വരുന്നു, ഇലവീഴാപൂഞ്ചിറയിൽ വിശ്രമകേന്ദ്രം

കു​ട​യ​ത്തൂ​ർ: കു​ട​യ​ത്തൂ​ർ പ​ഞ്ചാ​യ​ത്തി​ന് വി​നോ​ദ​സ​ഞ്ച​ര ഭൂ​പ​ട​ത്തി​ൽ കൂ​ടു​ത​ൽ ഇ​ടം ന​ൽ​കു​ന്ന പ്ര​ഖ്യാ​പ​ന​വു​മാ​യി സ​ർ​ക്കാ​ർ. പ​ഞ്ചാ​യ​ത്തി​നാ​യി 10 സെ​ന്റ് സ്ഥ​ലം സ​ർ​ക്കാ​ർ അ​നു​വ​ദി​ച്ച​തി​ൽ വി​ശ്ര​മ കേ​ന്ദ്രം, ശൗ​ചാ​ല​യം, മി​നി ഓ​ഡി​റ്റോ​റി​യം എ​ന്നി​വ നി​ർ​മി​ക്കാ​നാ​ണ് ഭ​ര​ണ​സ​മി​തി​യു​ടെ തീ​രു​മാ​നം.

ടേ​ക്ക് എ ​ബ്രേ​ക്​ സം​വി​ധാ​നം ഒ​രു​ക്കാ​ൻ ജി​ല്ല പ​ഞ്ചാ​യ​ത്ത് 35 ല​ക്ഷം രൂ​പ​യും വ​ക​യി​രു​ത്തി​യി​ട്ടു​ണ്ട്. നി​ല​വി​ൽ ക​യ​റി നി​ൽ​ക്കാ​ൻ പോ​ലും ഒ​രു ഇ​ടം ഇ​ല്ലാ​ത്ത അ​വ​സ്ഥ​യാ​ണ് നൂ​റു​ക​ണ​ക്കി​ന് വി​നോ​ദ സ​ഞ്ചാ​രി​ക​ൾ എ​ത്തു​ന്ന പൂ​ഞ്ചി​റ​യി​ലേ​ത്. ഇ​തി​ന് മാ​റ്റം വ​രു​ന്ന​തോ​ടെ പൂ​ഞ്ചി​റ​ക്ക് പു​ത്ത​ൻ ഉ​ണ​ർ​വ്​ കൈ​വ​രും. അ​ടി​സ്ഥാ​ന സൗ​ക​ര്യ​ങ്ങ​ൾ ഒ​ന്നും ഇ​ല്ലാ​തി​രു​ന്നി​ട്ടും അ​ന​വ​ധി വി​നോ​ദ സ​ഞ്ചാ​രി​ക​ളാ​ണ് ഇ​വി​ടേ​ക്ക് ഒ​ഴു​കി​​യെ​ത്തു​ന്ന​ത്.

സ​മു​ദ്ര​നി​ര​പ്പി​ൽ നി​ന്നും 3200 അ​ടി ഉ​യ​ര​ത്തി​ലു​ള്ള, ത​ണു​പ്പും കാ​റ്റും ശാ​ന്ത​ത​യും ന​ൽ​കു​ന്ന അ​ന്ത​രീ​ക്ഷ​മാ​ണ് പൂ​ഞ്ചി​റ​യി​ലേ​ത്. കോ​ട്ട​യം, ഇ​ടു​ക്കി ജി​ല്ല​ക​ളു​ടെ അ​തി​ർ​ത്തി പ​ങ്കി​ട്ടാ​ണ് ഈ ​ടൂ​റി​സം കേ​ന്ദ്രം ഉ​ള്ള​ത്. പൂ​ഞ്ചി​റ​യി​ലേ​ക്ക് ഇ​ടു​ക്കി ജി​ല്ല​യി​ലെ കാ​ഞ്ഞാ​ർ വ​ഴി​യും കോ​ട്ട​യം ജി​ല്ല​യി​ലെ മേ​ലു​കാ​വ് വ​ഴി​യും എ​ത്താ​ൻ ക​ഴി​യും. കോ​ട്ട​യം ജി​ല്ല​യി​ലെ റോ​ഡ് ഉ​ന്ന​ത നി​ല​വാ​ര​ത്തി​ൻ ഗ​താ​ഗ​ത​യോ​ഗ്യ​മാ​യ​തോ​ടെ ഒ​ട്ടേ​റെ സ​ഞ്ചാ​രി​ക​ളാ​ണ് പൂ​ഞ്ചി​റ​യി​ൽ എ​ത്തു​ന്ന​ത്.

മി​ക്ക ദി​വ​സ​ങ്ങ​ളി​ലും കെ.​എ​സ്.​ആ​ർ.​ടി.​സി​യു​ടെ ബ​ജ​റ്റ് ടൂ​റി​സം അ​ട​ക്കം പ്ര​തി​ദി​നം ഒ​ട്ടേ​റെ വാ​ഹ​ന​ങ്ങ​ൾ ഇ​വി​ടെ എ​ത്തു​ന്നു. എ​ന്നാ​ൽ, ഇ​തി​ന്‍റെ ഗു​ണം ക​ട​യ​ത്തൂ​ർ പ​ഞ്ചാ​യ​ത്തി​ന് നാ​ളി​തു​വ​രെ ല​ഭി​ച്ചി​രു​ന്നി​ല്ല. ടേ​ക്ക് എ ​ബ്രേ​ക്ക് സം​വി​ധാ​നം വ​രു​ന്ന​തോ​ടെ പ​ഞ്ചാ​യ​ത്തി​ന് വ​രു​മാ​ന​വും വി​നോ​ദ സ​ഞ്ചാ​രി​ക​ൾ​ക്ക് അ​ടി​സ്ഥാ​ന സൗ​ക​ര്യ​വും ഉ​റ​പ്പാ​കും. കാ​ഞ്ഞാ​ർ വ​ഴി​യു​ള്ള പൊ​ട്ടി​പ്പൊ​ളി​ഞ്ഞ റോ​ഡ് കൂ​ടി ഗ​താ​ഗ​ത യോ​ഗ്യ​മാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.