ഇവിടെ ജനം തോൽക്കരുത്​

ഇൗ തെരഞ്ഞെടുപ്പ്​ കേരളത്തിനെ സംബന്ധിച്ചും പലവിധത്തിൽ നിർണായകമാണ്​. കീഴാള പ്രാതിനിധ്യം, സംവരണം, ജാതി സെൻസസ്​, വനിതാ പ്രാതിനിധ്യം, ന്യൂനപക്ഷ പ്രശ്​നം, മുസ്​ലിം രാഷ്​ട്രീയം തുടങ്ങിയ വിവിധ വിഷയങ്ങൾ എങ്ങനെ​െയാക്കെയാണ്​ പ്രതിഫലിക്കുന്നതെന്ന്​ വിലയിരുത്തുകയാണ്​ ചിന്തകനും എഴുത്തുകാരനുമായ ലേഖകൻ. പ്രാ​ദേ​ശി​ക​ വി​ഷ​യ​ങ്ങ​ളി​ൽ ഊ​ന്നു​ക​യും എ​ന്നാ​ൽ ദേ​ശീ​യ​ രാ​ഷ്ട്രീ​യ​ത്തി​ന്റെ പ്രാ​ധാ​ന്യം ഈ ​പൊ​തു​ തെ​ര​ഞ്ഞെ​ടു​പ്പി​ല്‍ സം​വാ​ദ​കേ​ന്ദ്ര​മാ​വു​ക​യും ചെ​യ്യേ​ണ്ട​തു​ണ്ടെന്ന്​ അദ്ദേഹം വാദിക്കുന്നു.

സ്വാ​ത​ന്ത്ര്യാ​നന്ത​ര ഇ​ന്ത്യ​യി​ൽ ഇ​തു​വ​രെ കാ​ണാ​ത്ത​ത​ര​ത്തി​ലു​ള്ള ഗൗ​ര​വ​വും സ​ങ്കീ​ർണ​വു​മാ​യ പാ​ര്‍ല​മെ​ന്റ് തെരഞ്ഞെടു​പ്പി​നെ അ​ഭി​മു​ഖീ​ക​രി​ക്കു​മ്പോ​ൾ ദേ​ശീ​യ​രാ​ഷ്ട്രീ​യ​ത്തി​ന്റെ അ​ജ​ണ്ട​ക​ളാ​യി​രി​ക്കും വി​പു​ല​മാ​യി ച​ര്‍ച്ച​ചെ​യ്യ​പ്പെ​ടു​ക​യെ​ന്ന കാ​ര്യ​ത്തി​ൽ സം​ശ​യ​മി​ല്ല. ചു​രു​ങ്ങു​ന്ന ജ​നാ​ധി​പ​ത്യം, ഭ​ര​ണ​ഘ​ട​നാ​പ​ര​മാ​യ സ്ഥാ​പ​ന​ങ്ങ​ളു​ടെ ത​ക​ര്‍ച്ച, ന്യൂ​ന​പ​ക്ഷ​സ​മൂ​ഹ​ങ്ങ​ളെ പ്ര​ത്യേ​കി​ച്ചും മുസ്​ലിം​ സ​മു​ദാ​യ​ത്തി​ന്റെ ആ​സൂ​ത്രി​ത​മാ​യ അ​പ​ര​വ​ത്ക​ര​ണം, രൂ​ക്ഷ​മാ​യ തൊ​ഴി​ലി​ല്ലാ​യ്മ, വി​ല​ക്ക​യ​റ്റം, ഇ​ല​ക്ട​റ​ല്‍ ബോ​ണ്ട്‌ എ​ന്ന ഔ​ദ്യോ​ഗി​ക​മാ​യ അ​ഴി​മ​തി, ഭ​ര​ണ​കൂ​ട​ത്തി​ന്റെ അ​മി​താ​ധി​കാ​ര​ പ്ര​യോ​ഗം, പ്ര​തി​പ​ക്ഷ ​രാ​ഷ്ട്രീ​യ​ത്തോ​ടു​ള്ള വേ​ട്ട​യാ​ട​ല്‍ സ​മീ​പ​നം, മ​ത​ത്തെ രാ​ഷ്ട്രീ​യ​മാ​യി ഉ​പ​യോ​ഗി​ക്കു​ന്ന​തി​ന്റെ പ്ര​ശ്ന​ങ്ങ​ള്‍, ബി.​ജെ.​പിയി​ത​ര സർക്കാറുകളോ​ടു​ള്ള വി​വേ​ച​ന​പ​ര​മാ​യ സ​മീ​പ​ന​ത്തി​ലൂ​ടെ ഫെ​ഡ​റ​ൽ ഘ​ട​ന​യെ ദു​ര്‍ബ​ല​പ്പെ​ടു​ത്ത​ൽ, പൗ​ര​ത്വ​ ഭേ​ദ​ഗ​തി​ നി​യ​മം, തു​ട​ങ്ങി ക​ഴി​ഞ്ഞ പ​ത്തു​വ​ര്‍ഷ​ത്തെ ന​രേ​ന്ദ്ര മോ​ദി ഭ​ര​ണ​ത്തി​ന്റെ സൂ​ക്ഷ്മ​വും സ്ഥൂ​ല​വു​മാ​യ വി​ല​യി​രു​ത്ത​ൽ ന​ട​ത്തേ​ണ്ട സ​ന്ദ​ര്‍ഭ​ത്തെ​യാ​ണ് പൊ​തു തെ​ര​ഞ്ഞെ​ടു​പ്പി​ലൂ​ടെ ജ​ന​ങ്ങ​ള്‍ അ​ഭി​മു​ഖീ​ക​രി​ക്കു​ന്ന​ത്.

ര​ണ്ടു പ​തി​റ്റാ​ണ്ട് മു​മ്പ്, ‘മ​തേ​ത​ര​ത്വം സം​ര​ക്ഷി​ക്കാ​ന്‍’, ‘ഹി​ന്ദു​ത്വ​വ​ര്‍ഗീ​യ​ത​യെ എ​തി​ര്‍ക്കാ​ൻ’ തു​ട​ങ്ങി​യ മു​ദ്രാ​വാ​ക്യ​ങ്ങ​ൾ പ​രി​ചി​ത​മാ​യ സ​ന്ദ​ര്‍ഭ​വും രാ​ഷ്ട്ര​ഘ​ട​ന​യും ഏ​റെ മാ​റു​ക​യും ജ​നാ​ധി​പ​ത്യ​ സ​ങ്ക​ൽപം​ത​ന്നെ അ​പ്ര​ത്യ​ക്ഷ​മാ​വു​ക​യും ചെ​യ്തി​രി​ക്കു​ന്നു. ക്രി​സ്റ്റ​ഫ് ജെ​ഫ് ലോ​ട്ട് വം​ശീ​യ​ജ​നാ​ധി​പ​ത്യ​മെ​ന്നും (Ethnic Democracy), ഉ​ത്ത​രേ​ന്ത്യ​യി​ലെ രാ​ഷ്ട്രീ​യ​മാ​റ്റ​ങ്ങ​ളെ​ക്കു​റി​ച്ച് സ​വി​ശേ​ഷ​മാ​യി ഗ​വേ​ഷ​ണം ചെ​യ്യു​ന്ന ബ​ദ്രി നാ​രാ​യ​ണ​ൻ, ഹ​രീ​ഷ് എ​സ്.​ വാ​ങ്ഡെ ​തു​ട​ങ്ങി​യ​വ​ര്‍ കീ​ഴാ​ള​ഹി​ന്ദു​ത്വ​ത്തി​ന്റെ (Subaltern Hindutva) രൂ​പ​പ്പെ​ട​ലെ​ന്നും വി​ശേ​ഷി​പ്പി​ക്ക​പ്പെ​ടു​ന്ന രാ​ഷ്ട്രീ​യ-സാ​മൂ​ഹിക പ്ര​തി​ഭാ​സം ല​ക്ഷ​ണ​മൊ​ത്ത ഫാ​ഷിസ്റ്റ് ഭ​ര​ണ​കൂ​ട​മാ​യി പ​രി​വ​ര്‍ത്തി​ക്കു​ക​യും ചെ​യ്ത ദേ​ശീ​യ​സാ​ഹ​ച​ര്യ​മാ​ണ് നി​ല​നി​ല്‍ക്കു​ന്ന​ത്.

വൈ​വി​ധ്യ​ങ്ങ​ളെ നി​രാ​ക​രി​ക്കു​ക​യും അ​തേ സ്ഥാ​ന​ത്ത് പൗ​ര​രു​ടെ ഭ​ക്ഷ​ണം, ഭാ​ഷ, വ​സ്ത്ര​ധാ​ര​ണം, വി​ശ്വാ​സം തു​ട​ങ്ങി സ്വ​കാ​ര്യ​വും പൊ​തു​വാ​യ​തു​മാ​യ കാ​ര്യ​ങ്ങ​ളി​ൽ ഏ​ക​പ​ക്ഷീ​യ​മാ​യി ബ്രാ​ഹ്മ​ണി​ക്ക​ൽ അ​ധീ​ശ​ത്വം അ​ടി​ച്ചേ​ൽപിക്കാ​നു​ള്ള ശ്ര​മ​ങ്ങ​ള്‍ക്ക് ആ​ക്കം​കൂ​ട്ടി​ക്കൊ​ണ്ട് പു​തി​യ സാം​സ്കാ​രി​ക പ്ര​തി​സ​ന്ധി സൃ​ഷ്ടി​ച്ചി​രി​ക്കു​ക​യാ​ണ്. ചു​രു​ക്ക​ത്തി​ല്‍ ഇ​ന്ത്യ​യു​ടെ ജ​നാ​ധി​പ​ത്യ​പ​ര​വും സാ​ംസ്കാ​രി​ക​വു​മാ​യ നി​ല​നി​ല്‍പ് അ​പ​ക​ട​ത്തി​ലാ​യ ച​രി​ത്ര​സ​ന്ദ​ര്‍ഭ​മാ​ണ് ന​മു​ക്ക് മു​ന്നിലു​ള്ള​ത്. ആ​ഴ​ത്തി​ലും വ്യാ​പ്തി​യി​ലും ഇ​ക്കാ​ര്യ​ങ്ങ​ള്‍ ച​ര്‍ച്ച​ചെ​യ്യാ​നു​ള്ള അ​വ​സ​ര​മാ​ണ് ഈ ​പൊ​തു​ തെരഞ്ഞെടു​പ്പെ​ന്നു കാ​ണാം.

