വാഷിങ്ടൺ: ബാൾട്ടിമോറിൽ ജനക്കൂട്ടത്തിന് നേരെ ആയുധധാരി നടത്തിയ വെടിവെപ്പിൽ ഒരാൾ കൊല്ലപ്പെട്ടു. ആറു പേർക്ക് പര ിക്ക്. പ്രാദേശിക സമയം വൈകീട്ട് അഞ്ച് മണിക്ക് പടിഞ്ഞാറൻ ബാൾട്ടിമോറിലെ തെരുവിലാണ് സംഭവം.
ബാൾട്ടിമോറിലെ എഡ്മണ്ട്സൺ അവന്യൂവിൽ പെർകിൻസ് സ്ക്വയർ ബാപ്റ്റിസ്റ്റ് പള്ളിക്ക് സമീപമാണ് വെടിവെപ്പുണ്ടായത്. ജനക്കൂട്ടത്തിന് സമീപമെത്തിയ അക്രമി പ്രകോപനം കൂടാതെ വെടിയുതിർക്കുകയായിരുന്നു.
30 വയസുള്ള യുവതിയും 27 മുതൽ 58 വയസുള്ള പുരുഷന്മാരുമാണ് ആക്രമണത്തിന് ഇരയായത്. അക്രമിക്കൊപ്പം ഒരു സഹായിയും ഉണ്ടായിരുന്നുവെന്ന് വിവരമുണ്ട്.
എന്നാൽ, അക്രമിയുടെ പേരുവിവരങ്ങൾ പരിശോധിച്ചു വരികയാണ്. പൊലീസ് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.