ലോസ് ആഞ്ചലസ്: യു.എസിൽ രണ്ടുപേർക്ക് കൂടി കോവിഡ് 19 റിപ്പോർട്ട് െചയ്തു. ഇതോടെ രാജ്യത്ത് കൊറോണ ബാധ ിച്ചവരുടെ എണ്ണം നാലായി. വാഷിങ്ടണിലും ഒറിഗോണിലുമാണ് പുതിയ കൊറോണ ബാധ റിപ്പോർട്ട് ചെയ്തത്. നേരത്തെ കാല ിഫോർണിയയിൽ രണ്ടുപേർക്ക് കൊറോണ സ്ഥിരീകരിച്ചിരുന്നു.
വാഷിങ്ടണിൽ പ്രായപൂർത്തിയാവാത്ത കുട്ടിക്കാ ണ് വെള്ളിയാഴ്ച കൊറോണ സ്ഥിരീകരിച്ചതെന്നാണ് വിവരം. കൂടുതൽ വിവരങ്ങൾ പുറത്തുവിട്ടിട്ടില്ല. കുട്ടി വീട്ടിനുള്ളിൽ നീരീക്ഷണത്തിലാണ്. കുട്ടി പഠിച്ചിരുന്ന സ്കൂൾ അണുവിമുക്തമാക്കുന്നതിൻെറ ഭാഗമായി മാർച്ച് മൂന്നുവരെ അടച്ചിട്ടതായും വാഷിങ്ടൺ ആരോഗ്യ വിഭാഗം അറിയിച്ചു.
ഒറിഗോണിലും കഴിഞ്ഞ ദിവസം ഒരു വിദ്യാർഥിക്ക് കൊറോണ ബാധിച്ചതായി റിപ്പോർട്ട് ചെയ്തു. വിദ്യാർഥിയെ ആശുപത്രിയിൽ പ്രവേശിപ്പിച്ചിരിക്കുകയാണ്. കൊറോണയെ നേരിടാൻ തങ്ങൾ ജാഗ്രത പാലിക്കുന്നുണ്ടെന്നും ഒറിഗോൺ ആരോഗ്യ മന്ത്രാലയം അറിയിച്ചു. ഇതേതുടർന്ന് വിദ്യാർഥി പഠിക്കുന്ന സ്കൂൾ മാർച്ച് നാലുവരെ അണുവിമുക്തമാക്കുന്നതിന് അടച്ചിട്ടു.
നേരത്തേ കാലിഫോർണിയയിൽ കൊറോണ ബാധ റിപ്പോർട്ട് ചെയ്തിരുന്നു. യു.എസിലെ കൊറോണ ബാധയുടെ ഉറവിടം കണ്ടെത്താൻ അധികൃതർക്ക് ഇതുവരെ സാധിച്ചിട്ടില്ല. കൊറോണ നേരത്തേ സ്ഥിരീകരിച്ച കാലിഫോർണിയയുടെ തൊട്ടടുത്താണ് ആപ്പിൾ, ഗൂഗ്ൾ, ടെസ്ല എന്നിവയുടെ ആസ്ഥനമായ സിലിക്കൺ വാലി. ഉറവിടം കണ്ടെത്താത്തതും കൂടുതൽ പേരിലേക്ക് രോഗം പടരുന്നതും അധികൃതരിൽ ആശങ്ക ഉയർത്തുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.