പ്രാ​ദേ​ശി​ക​മാ​യ വൈ​വി​ധ്യ​ങ്ങ​ള്‍

1990ക​ളോ​ടെ ഇ​ന്ത്യ​യി​ല്‍ ദേ​ശീ​യ​ പാ​ര്‍ട്ടി​ക​ള്‍ക്ക് ദേ​ശീ​യ​മാ​യും പ്രാ​ദേ​ശി​ക​മാ​യും ഉ​ണ്ടാ​യി​രു​ന്ന രാ​ഷ്ട്രീ​യ​മേ​ല്‍ക്കോ​യ്മ ത​ക​രു​ക​യും അ​ത​ത് സം​സ്ഥാ​ന​ങ്ങ​ളി​ൽ സ​വി​ശേ​ഷ​മാ​യ അ​ജ​ണ്ട​ക​ളു​ടെ ഭാ​ഗ​മാ​യി രൂ​പ​പ്പെ​ട്ട പാ​ര്‍ട്ടി​ക​ൾ ഒ​രേ​സ​മ​യം ദേ​ശീ​യ​ പാ​ര്‍ട്ടി​ക​ളെ നി​യ​ന്ത്രി​ക്കു​ക​യും സം​സ്ഥാ​ന​ത്ത് അ​ധി​കാ​രം നി​ല​നി​ര്‍ത്തു​ക​യും ചെ​യ്യു​ന്ന സ്ഥി​തി​വി​ശേ​ഷ​മു​ണ്ടാ​യി. എ​ന്നാ​ല്‍, എ​ന്‍.​ഡി.​എ സം​വി​ധാ​ന​ത്തി​ന്റെ ഭാ​ഗ​മാ​യാ​ണ് ബി.​ജെ.​പി​ ഇ​ന്ത്യ ഭ​രി​ക്കു​ന്ന​തെ​ങ്കി​ലും ഒ​റ്റ​ക്ക് ഭ​രി​ക്കാ​നു​ള്ള ഭൂ​രി​പ​ക്ഷം ക​ഴി​ഞ്ഞ ഒ​രു പ​തി​റ്റാ​ണ്ടാ​യി അ​വ​ര്‍ക്കു​ണ്ട് എ​ന്ന​ത് വ​സ്തു​ത​യാ​ണ്. പ്ര​തി​പ​ക്ഷ​ രാ​ഷ്ട്രീ​യ​മാ​ക​ട്ടെ എ​ണ്ണ​ത്തി​ലും പ്രാ​ദേ​ശി​ക​മാ​യ അ​ധി​കാ​ര​ത്തി​ലും പ​രി​മി​ത​പ്പെ​ട്ടു​കൊ​ണ്ടി​രി​ക്കു​ന്ന സാ​ഹ​ച​ര്യ​വും സ​വി​ശേ​ഷ​മാ​യ സ​ങ്കീ​ർണ​ത സൃ​ഷ്‌​ടി​ച്ചി​ട്ടു​ണ്ട്.

ഇ​ൻഡ്യ മു​ന്ന​ണി​യാ​ക​ട്ടെ വൈ​രു​ധ്യ​ങ്ങ​ളാ​ലും രാ​ഷ്ട്രീ​യ​മാ​യ എ​തി​ര്‍ചേ​രി​ക​ളു​ടെ കൂ​ടി​ച്ചേര​ൽ എ​ന്നനി​ല​യി​ലും ഭ​ര​ണ​പ​ക്ഷ​ത്തി​നു വി​മ​ര്‍ശി​ക്കാ​നും ബ​ഹു​ജ​ന​ങ്ങ​ള്‍ക്കി​ട​യി​ൽ സ​ന്ദേ​ഹ​ങ്ങ​ൾ തീ​ര്‍ക്ക​ാനും ക​ഴി​യു​ന്ന വി​ധ​ത്തി​ലു​ള്ള ഒ​രു സം​ശ്ലേ​ഷ​ണ​മാ​യി വി​ശേ​ഷി​പ്പി​ക്കാം. ഉ​ദാ​ഹ​ര​ണ​ത്തി​ന് കേ​ര​ള​ത്തി​ലെ എ​ല്‍.​ഡി.​എ​ഫും യു.​ഡി.​എ​ഫും ഇൻഡ്യ മുന്നണിയി​ലാ​ണെ​ങ്കി​ലും തെരഞ്ഞെടു​പ്പു​ രാ​ഷ്ട്രീ​യ​ത്തി​ൽ പ​ര​സ്പ​രം തോ​ൽപി​ക്കാ​ൻ മ​ത്സ​രി​ക്കേ​ണ്ട അ​വ​സ്ഥ​യി​ലാ​ണ്.

തൊ​ട്ട​് അയ​ല്‍പ​ക്ക​ത്തു​ള്ള ത​മി​ഴ്നാ​ട്ടി​ലാ​ക​ട്ടെ ഇ​രു​മു​ന്ന​ണി​യി​ലെ പ്ര​ധാ​ന​ പാ​ര്‍ട്ടി​ക​ള്‍ രാ​ഷ്ട്രീ​യ​മാ​യി അ​ങ്ങേ​യ​റ്റം പാ​ര​സ്പ​ര്യ​ത്തി​ലാ​ണ്. പ​ശ്ചി​മ​ ബം​ഗാ​ളി​ല്‍ തൃ​ണ​മൂ​ൽ കോ​ൺഗ്രസും​ സി.​പി.​എ​മ്മും പ​ഞ്ചാ​ബി​ല്‍ പ്ര​ധാ​ന​പ്പെ​ട്ട ക​ക്ഷി​ക​ളാ​യ കോ​ൺഗ്ര​സും ആം ​ആ​ദ്മി പാ​ര്‍ട്ടി​യും എ​ല്ലാം ഈ ​വൈ​രു​ധ്യ​ങ്ങ​ള്‍ക്കു​ള്ളി​ല്‍ത​ന്നെ​യാ​ണ്. എ​ങ്കി​ലും സം​ഘ​്പ​രി​വാ​ർ രാ​ഷ്ട്രീ​യ​ത്തെ പ​രാ​ജ​യ​പ്പെ​ടു​ത്താ​ൻ ആ​ശ​യ​പ​ര​മാ​യ ഭി​ന്ന​ത​ക​ൾ മാ​റ്റി​വെ​ച്ചു സു​ശ​ക്ത​മാ​യ ഒ​രു മു​ന്ന​ണി​യെ​ന്ന സ​ങ്ക​ൽപം ജ​ന​ങ്ങ​ള്‍ക്ക് മു​ന്നില്‍വെ​ക്കാ​ന്‍ ചു​രു​ങ്ങി​യ​കാ​ലം​കൊ​ണ്ട് ക​ഴി​ഞ്ഞു​വെ​ന്ന​ത് നി​സ്സാ​ര​മാ​യി കാ​ണാ​നാ​വി​ല്ല. കേ​ര​ള​ത്തി​ലെ തെ​ര​ഞ്ഞെ​ടു​പ്പ് രാ​ഷ്ട്രീ​യം ച​ര്‍ച്ചചെ​യ്യു​മ്പോ​ൾ ഇ​തി​ല്‍നി​ന്നൊ​ക്കെ ഭി​ന്ന​മാ​യ ഒ​രു ചി​ത്ര​മാ​ണ് ന​മു​ക്ക് ല​ഭി​ക്കു​ക.

1982ലെ ​സ​വി​ശേ​ഷ​മാ​യ രാ​ഷ്ട്രീ​യ​ സാ​ഹ​ച​ര്യ​ങ്ങ​ളു​ടെ ഭാ​ഗ​മാ​യി രൂ​പ​പ്പെ​ട്ട ഇ​ന്ന​ത്തെ എ​ല്‍.​ഡി.​എ​ഫ്-യു.​ഡി.​എ​ഫ് മു​ന്ന​ണി ​രാ​ഷ്ട്രീ​യം ചെ​റി​യ വ്യ​ത്യാ​സ​ങ്ങ​ളോ​ടെ ഇ​ന്നും തു​ട​രു​ന്ന​ത് ശ്ര​ദ്ധേ​യ​മാ​ണ്. ഇ​ന്ത്യ​യി​ലെ നി​ര​വ​ധി​യാ​യ ഇ​ത​ര സം​സ്ഥാ​ന​ങ്ങ​ളി​ലാ​ക​ട്ടെ പു​തി​യ​ രാ​ഷ്ട്രീ​യ പാ​ര്‍ട്ടി​ക​ൾ രൂ​പം​കൊ​ള്ളു​ക​യും നി​ല​വി​ലു​ള്ള പ്ര​ബ​ല​മാ​യ രാ​ഷ്ട്രീ​യ​ക​ക്ഷി​ക​ളെ ദു​ര്‍ബ​ല​പ്പെ​ടു​ത്തു​ക​യും ചെ​യ്ത​പ്പോ​ള്‍ കേ​ര​ള​ത്തി​ലാ​ക​ട്ടെ ഇ​രു​മു​ന്ന​ണി​ക​ളും ഇ​ന്നും ശ​ക്ത​മാ​യ ഭ​ര​ണ​ക​ക്ഷി​ക​ളാ​യി നി​ല​നി​ല്‍ക്കു​ന്നു. 1982ലെ ​നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ ബി.​ജെ.​പി മ​ത്സ​രി​ച്ചെ​ങ്കി​ലും കേ​വ​ലം 2.5 ശ​ത​മാ​നം വോ​ട്ടു​ക​ള്‍കൊ​ണ്ട് അ​വ​ര്‍ക്ക് തൃ​പ്തി​പ്പെ​ടേ​ണ്ടി​വ​ന്ന​തും ച​രി​ത്രം. കേ​ര​ള​ത്തി​ലെ രാ​ഷ്ട്രീ​യ മു​ന്ന​ണി​ക​ളു​ടെ ദീ​ര്‍ഘ​കാ​ല​മാ​യു​ള്ള ഭ​ര​ണാ​ധി​കാ​ര സു​സ്ഥി​ര​ത കീ​ഴ്വ​ഴ​ക്ക​വും പാ​ര​മ്പ​ര്യ​വു​മാ​യി ആ​സ്വ​ദി​ക്കാ​ൻ കോ​ൺഗ്ര​സി​നും സി.​പി.​എ​മ്മി​നും ക​ഴി​ഞ്ഞി​രു​ന്നു.

