സാ​ബി​ത്തി​ന്‍റെ ലോ​ക​സ​ഞ്ചാ​രം

‘നി​ങ്ങ​ൾ ഭൂ​മി​യി​ലൂ​ടെ യാ​ത്ര പോ​കു​ക, അ​ല്ലാ​ഹു​വി​ന്‍റെ സൃ​ഷ്ടി​പ്പു​ക​ൾ എ​ങ്ങി​നെ​യാ​ണെ​ന്ന്​ ക​ണ്ട്​ മ​ന​സി​ലാ​ക്കു​ക’... ഈ ​ഖു​ർ​ആ​ൻ വ​ച​നം മു​റു​കെ​പ്പി​ടി​ച്ച്​ സൈ​ക്കി​ളി​ൽ യാ​ത്ര തു​ട​രു​ക​യാ​ണ്​ മം​ഗ​ലാ​പു​രം സ്വ​ദേ​ശി ഹാ​ഫി​സ്​ സാ​ബി​ത്ത്. 21ാം വ​യ​സി​ൽ വെ​റു​മൊ​രു ആ​വേ​ശ​ത്തി​ന്​ സൈ​ക്കി​ളു​മെ​ടു​ത്തി​റ​ങ്ങി​യ​ത​ല്ല ഈ ​ചെ​റു​പ്പ​ക്കാ​ര​ൻ, കൃ​ത്യ​മാ​യ ല​ക്ഷ്യ​മു​ണ്ട്.

മ​ദീ​ന​യി​ലെ​ത്ത​ണം, ഈ​ജി​പ്തി​ലെ​ത്തി പ്ര​ശ​സ്ത​മാ​യ അ​ൽ അ​സ്​​ഹ​ർ യൂ​നി​വേ​ഴ്​​സി​റ്റി​യി​ൽ പ​ഠ​ന​ത്തി​ന്​ ചേ​ര​ണം. ഈ ​ല​ക്ഷ്യ​ത്തി​ലേ​ക്ക്​ സൈ​ക്കി​ൾ ച​വി​ട്ടു​ക​യാ​ണ് ഖു​ർ​ആ​ൻ മ​ന​പാ​ഠ​മാ​ക്കി​യ ഹാ​ഫി​സ്​​ സാ​ബി​ത്ത്. ഇ​ന്ത്യ​യു​ടെ വി​വി​ധ സം​സ്ഥാ​ന​ങ്ങ​ളും ഒ​മാ​നും താ​ണ്ടി ദു​ബൈ​യി​ലെ​ത്തി നി​ൽ​ക്കു​ന്നു സാ​ബി​ത്തി​ന്‍റെ യാ​ത്ര.

മു​ൻ​പ്​ കേ​ര​ളം മു​ഴു​വ​ൻ ചു​റ്റി​ക്ക​റ​ങ്ങി​യ​തി​ന്‍റെ ആ​ത്​​മ​വി​ശ്വാ​സ​ത്തി​ലാ​ണ്​ സാ​ബി​ത്ത്​ ലോ​കം ചു​റ്റാ​നി​റ​ങ്ങി​യ​ത്. ക​ഴി​ഞ്ഞ വ​ർ​ഷം ഒ​ക്​​ടോ​ബ​ർ 20നാ​യി​രു​ന്നു യാ​ത്ര തു​ട​ങ്ങി​യ​ത്. ര​ണ്ട്​ ഭൂ​ഖ​ണ്ഡ​ങ്ങ​ളി​ലാ​യി 11 രാ​ജ്യ​ങ്ങ​ൾ താ​ണ്ടു​ക​യാ​ണ്​ ല​ക്ഷ്യം. 200 ദി​വ​സം​ കൊ​ണ്ട്​ 15,000 കി​ലോ​മീ​റ്റ​ർ യാ​ത്ര​ചെ​യ്യ​ണം.

പൂ​ർ​ണ​മാ​യും സൈ​ക്കി​ളി​ൽ യാ​ത്ര ചെ​യ്യ​ണ​മെ​ന്നാ​യി​രു​ന്നു ആ​ഗ്ര​ഹം. എ​ന്നാ​ൽ, കേ​ര​ളം, ക​ർ​ണാ​ട​ക, മ​ഹാ​രാ​ഷ്ട്ര, ഗോ​വ എ​ന്നി​വ പി​ന്നി​ട്ട​പ്പോ​ഴാ​ണ്​ പാ​കി​സ്താ​ൻ വി​സ ല​ഭി​ക്കാ​നു​ള്ള ബു​ദ്ധി​മു​ട്ടു​ക​ൾ മ​ന​സി​ലാ​ക്കു​ന്ന​ത്. ഇ​തോ​ടെ മും​ബൈ​യി​ൽ നി​ന്ന്​ വി​മാ​ന മാ​ർ​ഗം ഒ​മാ​നി​ലെ​ത്തി. അ​വി​ടെ നി​ന്നാ​ണ്​ സൈ​ക്കി​ളി​ൽ ദു​ബൈ​യി​ലെ​ത്തി​യ​ത്. ഇ​നി സൗ​ദി അ​റേ​ബ്യ, ഖ​ത്ത​ർ, ബ​ഹ്റൈ​ൻ, കു​വൈ​ത്ത്, ജോ​ർ​ദാ​ൻ, ഇ​സ്രാ​യേ​ൽ, പ​ല​സ്തീ​ൻ വ​ഴി ഈ​ജി​പ്തി​ൽ എ​ത്ത​ണം.

