളടിച്ചത്. 50ാം മിനിറ്റിൽ മാർകോ അസൻസിയോ നേടിയ ഗോളിലേക്ക് പന്തെത്തിച്ച് നൽകിയും ഫ്രഞ്ച് താരം തിളങ്ങി. കോവിഡ് ലോക്ഡൗണിനു ശേഷം റയൽ മഡ്രിഡിെൻറ തുടർച്ചയായ എട്ടാം വിജയമാണിത്. 35 മത്സരത്തിൽ 80 പോയൻറുമായി റയൽ ഒന്നാമതാണ്.
മറ്റൊരു മത്സരത്തിൽ ബാഴ്സലോണ റിയൽ വല്ലാഡോളിഡിനെ പരാജയപ്പെടുത്തി. 15ാം മിനിറ്റിൽ മെസ്സിയുടെ പാസിൽ വിദാലാണ് വിജയഗോൾ കുറിച്ചത്. ഇതോടെ രണ്ടാംസ്ഥാനത്തുള്ള ബാഴ്സക്ക് 36 മത്സരങ്ങളിൽനിന്ന് 79 പോയൻറായി. ബാഴ്സക്ക് ഇനി രണ്ട് മത്സരങ്ങൾ മാത്രമാണ് ബാക്കിയുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.