2021ലെ ​നി​യ​മ​സ​ഭാ തെ​ര​ഞ്ഞെ​ടു​പ്പ് മാ​ത്ര​മാ​ണ് ച​രി​ത്ര​പ​ര​മാ​യ ഒ​രു തി​രു​ത്താ​യി മാ​റി​യ​തെ​ന്ന് പ​റ​യാം. സം​സ്ഥാ​നം തു​ട​ര്‍ച്ച​യാ​യി നേ​രി​ട്ട ദു​ര​ന്ത​ങ്ങ​ളും മ​തേ​ത​ര​ പാ​ര്‍ട്ടി​യാ​യ കോ​ണ്‍ഗ്ര​സ് വി​ശ്വാ​സ​ സം​ര​ക്ഷ​ണ​മെ​ന്ന പേ​രി​ൽ ശ​ബ​രി​മ​ല ​വി​ഷ​യം മു​ഖ്യ പ്ര​ചാ​ര​ണ പ്ര​മേ​യ​മാ​ക്കി​യ​തു​മാ​ണ് തു​ട​ര്‍ഭ​ര​ണ​ത്തി​ന് വ​ഴി തെ​ളി​ച്ച​തെ​ന്നു നി​രീ​ക്ഷി​ക്ക​പ്പെ​ട്ടി​ട്ടു​ണ്ട്. ലോ​ക് നീ​തി–സി.​എ​സ്.​ഡി.​എ​സ് ​ന​ട​ത്തി​യ പോ​ള്‍ സ​ര്‍വേ​യി​ൽ ശ​ബ​രി​മ​ല പ്ര​ശ്നം ഒ​രു പ്ര​ധാ​ന​വി​ഷ​യ​മാ​യി ഭൂ​രി​പ​ക്ഷം ജ​ന​ങ്ങ​ളും പ​രി​ഗ​ണി​ച്ചി​ല്ലെ​ന്നു സൂ​ചി​പ്പി​ക്കു​ന്നു​ണ്ട്.​

ത​ന്നെ​യു​മ​ല്ല, ക്രൈ​സ്ത​വ​രി​ലെ​യും മു​സ്​ലിംകളി​ലെ​യും പാ​വ​പ്പെ​ട്ട​വ​രി​ല്‍നി​ന്നും 2016ലെ ​തെ​ര​ഞ്ഞെ​ടു​പ്പി​ല്‍നി​ന്നും വ്യ​ത്യ​സ്ത​മാ​യി 10 ശ​ത​മാ​നം കൂ​ടു​ത​ല്‍ വോ​ട്ട് 2021ല്‍ ​എ​ൽ.​ഡി.​എ​ഫി​ന് ല​ഭി​ച്ച​താ​യും ചൂ​ണ്ടി​ക്കാ​ണി​ക്ക​പ്പെ​ടു​ന്നു. ഇ​തി​ന​ർഥം, കേ​ര​ള​ത്തി​ലെ മേ​ല്‍ജാ​തി​ഹി​ന്ദു​വും സം​ഘ​്പ​രി​വാ​റും ആ​സൂ​ത്ര​ണം ചെ​യ്ത അ​ജ​ണ്ട കോ​ണ്‍ഗ്ര​സ് ഏ​റ്റെ​ടു​ത്ത​തി​ന്റെ ഭാ​ഗ​മാ​യി അ​വ​രു​ടെ പ​ര​മ്പ​രാ​ഗ​ത​മാ​യ വോ​ട്ടു​ക​ളി​ല്‍ കു​റ​വു​വ​ന്നു​വെ​ന്നാ​ണ്. ഇ​പ്പോ​ഴ​ത്തെ പാ​ര്‍ല​മെ​ന്റ് തെ​ര​ഞ്ഞെ​ടു​പ്പ് അ​ത്ത​രം വി​ഷ​യ​ങ്ങ​ൾ പ്ര​തി​ഫ​ലി​ക്കു​ന്നി​ല്ലെ​ങ്കി​ലും പൗ​ര​ത്വ​നി​യ​മം, ഫലസ്തീ​ന് എ​തി​രെ​യു​ള്ള ഇ​സ്രാ​യേ​ല്‍ ആ​ക്ര​മ​ണ​ത്തി​ലെ നി​ല​പാ​ട് എ​ന്നീ​ കാര്യ​ങ്ങ​ളി​ല്‍ മുസ്​ലിം ന്യൂന​പ​ക്ഷ​ത്തെ ഒ​പ്പംനി​ര്‍ത്തു​ന്ന​ത് നി​ർണാ​യ​കമാ​ണെ​ന്ന് ഇ​രു​ മു​ന്ന​ണി​ക​ളും ക​രു​തു​ന്നു​ണ്ട്.

മുസ്​ലിം രാ​ഷ്ട്രീ​യ​വും ദേ​ശീ​യാ​ഖ്യാ​ന​ങ്ങ​ളും

ക​ഴി​ഞ്ഞ ര​ണ്ടു പ​തി​റ്റാ​ണ്ടി​ലേ​റെ​യാ​യി ഇ​ന്ത്യ​യു​ടെ പാ​ര്‍ലമെ​ന്റി​ൽ മുസ്​ലിം സ​മു​ദാ​യ​ത്തി​ന്റെ പ്രാ​തി​നി​ധ്യം പ​ടി​പ​ടി​യാ​യി കു​റ​ക്കാനു​ള്ള സം​ഘ​്പ​രി​വാ​ര്‍ ശ്ര​മം പൂ​ർണ​മാ​യും വി​ജ​യി​ക്കു​ന്ന​തി​ന്റെ സൂ​ച​ന​ക​ളാ​ണ് ല​ഭ്യ​മാ​കു​ന്ന​ത്. ശ​ക്ത​മാ​യ സ​മു​ദാ​യ​സാ​ന്നി​ധ്യ​വും വി​വി​ധ​മേ​ഖ​ല​ക​ളി​ലു​ള്ള പ്രാ​മു​ഖ്യ​വും ദേ​ശീ​യാ​ഖ്യാ​ന​ങ്ങ​ളി​ല്‍ കേ​ര​ള​ത്തി​ലെ മുസ്​ലിംകള്‍ക്ക് വി​മ​ത​പ​രി​വേ​ഷം ന​ൽകാ​ൻ ഹി​ന്ദു​ത്വ​ശ​ക്തി​ക​ളെ പ്രേ​രി​പ്പി​ക്കു​ന്ന ഘ​ട​ക​ങ്ങ​ളാ​ണ്. ല​വ് ജി​ഹാ​ദ് ആ​ഖ്യാ​നം മു​ത​ല്‍ കേ​ര​ളാ സ്റ്റോ​റിപോ​ലു​ള്ള മുസ്​ലിം വെ​റു​പ്പ് ഉ​ൽപാ​ദി​പ്പി​ക്കു​ന്ന സി​നി​മ​ക​ള്‍വ​രെ ഇ​തി​ന്റെ ഭാ​ഗ​മാ​യി ഉ​ത്ത​രേ​ന്ത്യ​ൻ രാ​ഷ്ട്രീ​യ​ത്തി​ൽ നി​ർണാ​യ​ക​മാ​യ സ​ന്ദ​ര്‍ഭ​ത്തി​ൽ കേ​ര​ള​ത്തി​ലെ വി​വി​ധ​ങ്ങ​ളാ​യ രാ​ഷ്ട്രീ​യ​ക​ക്ഷി​ക​ൾ ഉ​ന്ന​യി​ക്കു​ന്ന വി​ഷ​യ​ങ്ങ​ള്‍ക്ക് പ്രാ​ധാ​ന്യ​മു​ണ്ട്.

കോ​ണ്‍ഗ്ര​സ് രാ​ഷ്ട്രീ​യ​ത്തി​ന്റെ വി​ധേ​യ​രും മ​തേ​ത​ര​ത്വം സം​ര​ക്ഷി​ക്കാനും അ​ധി​കാ​ര​ത്തി​ലെ​ത്താ​നും വി​ട്ടു​വീ​ഴ്ച​ക്ക് ത​യാറാ​കു​ന്ന ക​ര്‍തൃ​ത്വ​മി​ല്ലാ​ത്ത രാ​ഷ്ട്രീ​യ​ക​ക്ഷി​യാ​യാ​ണ് മുസ്​ലിം ലീ​ഗി​നെ​ക്കു​റി​ച്ചു​ള്ള സ​മീ​പ​കാ​ല ആ​ഖ്യാ​ന​ങ്ങ​ളെ​ല്ലാം​ത​ന്നെ. ഇ​ന്ന​ത്തെ ദേ​ശീ​യ​ രാ​ഷ്ട്രീ​യ സാ​ഹ​ച​ര്യ​ത്തി​ല്‍, പ്ര​ത്യേ​കി​ച്ചും മുസ്​ലിം അ​ദൃ​ശ്യ​ത​യു​ടെ ച​രി​ത്ര​സ​ന്ദ​ര്‍ഭ​ത്തി​ൽ മു​സ്​ലിംകൾ ഉ​ന്ന​യി​ക്കു​ന്ന ആ​വ​ശ്യ​ങ്ങ​ളെ പി​ന്തു​ണ​ക്കുന്ന​തി​നു പ​ക​രം നി​ശി​ത​മാ​യ വി​ചാ​ര​ണ​ക്ക് വി​ധേ​യ​മാ​ക്കാ​നാ​ണ് പ​ല​രും തയാറാകുന്ന​ത്. കേ​ര​ള​ത്തി​ലെ അ​ഞ്ചാം മ​ന്ത്രി​സ്ഥാ​നം മു​ത​ല്‍ വി​ദ്യാ​ഭ്യാ​സ​മ​ന്ത്രി​യാ​യി​രു​ന്ന പി.​കെ.​ അ​ബ്ദുറ​ബ്ബി​ന്റെ കാ​ല​ത്തെ എ​സ്.​എ​സ്.​എ​ല്‍.​സി വി​ജ​യ​ശ​ത​മാ​ന​ത്തി​നെ​തി​രെ ഉ​ണ്ടാ​യ പ​രി​ഹാ​സം​വ​രെ ഓ​ര്‍ക്കാ​വു​ന്ന​താ​ണ്.