മ​ക്ക​യി​ലെ​ത്തി ഉം​റ നി​ർ​വ​ഹി​ച്ച് മ​ദീ​ന​യി​ലെ​ത്തി പ്ര​വാ​ച​ക​ൻ മു​ഹ​മ്മ​ദ്​ ന​ബി​യു​ടെ ഖ​ബ​റി​ടം സ​ന്ദ​ർ​ശി​ക്ക​ണ​മെ​ന്ന​താ​ണ്​ ആ​ദ്യ​ത്തെ ആ​ഗ്ര​ഹം. അ​തു​കൊ​ണ്ട്​ ത​ന്നെ ഈ ​യാ​ത്ര​ക്ക്​ പേ​രി​ട്ടി​രി​ക്കു​ന്ന​ത്​ ‘ഹ​ബീ​ബി​ന്‍റെ ചാ​ര​ത്തേ​ക്ക്​’ എ​ന്നാ​ണ്. ഇ​തി​ന്​ ശേ​ഷ​മാ​യി​രി​ക്കും അ​ടു​ത്ത ല​ക്ഷ്യം മു​ൻ​നി​ർ​ത്തി​യു​ള്ള ഈ​ജി​പ്​​ഷ്യ​ൻ യാ​ത്ര. അ​തി​നാ​ൽ ത​ന്നെ ഇ​തൊ​രു പ​ഠ​ന യാ​ത്ര​യും ഒ​പ്പം ആ​ത്​​മീ​യ സ​ഞ്ചാ​ര​വു​മാ​ണ്.

ഇ​തോ​ടൊ​പ്പം വി​വി​ധ നാ​ടു​ക​ളു​ടെ സം​സ്കാ​രം അ​ടു​ത്ത​റി​യാ​നും വൈ​വി​ധ്യ​ങ്ങ​ൾ ആ​സ്വ​ദി​ക്കാ​നും ല​ക്ഷ്യ​മി​ടു​ന്നു. ദി​വ​സ​വും 70 മു​ത​ൽ 100 വ​​രെ കി​ലോ​മീ​റ്റ​ർ സൈ​ക്കി​ൾ ച​വി​ട്ടും. 6-8 മ​ണി​ക്കൂ​ർ യാ​ത്ര​യു​ണ്ടാ​വും. ആ​കെ 15,000 കി​ലോ​മീ​റ്റ​ർ യാ​ത്ര​യു​ണ്ടാ​വും.

ഈ​ജി​പ്തി​ലെ പ്ര​ശ​സ്ത​മാ​യ അ​ൽ അ​സ്​​ഹ​ർ യൂ​നി​വേ​ഴ്​​സി​റ്റി​യി​ൽ ഒ​രു​വ​ർ​ഷ കോ​ഴ്​​സി​നാ​ണ്​ അ​ഡ്​​മി​ഷ​ൻ ല​ഭി​ച്ചി​രി​ക്കു​ന്ന​ത്. സ്വ​ന്തം അ​ധ്വാ​നി​ച്ചു​ണ്ടാ​ക്കി​യ പ​ണം കൊ​ണ്ടാ​ണ്​ യാ​ത്ര. ആ​രു​ടെ​യും സ്​​പോ​ൺ​സ​ർ​ഷി​പ്പി​ല്ല. 10 ല​ക്ഷം രൂ​പ​യാ​ണ്​ ചെ​ല​വ്​ പ്ര​തീ​ക്ഷി​ക്കു​ന്ന​ത്. ഇ​തി​ൽ ഒ​ന്ന​ര ല​ക്ഷം രൂ​പ​യും സൈ​ക്കി​ളി​നാ​യാ​ണ്​ ചെ​ല​വാ​ക്കി​യ​ത്. Sabi inspires എ​ന്ന സാ​മൂ​ഹി​ക മാ​ധ്യ​മ പേ​ജി​ലൂ​ടെ സാ​ബി​ത്തി​ന്‍റെ യാ​ത്രാ​വി​വ​ര​ങ്ങ​ൾ അ​പ്​​ഡേ​റ്റ്​ ചെ​യ്യു​ന്നു​ണ്ട്.