സഞ്ചാരികളുടെ ഒഴുക്ക്​; പാൽനുരയായി മേലരുവി

കാ​ഞ്ഞി​ര​പ്പ​ള്ളി: മ​ഴ കൂ​ടു​ത​ൽ ശ​ക്തി​പ്രാ​പി​ച്ച​തോ​ടെ മേ​ല​രു​വി വെ​ള്ള​ച്ചാ​ട്ട​ത്തി​ലേ​ക്കു​ള്ള വി​നോ​ദ​സ​ഞ്ചാ​രി​ക​ളു​ടെ ഒ​ഴു​ക്ക്​ വ​ർ​ധി​ക്കു​ന്നു. കാ​ഞ്ഞി​ര​പ്പ​ള്ളി പ​ഞ്ചാ​യ​ത്തി​ലെ 21, 22 വാ​ർ​ഡു​ക​ൾ, ചി​റ​ക്ക​ട​വ് പ​ഞ്ചാ​യ​ത്തി​ലെ കു​ന്നും​ഭാ​ഗം എ​ന്നി​വ​യു​ടെ സം​ഗ​മ​കേ​ന്ദ്ര​ത്തി​ലാ​ണ് മേ​ല​രു​വി വെ​ള്ള​ച്ചാ​ട്ടം സ്ഥി​തി ചെ​യ്യു​ന്ന​ത്. ജൂ​ൺ മു​ത​ൽ ജ​നു​വ​രി​വ​രെ​യു​ള്ള കാ​ല​ത്താ​ണ് വെ​ള്ള​ച്ചാ​ട്ടം ഏ​റെ ആ​ക​ർ​ഷ​ക​മാ​കു​ന്ന​ത്. സ​മീ​പ​പ്ര​ദേ​ശ​ക്കാ​രാ​യ സ​ഞ്ചാ​രി​ക​ളെ ആ​ക​ർ​ഷി​ച്ചു​കൊ​ണ്ടു​ള്ള വെ​ള്ള​ച്ചാ​ട്ട​ത്തി​ലെ പാ​ൽ​പ​ത ഏ​റെ മ​നോ​ഹ​ര​മാ​ണ്.

ഇ​വി​ടെ വി​നോ​ദ​സ​ഞ്ചാ​രി​ക​ൾ​ക്കാ​യി ‘ഹാ​പ്പി​ന​സ് പാ​ർ​ക്ക്’​ സ്ഥാ​പി​ക്കാ​നു​ള്ള ഒ​രു​ക്ക​ത്തി​ലാ​ണ് ജ​ന​പ്ര​തി​നി​ധി​ക​ൾ. കി​ഴ​ക്ക​ൻ​മേ​ഖ​ല​യി​ലെ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ എ​ത്തു​ന്ന​വ​ർ​ക്ക് ഇ​വി​ടേ​ക്ക് ക​ട​ന്നു ചെ​ല്ല​ണ​മെ​ങ്കി​ൽ ആ​ദ്യ​ഘ​ട്ട​മെ​ന്ന നി​ല​യി​ൽ സൗ​ക​ര്യ​പ്ര​ദ​മാ​യ റോ​ഡ് ആ​വ​ശ്യ​മാ​ണ്. വെ​ള്ള​ച്ചാ​ട്ട​ത്തോ​ട് ചേ​ർ​ന്ന് സം​ര​ക്ഷ​ണ​വേ​ലി​ക​ളും ഒ​രു​ക്ക​ണം.

മേ​ല​രു​വി ചെ​ക്ക്​ ഡാ​മി​ൽ​നി​ന്നു​മാ​ണ്​ പൈ​പ്പ് ലൈ​ൻ വ​ഴി കാ​ഞ്ഞി​ര​പ്പ​ള്ളി മി​നി സി​വി​ൽ സ്റ്റേ​ഷ​നി​ലെ ആ​വ​ശ്യ​ങ്ങ​ൾ​ക്ക് വെ​ള്ള​മെ​ത്തു​ന്ന​ത്. കാ​ഞ്ഞി​ര​പ്പ​ള്ളി ജ​ന​ൽ ആ​ശു​പ​ത്രി​യി​ലെ രോ​ഗി​ക​ളു​ടെ കൂ​ട്ടി​രു​പ്പു​കാ​ർ​ക്ക് തു​ണി അ​ല​ക്കാ​നും കുളി​ക്കാ​നു​മുള്ള സൗ​ക​ര്യം മേ​ല​രു​വി​യി​ൽ ഒ​രു​ക്കി​യി​ട്ടു​ണ്ട്. ഭാ​വി​യി​ൽ ഒ​രു ടൂ​റി​സ്റ്റ് കേ​ന്ദ്ര​മാ​കാ​നു​ള്ള മേ​ല​രു​വി​യു​ടെ വി​ക​സ​ന​ത്തി​ന് സ​ർ​ക്കാ​റി​ന്‍റെ സ​ഹാ​യ​മു​ണ്ടാ​കേ​ണ്ട​തു​ണ്ടെ​ന്ന് കാ​ഞ്ഞി​ര​പ്പ​ള്ളി പ​ഞ്ചാ​യ​ത്ത് പ്ര​സി​ഡ​ന്‍റ്​ കെ.​ആ​ർ. ത​ങ്ക​പ്പ​ൻ, അം​ഗ​ങ്ങ​ളാ​യ മ​ഞ്ജു മാ​ത്യു, ആ​ന്‍റ​ണി മാ​ർ​ട്ടി​ൻ എ​ന്നി​വ​ർ പ​റ​ഞ്ഞു.