ഇ​തി​ന് പ​ല​പ്പോ​ഴും പി​ന്തു​ണ​യും പ്ര​ചാ​ര​ണ​വും ന​ല്‍കു​ന്ന​ത് കേ​ര​ള​ത്തി​ലെ സി.​പി.​എമ്മിന്റെ ​സ​മീ​പ​കാ​ല സൈ​ദ്ധാ​ന്തി​ക ച​ര്‍ച്ച​ക​ളെ ന​യി​ക്കു​ന്ന കെ.​ടി.​ കു​ഞ്ഞി​ക്ക​ണ്ണ​ന്‍ ‘കേ​ര​ളം: സ​മൂ​ഹ​വും രാ​ഷ്ട്രീ​യ​വും’ എ​ന്ന പു​സ്ത​ക​ത്തി​ല്‍ മുസ്​ലിം​ ലീ​ഗി​നെ​ക്കു​റി​ച്ച് ന​ട​ത്തു​ന്ന ഒ​രു നി​രീ​ക്ഷ​ണം ഇ​പ്ര​കാ​ര​മാ​ണ്: മുസ്​ലിം ലീ​ഗ് അ​ധി​കാ​ര​ത്തി​ൽ പ​ങ്കുവ​ഹി​ക്കാ​ൻ തു​ട​ങ്ങി​യ 1967 മു​ത​ല്‍ അ​തി​ന്റെ നേ​താ​ക്ക​ള്‍ പി​ന്തു​ട​ര്‍ന്ന ഇസ്‍ലാമി​ക് ന​ട​പ​ടി​ക​ള്‍ മുസ്​ലിം ബ​ഹു​ജ​ന​ത്തെ അ​ക​റ്റാ​നേ ഉ​പ​ക​രി​ച്ചി​ട്ടു​ള്ളൂ. ആ​ര്‍.​എ​സ്.​എ​സ്, ജ​ന​താ​ദ​ള്‍, ബി.​ജെ.​പി, ഹി​ന്ദു​ മു​ന്ന​ണി​യു​ടെ വ​ള​ര്‍ച്ച​ക്ക് സ​ഹാ​യ​ക​ര​മാ​വു​ക​യാ​ണ് അ​വ​രു​ടെ പ​ല ന​ട​പ​ടി​ക​ളും. 1984ലെ ​പൊ​തു​ തെ​ര​ഞ്ഞെ​ടു​പ്പി​ല്‍ ഹി​ന്ദു​മു​ന്ന​ണി കാ​ഴ്ചവെ​ച്ച പ്ര​ക​ട​നം കേ​ര​ള​ജ​ന​ത​യെ പൊ​തു​വി​ലും മുസ്​ലിം ജ​ന​സാ​മാ​ന്യ​ത്തെ പ്ര​ത്യേ​കി​ച്ചും ഇ​രു​ത്തി ചി​ന്തി​പ്പി​ക്കേ​ണ്ട​താ​ണ് (പു​റം: 94).

ഇ​ന്ത്യ​യി​ലെ ഹി​ന്ദു​ത്വ​ത്തി​ന്റെ വ​ള​ര്‍ച്ച​ക്ക് കാ​ര​ണം മുസ്​ലിംകള്‍ക്കി​ട​യി​ലെ തീ​വ്ര​നി​ല​പാ​ടു​ക​ളും പ്ര​വ​ര്‍ത്ത​ന​ങ്ങ​ളു​മാ​ണെ​ന്ന ഹി​ന്ദു​ത്വ​വാ​ദി​ക​ളു​ടെ നി​ല​പാ​ടു​ക​ളെ അ​ല്‍പം കൗ​ശ​ല​പൂ​ര്‍വം വി​ന്യ​സി​ക്കു​ക​യാ​ണ് ഇ​വി​ടെ​യു​മെ​ന്ന് സൂ​ക്ഷ്മ​നോ​ട്ട​ത്തി​ല്‍ കാ​ണാം. നി​ര​ന്ത​രം അ​പ​ര​വത്ക​ര​ണ​ത്തി​നു നി​യ​മ​പ​ര​മാ​യും പൊ​തു​ബോ​ധ​ത്തി​ലൂ​ടെ​യും വി​ധേ​യ​മാ​കു​ന്ന ഒ​രു സ​മു​ദാ​യ​ത്തി​ന്റെ രാ​ഷ്ട്രീ​യ​ത്തെ​ക്കു​റി​ച്ചാ​ണ് ഇ​പ്ര​കാ​രം വി​ല​യി​രു​ത്തു​ന്ന​ത്. മ​ത​പ​ര​മാ​യ വി​വേ​ച​ന​ത്തി​ന്റെ അ​ടി​സ്ഥാ​ന​ത്തി​ലു​ണ്ടാ​യ പൗ​ര​ത്വ​ബി​ല്ലി​നെ​തി​രെ ന​ട​ന്ന പ്ര​ക്ഷോ​ഭ​ങ്ങ​ളി​ൽ മ​ത​പ​ര​മാ​യ ചി​ഹ്ന​ങ്ങ​ൾ ക​ണ്ട​പ്പോ​ള്‍ ഉ​ണ്ടാ​യ കേ​ര​ള​ത്തി​ലെ മ​തേ​ത​ര അ​സ്വ​സ്ഥ​ത മ​റ്റൊ​രു ഉ​ദാ​ഹ​ര​ണ​മാ​ണ്. മാ​റി​യ ദേ​ശീ​യ രാ​ഷ്ട്രീ​യ​സാ​ഹ​ച​ര്യ​ത്തി​ൽ മ​തേ​ത​ര​ത്വ​വും മുസ്​ലിം അ​പ​ര​വ​ത്ക​ര​ണ​വും മു​ഖ്യ​പ്ര​മേ​യ​മാ​കേ​ണ്ട സ​ന്ദ​ര്‍ഭ​ത്തി​ൽ കേ​ര​ള​ത്തി​ന്റെ രാ​ഷ്ട്രീ​യ​ പൊ​തു​മ​ണ്ഡ​ല​വും മു​ഖ്യ​ധാ​രാ​ വ്യ​വ​ഹാ​ര​ങ്ങ​ളും അ​തി​ല്‍നി​ന്നും പി​ന്നോ​ട്ടു​പോ​കു​ന്ന​താ​ണ് കാ​ണു​ന്ന​ത്.

വ​നി​താ​ പ്രാ​തി​നി​ധ്യ​ത്തി​ന്റെ പ്ര​ശ്ന​ങ്ങ​ള്‍

ഇ​ന്ത്യ​യി​ലെ രാ​ഷ്ട്രീ​യ​ സ​മൂ​ഹ​വും ഭ​ര​ണ​കൂ​ട​വും സ്വേ​ച്ഛാ​ധി​പ​ത്യ​ത്തി​നും ആ​ള്‍ക്കൂ​ട്ട​നീ​തി​ക്കും പ്രാ​ധാ​ന്യം ന​ല്‍കു​മ്പോ​ള്‍ തി​രു​ത്ത​ല്‍ശ​ക്തി​യാ​യി മാ​റേ​ണ്ട സി​വി​ല്‍സ​മൂ​ഹം ദു​ര്‍ബ​ല​മാ​കു​ന്ന​തി​ന്റെ സൂ​ച​ന​ക​ൾ കാ​ണാം. വി​യോ​ജി​പ്പു​ക​ളെ ഇ​ല്ലാ​താ​ക്കി​യും വി​മ​ത​ശ​ബ്ദ​ങ്ങ​ളെ ദേ​ശ​വി​രു​ദ്ധ​ത​യു​ടെ ക​ള്ളി​യി​ലാ​ക്കി​യും ഗു​ജ​റാ​ത്തി​ലെ സി​വി​ല്‍ സ​മൂ​ഹ​പ്ര​സ്ഥാ​ന​ങ്ങ​ളെ ഇ​ല്ലാ​താ​ക്കി​യ​തി​നെ​ക്കു​റി​ച്ച് ച​രി​ത്ര​കാ​ര​നും അ​ക്കാ​ദ​മിഷ്യനു​മാ​യ അ​ച്യു​ത് യാ​ഗ്നി​ക് എ​ഴു​തി​യി​ട്ടു​ണ്ട്. ക​ഴി​ഞ്ഞ മൂ​ന്ന്‍ പ​തി​റ്റാ​ണ്ടാ​യി കേ​ര​ള​ത്തി​ല്‍ സ​ജീ​വ​മാ​യ സി​വി​ല്‍ സ​മൂ​ഹ​ പ്ര​സ്ഥാ​ന​ങ്ങ​ളും കീ​ഴാ​ള-ദ​ലിത്‌-സ്ത്രീ​ വാ​ദ​ പ്ര​സ്ഥാ​ന​ങ്ങ​ളും വി​പു​ല​മാ​യ അ​ഭി​പ്രാ​യ​രൂ​പവത്ക​ര​ണ​ത്തി​ന്റെ മ​ണ്ഡ​ല​ത്തി​ല്‍നി​ന്നും പി​ന്‍വാ​ങ്ങു​ക​യും പ​ല​തും മു​ഖ്യ​ധാ​രാ വ്യ​വ​ഹാ​ര​ങ്ങ​ളു​ടെ ഭാ​ഗ​മാ​വു​ക​യും ചെ​യ്തു.

