ന്യൂഡൽഹി: 249 രൂപക്ക് 300 ജി.ബി ഡാറ്റയുമായി ബി.എസ്.എൻ.എൽ. ബ്രോഡ്ബാൻഡ് ഉപഭോക്താകൾക്കാണ് ഇൗ ഒാഫർ ലഭ്യമാവുക. പ്രതിമാസം 249 രൂപ നൽകിയാൽ പ്രതിദിനം 10 ജി.ബി ഡാറ്റയാണ് ബ്രോഡബാൻഡ് ഉപഭോക്താകൾക്ക് ബി.എസ്.എൻ.എൽ നൽകുക.
ഇതിനൊപ്പം രാവിലെ ഒമ്പത് മണി മുതൽ രാത്രി ഏഴ് വരെ കോളുകൾ സൗജന്യവുമായിരിക്കും. ഞായറാഴ്ചകളിലെ കോളുകൾ പരിപൂർണ്ണ സൗജന്യവും ആയിരിക്കും. കൂടുതൽ ഉപഭോക്താകളെ പുതിയ തീരുമാനത്തിലൂടെ ആകർഷിക്കാൻ കഴിയുമെന്നാണ് ബി.എസ്.എൻ.എൽ കണക്കു കൂട്ടുന്നത്. ബി.എസ്.എൻ.എൽ മാത്രമാണ് ബ്രോഡ്ബാൻഡ് സേവനം നൽകുന്ന കമ്പനികളിൽ ഇത്രയും മികച്ച ഒാഫർ നൽകുന്നതെന്ന് കമ്പനിയുടെ ഡയറക്ടർ എൻ.കെ ഗുപ്ത പറഞ്ഞു.
റിലയൻസ് ജിയോ നൽകുന്ന സൗജന്യ സേവനത്തിന് ഇന്നത്തോടെ അവസാനമാകും. കഴിഞ്ഞ ആറ് മാസത്തോളമായി ജിയോ സൗജന്യ സേവനം തുടർന്ന് വരികയായിരുന്നു. ഇനി മുതൽ 149 രൂപ മുതലുള്ള ജിയോയുടെ വിവിധ പ്ലാനുകൾ എടുത്ത് കമ്പനിയുടെ സേവനങ്ങൾ തുടരാവുന്നതാണ്. ജിയോയുടെ പ്രൈം മെമ്പർഷിപ്പ് ഏടുക്കുന്നവർക്ക് പ്രത്യേക ഒാഫറുകളും കമ്പനി നൽകുന്നുണ്ട്. 99 രൂപയാണ് പ്രൈം മെമ്പർഷിപ്പ് എടുക്കാൻ നൽകേണ്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.