മു​ഖ്യ​ധാ​രാ​ രാ​ഷ്ട്രീ​യ പ്ര​സ്ഥാ​ന​ങ്ങ​ളെ ആ​ശ​യ​പ​ര​മാ​യും പ്രാ​യോ​ഗി​ക​മാ​യും സ്വാ​ധീ​നി​ക്കു​ന്ന വി​ധ​ത്തി​ല്‍ വി​ക​സി​ച്ചി​ല്ലെ​ന്നു​ മാ​ത്ര​മ​ല്ല; ക​ക്ഷി​രാ​ഷ്ട്രീ​യ സ്വേ​ച്ഛാ​ധി​പ​ത്യ​ത്തി​നു സാം​സ്കാ​രി​ക​മാ​യി പി​ന്തു​ണ​ ന​ല്‍കു​ന്ന അ​വാ​ന്ത​ര​വി​ഭാ​ഗ​ങ്ങ​ളാ​യി പ​ല​തും മാ​റു​ക​യും ചെ​യ്തു. സ്ത്രീ​പ്രാ​തി​നി​ധ്യം, കീ​ഴാ​ള​ സാ​മൂ​ഹിക​നീ​തി, അ​ധി​കാ​ര പ​ങ്കാ​ളി​ത്തം എ​ന്നി​വ​യെ​ക്കു​റി​ച്ചു​ള്ള ഗൗ​ര​വ​മാ​യ ച​ര്‍ച്ച​ക​ളെ ഭ​ര​ണ​കൂ​ട​ങ്ങ​ള്‍ക്കും പാ​ര്‍ട്ടി​പ്ര​ാമാ​ണി​ക​ത​ക്കും അ​വ​ഗ​ണി​ക്കാ​നു​ള്ള കാ​ര​ണ​മാ​യി ഇ​ത്ത​രം ദൗ​ര്‍ബ​ല്യ​ങ്ങ​ള്‍കൂ​ടി പ​ങ്കുവ​ഹി​ക്കു​ന്നു​വെ​ന്ന​ത് വ​സ്തു​ത​യാ​ണ്.

2011ലെ ​സെ​ന്‍സ​സ് പ്ര​കാ​രം 1085 സ്ത്രീ​ക​ള്‍ക്ക് 1000 പു​രു​ഷ​ന്‍മാ​രാ​ണ് കേ​ര​ള​ത്തി​ലു​ള്ള​ത്. എ​ന്നാ​ല്‍, പാ​ര്‍ല​മെ​ന്റ​റി രാ​ഷ്ട്രീ​യ​ത്തി​ൽ സ്ത്രീ​ക​ളു​ടെ പ​ങ്കാ​ളി​ത്തം ഇ​ന്ത്യ​യി​ലെ മ​റ്റു​ പ​ല സം​സ്ഥാ​ന​ങ്ങ​ളെ​ക്കാ​ള്‍ പി​ന്നി​ലാ​ണ് കേ​ര​ള​ത്തി​ന്റെ സ്ഥാ​ന​മെ​ന്ന് കാ​ണേ​ണ്ട​തു​ണ്ട്. പാ​ര്‍ല​മെ​ന്റി​ന്റെ ഇ​രു​സ​ഭ​ക​ളി​ലു​മാ​യി പ​തി​നൊ​ന്ന് വ​നി​ത​ക​ള്‍മാ​ത്ര​മാ​ണ് കേ​ര​ള​ത്തി​ല്‍നി​ന്ന് ഇ​തു​വ​രെ തെരഞ്ഞെടു​ക്ക​പ്പെ​ട്ടി​ട്ടു​ള്ള​ത്‌. ഇ​രു​പ​ത് ലോ​ക്സ​ഭാ​ മ​ണ്ഡ​ല​ങ്ങ​ളും ഒ​മ്പതു രാ​ജ്യ​സ​ഭാ സീ​റ്റു​ക​ളും ഉ​ള്ള​പ്പോ​ഴാണ് ഏ​റെ പ​രി​മി​ത​മാ​യ പ​ങ്കാ​ളി​ത്ത​മെ​ന്ന​ത് ശ്ര​ദ്ധേ​യ​മാ​ണ്. ആ​നി മ​സ്ക്രീ​ന്‍, സു​ശീ​ല ഗോ​പാ​ല​ൻ, ഭാ​ര്‍ഗ​വി ത​ങ്ക​പ്പ​ൻ, സാ​വി​ത്രി ല​ക്ഷ്മ​ണ​ന്‍, എ.​കെ.​പ്രേ​മ​ജം, പി.​ സ​തീ​ദേ​വി, സി.​എ​സ്.​ സു​ജാ​ത, പി.​കെ.​ ശ്രീ​മ​തി, ടി.​എ​ന്‍.​ സീ​മ, ര​മ്യ ഹ​രി​ദാ​സ്, ജെ​ബി മേ​ത്ത​ര്‍ എ​ന്നി​വ​രാ​ണ് ഈ ​വ​നി​ത​ക​ള്‍.

2023 സെ​പ്റ്റം​ബ​ര്‍ 21ന് ​ഇ​ന്ത്യ​യു​ടെ ര​ണ്ടു നി​യ​മ​നി​ർമാണ സ​ഭ​ക​ളി​ലും വ​നി​താ സം​വ​ര​ണ ബി​ല്‍ പാ​സാ​ക്കി​യ​താ​ണെ​ന്നുകൂ​ടി ഓ​ര്‍ക്ക​ണം. ഇ​ക്ക​ഴി​ഞ്ഞ ലോ​ക് സ​ഭ​യി​ൽ 15 ശ​ത​മാ​നം സ്ത്രീ​പ​ങ്കാ​ളി​ത്തം ഉ​ള്ള​പ്പോ​ൾ കേ​ര​ള​ത്തി​ല്‍നി​ന്നും ഒ​റ്റ അം​ഗം​ മാ​ത്ര​മാ​ണ് ഉ​ണ്ടാ​യി​രു​ന്ന​ത്. 2014ല്‍ ​രൂ​പവത്ക​രി​ക്കു​ക​യും സ​മീ​പ​കാ​ല​ത്ത് പ്ര​വ​ര്‍ത്ത​ന​ങ്ങ​ൾ സ​ജീ​വ​മാ​ക്കു​ക​യുംചെ​യ്ത തു​ല്യ​പ്രാ​തി​നി​ധ്യ പ്ര​സ്ഥാ​നം ഇ​തുസം​ബ​ന്ധി​ച്ച് ചി​ല ച​ര്‍ച്ച​ക​ൾ ഉ​യ​ര്‍ത്തി​ക്കൊ​ണ്ടുവ​ന്നെ​ങ്കി​ലും മു​ഖ്യ​ധാ​രാ രാ​ഷ്ട്രീ​യ പ്ര​സ്ഥാ​ന​ങ്ങ​ൾ ഇ​ത്ത​രം വി​ഷ​യ​ങ്ങ​ളി​ൽ പ്രാ​യോ​ഗി​ക​മാ​യി ഏ​റെ വി​മു​ഖ​രും ആ​ണാ​ധി​പ​ത്യ​ത്തെ പ​ല​വി​ധ​ത്തി​ല്‍ ന്യാ​യീ​ക​രി​ക്കു​ന്ന​വ​രു​മാ​ണ്. പ്രഫ. കു​സു​മം ജോ​സ​ഫും എം. ​സു​ല്‍ഫ​ത്തും നേ​തൃ​ത്വം കൊ​ടു​ക്കു​ന്ന തു​ല്യ​ പ്രാ​തി​നി​ധ്യ പ്ര​സ്ഥാ​നം പു​റ​ത്തി​റ​ക്കി​യ പ്ര​സ്താ​വ​ന​യി​ല്‍ ഇ​പ്ര​കാ​രം വാ​യി​ക്കാം: നി​ല​വി​ൽ ലോ​ക്സ​ഭ​യി​ലെ സ്ത്രീ​പ്രാ​തി​നി​ധ്യം 14.4 ശ​ത​മാ​ന​വും രാ​ജ്യ​സ​ഭ​യി​ല്‍ 12.24 ശ​ത​മാ​ന​വും കേ​ര​ള നി​യ​മ​സ​ഭ​യി​ല്‍ 7.86 ശ​ത​മാ​ന​വും മാ​ത്ര​മാ​ണ് ഉ​ള്ള​ത്.

2024ലെ ​ലോ​ക്സ​ഭാ തെരഞ്ഞെടു​പ്പി​ല്‍ ഇ​രു​പ​തി​ൽ ഏ​ഴ് സീ​റ്റ് സ്ത്രീ​ക​ള്‍ക്ക് ന​ല്‍കി യു.​ഡി.​എ​ഫും എ​ല്‍.​ഡി.​എ​ഫും മാ​തൃ​ക കാ​ണി​ക്ക​ണ​മെ​ന്നും പ്ര​സ്താ​വ​ന ആ​വ​ശ്യ​പ്പെ​ടു​ന്നു​ണ്ട്. എ​ന്നാ​ല്‍, യു.​ഡി.​എ​ഫ് ഇ​രു​പ​തി​ല്‍ ഒ​ന്നും (5 ശതമാനം) എ​ല്‍.​ഡി.എ​ഫ്​ മൂ​ന്നും (15 ശതമാനം) സീ​റ്റു​ക​ളാണ് വ​നി​ത​ക​ള്‍ക്കാ​യി നീ​ക്കി​വെ​ച്ച​ത്. ന​മ്മു​ടെ മു​ഖ്യ​ധാ​രാ രാ​ഷ്ട്രീ​യ പ്ര​സ്ഥാ​ന​ങ്ങ​ള്‍ പൊ​തു​വേ കാ​ണി​ക്കു​ന്ന സ്ത്രീ​ പ്രാ​തി​നി​ധ്യ​വി​രു​ദ്ധ​ത​ക്ക് ഇ​തി​ൽപ​രം മ​റ്റ് ഏ​ത് ഉ​ദാ​ഹ​ര​ണം ന​ല്‍കാ​നാ​വും? ജ​യ​സാ​ധ്യ​ത​യു​ള്ള മ​ണ്ഡ​ല​ങ്ങ​ളാ​ണോ വ​നി​ത​ക​ള്‍ക്ക് ന​ല്‍കി​യ​തെ​ന്ന​ത് സൂ​ക്ഷ്മ​മാ​യി പ​രി​ശോ​ധി​ക്കേ​ണ്ടി​യി​രി​ക്കു​ന്നു. ഡോ.​ എ.​കെ.​ ജ​യ​ശ്രീ​യെ​പ്പോ​ലു​ള്ള സ്ത്രീ​വാ​ദ​പ്ര​വ​ര്‍ത്ത​ക​ർ കേ​ര​ള​ത്തി​ലെ ഇ​ല​ക്ഷ​ൻ പ്ര​വ​ര്‍ത്ത​ന​ങ്ങ​ളെ​യും അ​ധി​കാ​ര​വ്യ​വ​ഹാ​ര​ങ്ങ​ളെ​യും ആ​ണു​ങ്ങ​ളു​ടെ ഉ​ത്സ​വ​മാ​യാ​ണ് വി​ശേ​ഷി​പ്പി​ച്ച​ത്. സ്വ​ത​ന്ത്ര​വി​മ​ര്‍ശ​ന​വും സ്വ​ത​ന്ത്ര​മാ​യ സം​ഘാ​ട​ന​വും പു​തി​യ രാ​ഷ്ട്രീ​യ-സാ​മൂ​ഹി​ക​ സാ​ഹ​ച​ര്യ​ത്തി​ല്‍ ദു​ര്‍ബ​ല​മാ​കു​ന്ന​തി​ന്റെ മു​ഖ്യ​കാ​ര​ണ​ങ്ങ​ളി​ലൊ​ന്ന് ഈ ​പ്രാ​തി​നി​ധ്യ​മി​ല്ലാ​യ്മ​കൂ​ടി​യാ​ണ്.

നേ​തൃ​ത്വ​നി​ര​യി​ലേ​ക്ക് സ്വ​ത​ന്ത്ര​രാ​യി ഉ​യ​ര്‍ന്നു​വ​രു​ന്ന സ്ത്രീ​ക​ളു​ടെ അ​ഭാ​വ​മാ​ണ് ഈ ​പ​ങ്കാ​ളി​ത്ത​മി​ല്ലാ​യ്മ​ക്ക് പ്ര​ധാ​ന​പ്പെ​ട്ട കാ​ര​ണ​മാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്. പാ​ര​മ്പ​ര്യ​ത്തി​ന്റെ​യോ മ​റ്റേ​തെ​ങ്കി​ലും ഘ​ട​ക​ങ്ങ​ളു​ടെ​യോ പേ​രി​ൽ സ്ത്രീ​ക​ളു​ടെ രാ​ഷ്ട്രീ​യ​സാ​ന്നി​ധ്യ​ത്തി​ന്റെ മൂ​ല്യം ഇ​ക​ഴ്ത്തി​ക്കാ​ണി​ച്ചും പാ​ര്‍ട്ടി​ക​ളു​ടെ​ ത​ന്നെ വ​നി​താ​വി​ഭാ​ഗം നേ​താ​ക്ക​ളാ​യി മാ​ത്രം പ​രി​ഗ​ണി​ച്ചു​മൊ​ക്കെ​യാ​ണ് ഈ ​അ​വ​ഗ​ണ​ന​യെ പു​രു​ഷാ​ധി​പ​ത്യ​ ബോ​ധ്യ​ങ്ങ​ളു​ള്ള രാ​ഷ്ട്രീ​യ​പ്ര​സ്ഥാ​ന​ങ്ങ​ൾ കൈ​കാ​ര്യം​ചെ​യ്യു​ന്ന​ത്. ഇ​ന്ത്യ​ന്‍ നാ​ഷ​നല്‍ കോ​ണ്‍ഗ്ര​സി​ന്റെ അ​ഖി​ലേ​ന്ത്യാ വ​ക്താ​വും കേ​ര​ള​ത്തി​ലെ ചാ​ന​ൽ ച​ര്‍ച്ച​ക​ളി​ലെ സ്ഥി​ര​സാ​ന്നി​ധ്യ​വു​മാ​യ ഡോ.​ ഷ​മ മു​ഹ​മ്മ​ദി​ന്റെ സ്ത്രീ​പ്രാ​തി​നി​ധ്യ​ത്തെ​ക്കു​റി​ച്ചു​ള്ള വി​മ​ര്‍ശ​ന​ത്തെ​ക്കു​റി​ച്ച് അ​ഭി​പ്രാ​യം ചോ​ദി​ച്ച​പ്പോ​ള്‍; തീ​ര്‍ത്തും ഉ​ദാ​സീ​ന​നാ​യി ‘അ​വ​രൊ​ന്നും ഈ ​പാ​ര്‍ട്ടി​യു​ടെ ആ​രു​മ​ല്ല’ എ​ന്ന് പ​റ​യു​ന്ന കെ.​പി.​സി.​സി അ​ധ്യ​ക്ഷ​ന്‍ കെ.​ സു​ധാ​ക​ര​ന്റെ വാ​ക്കു​ക​ളി​ൽ ഈ ​സ​മീ​പ​നം പ്ര​ക​ട​മാ​ണ്.​ മു​ഖ്യാ​ധാ​രാ രാ​ഷ്ട്രീ​യ​വ്യ​വ​ഹാ​ര​ങ്ങ​ളി​ൽ സ്ത്രീ​പ്രാ​തി​നി​ധ്യം നി​യ​മ​വ​ത്ക​രി​ക്ക​പ്പെ​ടാ​ത്തിട​ത്തോ​ളം കാ​ലം 10​ ശ​ത​മാ​ന​ത്തി​ല്‍താ​ഴെ​യാ​യി അ​വ​രു​ടെ സാ​ന്നി​ധ്യം തു​ട​രു​മെ​ന്ന​ർഥം.

ജാ​തി​ സെ​ന്‍സ​സും ഇ​ട​തു​പ​ക്ഷ​വും

ഈ ​പൊ​തു​ തെ​ര​ഞ്ഞെ​ടു​പ്പി​ൽ കോ​ൺഗ്ര​സും രാ​ഹു​ല്‍ഗാ​ന്ധി​യും ഏ​റ്റ​വും പ്ര​ധാ​ന​പ്പെ​ട്ട അ​ജ​ണ്ട​യാ​യി ഉ​യ​ര്‍ത്തി​ക്കാ​ണി​ക്കു​ന്ന ജാ​തി സെ​ന്‍സ​സ് ഇ​ന്ത്യ​യെ സം​ബ​ന്ധി​ച്ച് എ​ത്ര​ത്തോ​ളം അ​നി​വാ​ര്യ​മാ​ണെ​ന്ന് ബിഹാ​റി​ലെ ജാ​തി സെ​ന്‍സ​സി​ന്റെ ക​ണ​ക്കു​ക​ൾ ബോ​ധ്യ​പ്പെ​ടു​ത്തു​ന്നു​ണ്ട്. 64 ശ​ത​മാ​നം അ​തീ​വ പി​ന്നാക്ക വി​ഭാ​ഗ​ങ്ങ​ളാ​ണ് ബി​ഹാ​റി​ൽ ഉ​ള്ള​തെ​ന്നും അ​വ​ര്‍ക്ക് ദേ​ശീ​യ​ത​ല​ത്തി​ലും സം​സ്ഥാ​ന​ത്തും ല​ഭി​ക്കു​ന്ന പ​ങ്കാ​ളി​ത്തം തു​ച്ഛമാ​ണെ​ന്നും ക​ണ​ക്കു​ക​ള്‍ തെ​ളി​യി​ക്കു​ന്നു. രാ​ഹു​ല്‍ഗാ​ന്ധി ത​ന്നെ ഒ​രു പ്ര​സ്താ​വ​ന​യി​ല്‍ ചൂ​ണ്ടി​ക്കാ​ണി​ച്ച​ത്; കേ​ന്ദ്ര​ സ​ര്‍ക്കാ​റി​ൽ സെ​ക്ര​ട്ട​റി പ​ദ​വി​യി​ലു​ള്ള നൂ​റു പേ​രി​ല്‍ കേ​വ​ലം മൂ​ന്നു പേ​ര്‍മാ​ത്ര​മാ​ണ് ഒ.​ബി.​സി സ​മു​ദാ​യ​ത്തി​ല്‍പ്പെ​ട്ട​വ​ർ എ​ന്നാ​ണ്.​

തൊ​ഴി​ല്‍-വി​ദ്യാ​ഭ്യാ​സ​ മേ​ഖ​ല​ക​ളി​ൽ നി​ല​നി​ല്‍ക്കു​ന്ന ഭീ​മ​മാ​യ അ​വ​സ​ര​സ​മ​ത്വ​ നി​ഷേ​ധ​ത്തെ​ക്കു​റി​ച്ച് നി​ര​വ​ധി പ​ഠ​ന​ങ്ങ​ള്‍ പു​റ​ത്തു​വ​ന്നി​ട്ടു​ണ്ട്. അ​തു​കൊ​ണ്ട് ത​ല്‍ക്കാ​ലം അ​ത് വി​ശ​ദീ​ക​രി​ക്കു​ന്നി​ല്ല. ദ​ലിത്‌-ആ​ദി​വാ​സി-പി​ന്നാ​ക്ക പ്രാ​തി​നി​ധ്യ​മി​ല്ലാ​യ്മ​യ​ല്ല മ​റി​ച്ച്; മേ​ല്‍ജാ​തി​ ഹി​ന്ദു​ക്ക​ളു​ടെ അ​മി​ത​മാ​യ പ്രാ​തി​നി​ധ്യ​മാ​ണ് സം​വ​ര​ണ​ ച​ര്‍ച്ച​ക​ളു​ടെ ഭാ​വി​പ്ര​മേ​യ​മാ​യി മാ​റേ​ണ്ട​ത് എ​ന്നാ​ണി​ത് സൂ​ചി​പ്പി​ക്കു​ന്ന​ത്. പ​ക്ഷേ, ഇ​ക്കാ​ര്യ​ത്തി​ല്‍ കേ​ര​ള​ത്തി​ലെ പ്ര​ബ​ല​മാ​യ ഇ​രു​മു​ന്ന​ണി​ക​ളും സം​വാ​ദ​ങ്ങ​ളി​ല്‍നി​ന്നും പാ​ലി​ക്കു​ന്ന അ​ക​ലം ശ്ര​ദ്ധി​ക്കേ​ണ്ട​തു​ണ്ട്. സ​വ​ര്‍ണ സം​വ​ര​ണം (E.W.S) ഇ​ന്ത്യ​ന്‍ പാ​ര്‍ല​മെ​ന്റി​ല്‍ പാ​സാ​ക്കി​യ​പ്പോ​ൾ കേ​ര​ള​ത്തി​ലെ ഇ​ട​തു​പ​ക്ഷ​ സ​ര്‍ക്കാ​ർ തി​ര​ക്കി​ട്ട് ന​ട​പ്പാ​ക്കി​യ​ത് ഓ​ര്‍ക്കു​ക.

സി.​പി.​എം, സി.​പി.​ഐ തു​ട​ങ്ങി​യ ഇ​ട​തു​ പാ​ര്‍ട്ടി​ക​ള്‍ ത​ങ്ങ​ളു​ടെ തെരഞ്ഞെടു​പ്പ് പ​ത്രി​ക​യി​ല്‍ ഇ​ക്കാ​ര്യം ഉ​ള്‍പ്പെ​ടു​ത്തി​യെ​ങ്കി​ലും അ​വ​ര്‍ ഭ​രി​ക്കു​ന്ന ഏ​ക സം​സ്ഥാ​ന​ത്തെ തെ​ര​ഞ്ഞെ​ടു​പ്പ് ച​ര്‍ച്ച​ക​ളി​ൽ ജാ​തി​സെ​ന്‍സ​സ് സ്ഥാ​നം പി​ടി​ച്ചിട്ടി​ല്ല​ എ​ന്ന​ത് സ​വി​ശേ​ഷ​മാ​യി കാ​ണേ​ണ്ട​തു​ണ്ട്. ആ​വ​ര്‍ത്തി​ച്ച് ഉ​ന്ന​യി​ക്കു​ന്ന അ​ഴി​മ​തി, സ്വ​ജ​ന​പ​ക്ഷ​പാ​തം, വ്യ​ക്തി​പ​ര​മാ​യ ആ​ക്ഷേ​പ​ങ്ങ​ള്‍ എ​ന്നി​വ​ക്ക് പ​ക​രം ന​യ​പ​ര​മാ​യ കാ​ര്യ​ങ്ങ​ളി​ലാ​ണ് പൊ​തു​ തെരഞ്ഞെടു​പ്പി​ലെ സം​വാ​ദ​ങ്ങ​ൾ കേ​ന്ദ്രീ​ക​രി​ക്കേ​ണ്ട​ത്. ഇ​ക്കാ​ര്യ​ത്തി​ൽ മ​ല​യാ​ള​ത്തി​ലെ ജ​ന​പ്രി​യ​ മാ​ധ്യ​മ​പ്ര​വ​ര്‍ത്ത​ന​വും കാ​ര്യ​മാ​യ പ​ങ്കുവ​ഹി​ക്കു​ന്നു​​െണ്ട​ന്ന് കാ​ണാം.

ന​മ്മു​ടെ ജ​നാ​ധി​പ​ത്യ​ പ്ര​ക്രി​യ​ക​ളി​ലും അ​ധി​കാ​ര​പ​ങ്കാ​ളി​ത്ത​ത്തി​നു​വേ​ണ്ടി​യു​ള്ള മ​ത്സ​ര​ത്തി​ലും നി​ര​ന്ത​രം പ്ര​തി​പ​ക്ഷ​മാ​കേ​ണ്ട ബാ​ധ്യ​ത ദ​ലി​ത്‌-ആ​ദി​വാ​സി-ന​വ​സാ​മൂ​ഹിക​ പ്ര​സ്ഥാ​ന​ങ്ങ​ള്‍ക്കി​ല്ലെ​ങ്കി​ലും കേ​ര​ള​ത്തി​ലെ ചെ​റു​തും വ​ലു​തു​മാ​യ സ​മു​ദാ​യ -ആ​ക്ടി​വി​സ്റ്റ് സം​ഘ​ട​ന​ക​ളും ക്രി​യാ​ത്മ​ക​മാ​യ ഒ​രു അ​ജ​ണ്ട മു​ന്നോ​ട്ടു​വെ​ക്കു​ന്നി​ല്ലെന്ന പ​രി​മി​തി നി​ല​നി​ല്‍ക്കു​ന്നു​ണ്ട്. മു​ഖ്യാ​ധാ​രാ​ രാ​ഷ്ട്രീ​യ​ പാ​ര്‍ട്ടി​ക​ളി​ൽ സം​വ​ര​ണ​ മണ്ഡ​ല​ങ്ങ​ളി​ല്‍ ഒ​ഴി​കെ ഈ ​വി​ഭാ​ഗ​ങ്ങ​ളു​ടെ സാ​ന്നി​ധ്യം പ്ര​ഹേ​ളി​ക​യാ​യി തു​ട​രു​ക​യാ​ണ്! കേ​ര​ള​ത്തി​ലെ മു​ഖ്യ​മ​ന്ത്രി​ ക​ഴി​ഞ്ഞാ​ൽ, ഭ​ര​ണ​രം​ഗ​ത്തും പാ​ര്‍ട്ടി​ പ​ദ​വി​യി​ലും എ​ന്തി​നേ​റെ ജ​ന​സ​മ്മ​തി​യി​ലും മു​ന്നി​ലു​ള്ള കെ.​ രാ​ധാ​കൃ​ഷ്ണ​നെ ഒ​രു ജ​ന​റ​ല്‍ സീ​റ്റി​ൽ മ​ത്സ​രി​പ്പി​ക്കു​ന്ന കാ​ര്യം ഇ​ട​തു​പ​ക്ഷ​ത്തി​നു ആ​ലോ​ചി​ക്കാ​നേ ക​ഴി​യു​ന്നി​ല്ല.

പാ​ര്‍ല​മെ​ന്റ​റി​ രം​ഗ​ത്ത് കോ​ണ്‍ഗ്ര​സി​ന്റെ എം.​പിമാ​രി​ൽ ഏ​റ്റ​വും സീ​നി​യ​റായ കൊ​ടി​ക്കു​ന്നി​ൽ സു​രേ​ഷി​ന്റെ​യും അ​വ​സ്ഥ ഇ​തു​ത​ന്നെ​യാ​ണ്. അ​തേ​സ​മ​യം, തൊ​ട്ട​യ​ല്‍ സം​സ്ഥാ​ന​മാ​യ ത​മി​ഴ്നാ​ട്ടി​ല്‍ കോ​ണ്‍ഗ്ര​സി​ന്റെ നി​യ​മ​സ​ഭാ ​ക​ക്ഷി നേ​താ​വാ​യി വി.​സി.​കെയി​ല്‍നി​ന്നും കോ​ണ്‍ഗ്ര​സി​ലേ​ക്ക് വ​ന്ന കെ.​ സെ​ല്‍വ​പെ​രും​ത​കൈ​യാ​ണ് തെരഞ്ഞെടു​ക്ക​പ്പെ​ട്ട​ത്. സ​മീ​പ​നാ​ളി​ല്‍ അ​ദ്ദേ​ഹം ടി.​എ​ന്‍.​സി.​സി പ്ര​സി​ഡ​ന്റി​ന്റെ പ​ദ​വി​യി​ലേ​ക്ക് ഉ​യ​ര്‍ത്ത​പ്പെ​ട്ടി​രി​ക്കു​ന്നു. കേ​ര​ള​ത്തി​ലെ പു​രോ​ഗ​മ​ന -ജാ​തി​ബ​ദ്ധ​ സ​മൂ​ഹ​ത്തി​നു ഉ​പ​രി​പ്ല​വ​മാ​യ വി​പ്ല​വ​ചി​ന്ത​യി​ല്‍ അ​ഭി​ര​മി​ക്കു​ന്ന​താ​ണ് താ​ൽപ​ര്യം. കെ.​ രാ​ധാ​കൃ​ഷ്ണ​ന് താ​ര​ത​മ്യേ​ന അ​പ്ര​ധാ​ന​മാ​യ ദേ​വ​സ്വം വ​കു​പ്പ് കൊ​ടു​ത്ത​പ്പോ​ഴുണ്ടാ​യ ആ​ഘോ​ഷ​മാ​ണ് ഓ​ർമ​യി​ൽ വ​രു​ന്ന​ത്.

കേ​ര​ള​ത്തി​ലെ ദ​ലിത്‌-ആ​ദി​വാ​സി​ ജീ​വി​തം ഇ​ത​ര​ സ​മു​ദാ​യ​ങ്ങ​ളു​ടെ വി​കാ​സ​വു​മാ​യി താ​ര​ത​മ്യം ചെ​യ്യു​മ്പോ​ള്‍ എ​ത്ര​യോ പി​ന്നി​ലാ​ണെ​ന്ന​ത് പ​റ​യേ​ണ്ട കാ​ര്യ​മി​ല്ല. വി​ദ്യാ​ഭ്യാ​സ​ത്തി​ലൂ​ടെ​യും നാ​മ​മാ​ത്ര​മാ​യ സ​ര്‍ക്കാ​ര്‍ജോ​ലി​യി​ലൂ​ടെ​യും ഒ​രു ചെ​റു​ ന്യൂ​ന​പ​ക്ഷം ജീ​വി​തം അ​ല്‍പം മെ​ച്ച​പ്പെ​ടു​ത്തി​യ​ത് ഒ​ഴി​ച്ചാ​ല്‍ കേ​ര​ള​ത്തി​ന്റെ ഒ​രു അ​പ​ര​ലോ​ക​മാ​ണ് ദ​ലി​ത​രു​ടെ​യും ആ​ദി​വാ​സി​ക​ളു​ടെ​യും ദ​ലി​ത്‌ ക്രൈ​സ്ത​വ​രു​ടെ​യും ജീ​വി​തം.

ദ​ലി​ത്‌ സ​മു​ദാ​യ മു​ന്ന​ണി​യു​ടെ ന​യ​രേ​ഖ​യു​ടെ ആ​മു​ഖം ഇ​ങ്ങ​നെ പ​റ​യു​ന്നു: ‘‘പ​ട്ടി​ക​ജാ​തി-പ​ട്ടി​ക​ വ​ര്‍ഗ വി​ഭാ​ഗ​ങ്ങ​ളി​ൽ ഉ​ള്‍പ്പെ​ടു​ന്ന​തും ക്രൈ​സ്ത​വ-ബൗ​ദ്ധ-ഇ​സ്‍ലാം മ​ത​ങ്ങ​ളി​ൽ വി​ശ്വ​സി​ക്കു​ന്ന​വ​രു​മാ​യ ദ​ലിത്‌ സ​മൂ​ഹം കേ​ര​ള ജ​ന​സം​ഖ്യ​യി​ലെ 20 ശതമാനമാ​ണ്.​ എ​ഴു​പ​തു ല​ക്ഷ​ത്തോ​ളം അം​ഗ​ങ്ങ​ള്‍ ഉ​ള്ള ഈ ​സ​മു​ദാ​യം ഇ​ന്നും സ​മ​സ്ത​ മേ​ഖ​ല​ക​ളി​ലും പി​ന്നാ​ക്കാ​വാ​സ്ഥ നേ​രി​ടു​ക​യാ​ണ്.​ സം​വ​ര​ണ​ത്തി​ലൂ​ടെ ല​ഭി​ച്ച തൊ​ഴി​ൽ അ​വ​സ​ര​ങ്ങ​ളി​ലൂ​ടെ നാ​മ​മാ​ത്ര​മാ​യ കു​ടും​ബ​ങ്ങ​ള്‍ക്ക് മാ​ത്ര​മാ​ണ് മെ​ച്ച​പ്പെ​ട്ട സാ​മൂ​ഹിക ​സാ​ഹ​ച​ര്യ​ത്തി​ലേ​ക്ക് എ​ത്തി​ച്ചേ​രാ​ൻ ക​ഴി​ഞ്ഞി​ട്ടു​ള്ള​ത്.​ ബ​ഹു​ഭൂ​രി​പ​ക്ഷ​വും​ ഭൂ​ര​ഹി​ത​രും കോ​ള​നി​വാ​സി​ക​ളു​മാ​യി തു​ട​രു​ക​യു​മാ​ണ്.​ തൊ​ഴി​ലി​ല്ലാ​യ്മ, ദാ​രി​ദ്ര്യം, വി​ദ്യാ​ഭ്യാ​സ പി​ന്നാ​ക്കാ​വ​സ്ഥ, സാ​മൂ​ഹി​ക​ വി​വേ​ച​നം അ​തി​ക്ര​മ​ങ്ങ​ൾ എ​ന്നി​വ​യെ​ല്ലാം അ​തി​ജീ​വി​ച്ച് മു​ന്നേ​റാ​ൻ ക​ഴി​യാ​ത്ത അ​വ​സ്ഥ​യി​ല്‍ത​ന്നെ​യാ​ണ് ദ​ലി​ത​ര്‍ ജീ​വി​ക്കു​ന്ന​ത്.’’

ജാ​തി​യെ​ന്ന സാ​മൂ​ഹി​കാ​നു​ഭ​വ​വും വ്യ​വ​സ്ഥ​യെ​ന്ന​നി​ല​യി​ൽ അ​തി​നു​ള്ള വ്യാ​പ്തി​യും ബ​ല​വും കേ​ര​ള​ത്തി​ലെ പു​രോ​ഗ​മ​ന​ നാ​ട്യ​ങ്ങ​ളി​ൽ അ​ദൃ​ശ്യ​മാ​വു​ന്ന​ത​ല്ല എ​ന്ന സ​ത്യം നാം ​അം​ഗീ​ക​രി​ച്ചേ മ​തി​യാ​കൂ. കേ​ര​ള​ത്തി​ലെ സ്ഥാ​നാ​ര്‍ഥി​ നി​ർണ​യ​ത്തി​ൽ ജ​ന​സം​ഖ്യാ​പ​ര​മാ​യി ന്യൂ​ന​പ​ക്ഷ​മാ​യ സ​മു​ദാ​യ​ങ്ങ​ള്‍ക്ക് കി​ട്ടു​ന്ന അ​മി​ത​മാ​യ പ​ങ്കാ​ളി​ത്തം ആ​വ​ര്‍ത്തി​ച്ചു ച​ര്‍ച്ച​ചെ​യ്തി​ട്ടു​ള്ള​താ​ണ്. പ​ക്ഷേ, ഈ ​തെ​ര​ഞ്ഞെ​ടു​പ്പ് ച​ര്‍ച്ച​ക​ളി​ല്‍ ബ​ഹു​ഭൂ​രി​പ​ക്ഷം വ​രു​ന്ന മുസ്​ലിം-ഈ​ഴ​വ-​ദ​ലി​ത്‌ സ​മു​ദാ​യ​ങ്ങ​ളു​ടെ ആ​നു​പാ​തി​ക​മാ​യ പ​ങ്കാ​ളി​ത്തം പ്ര​ധാ​ന​പ്പെ​ട്ട വി​ഷ​യ​മേ​യാ​യി​ല്ല. പൊ​തു​ തെ​ര​ഞ്ഞെ​ടു​പ്പു​ക​ൾ/ അ​ധി​കാ​ര​പ​ങ്കാ​ളി​ത്തം എ​ന്നി​വ എ​ല്ലാ​വി​ഭാ​ഗ​ങ്ങ​ളെ​യും തു​ല്യ​നി​ല​യി​ൽ ഉ​ള്‍ക്കൊ​ള്ളു​മ്പോ​ഴേ ജ​നാ​ധി​പ​ത്യ​പ​ര​മാ​കൂ.

ചു​രു​ക്ക​ത്തി​ൽ, പ്രാ​ദേ​ശി​ക​ വി​ഷ​യ​ങ്ങ​ളി​ൽ ഊ​ന്നു​ക​യും എ​ന്നാ​ൽ, ദേ​ശീ​യ​രാ​ഷ്ട്രീ​യ​ത്തി​ന്റെ പ്രാ​ധാ​ന്യം ഈ ​പൊ​തു​ തെ​ര​ഞ്ഞെ​ടു​പ്പി​ല്‍ സം​വാ​ദ​കേ​ന്ദ്ര​മാ​വു​ക​യും ചെ​യ്യേ​ണ്ട​തു​ണ്ട്. ഇ​ൻഡ്യ മു​ന്ന​ണി​യി​ലെ പ​ല നേ​താ​ക്ക​ളും ആ​വ​ര്‍ത്തി​ച്ച​പോ​ലെ, ഇ​നി​യൊ​രു ഭ​ര​ണ​ത്തുട​ര്‍ച്ച​യു​ണ്ടാ​യാ​ല്‍ ഈ ​തെ​ര​ഞ്ഞെ​ടു​പ്പ് അ​വ​സാ​ന​ത്തേ​താ​യി​രി​ക്കും. അ​ല്‍പം വൈ​കാ​രി​ക​മാ​യി തോ​ന്നാ​മെ​ങ്കി​ലും സ​മീ​പ​കാ​ല ഇ​ന്ത്യ​ൻ രാ​ഷ്ട്രീ​യ​ത്തെ​യും ഭ​ര​ണ​കൂ​ട​ന​ട​പ​ടി​ക​ളും ശ്ര​ദ്ധി​ക്കു​ന്ന​വ​ര്‍ക്ക് ത​ള്ളി​ക്ക​ള​യാ​നാ​വാ​ത്ത പ്ര​സ്താ​വ​ന​യാ​ണ​ത്. കേ​ര​ള​ത്തി​ലെ വ്യ​ത്യ​സ്ത​ സമു​ദാ​യ​ങ്ങ​ളും രാ​ഷ്ട്രീ​യ​ പ്ര​സ്ഥാ​ന​ങ്ങ​ളും മാ​ധ്യ​മ​ങ്ങ​ളും താ​ന്‍പോ​രി​മ​യു​ടെ കെ​ട്ടു​കാ​ഴ്ച​യാ​ക്കി തെ​ര​ഞ്ഞെ​ടു​പ്പി​നെ മാ​റ്റാ​തെ, ഇ​ന്ത്യ​യു​ടെ ഭാ​വി​യെ​ക്കു​റി​ച്ച് ആ​ലോ​ചി​ച്ച് ജ​നാ​ധി​പ​ത്യ പ്ര​ക്രി​യ​ക​ളി​ൽ ഇ​ട​പെ​ടു​ക​യാ​ണ് ചെ​യ്യേ​ണ്ട​ത്.