ഭൂചലനത്തിനു പിന്നാലെ മ്യാന്മറിൽ അ​ടി​യ​ന്ത​രാ​വ​സ്ഥ; മാ​ധ്യ​മ​ങ്ങ​ളോ​ട് വി​വ​രം പ​ങ്കു​വെ​ക്കാ​ൻ മ​ടിച്ച് ജനം

ന​യ്പി​ഡാ​വ്: കൂ​ട്ട​നി​ല​വി​ളി എ​ങ്ങും കേ​ൾ​ക്കാ​മാ​യി​രു​ന്നു. എ​ന്താ​ണ് സം​ഭ​വി​ക്കു​ന്ന​തെ​ന്ന് ആ​ദ്യം പ​ല​ർ​ക്കും മ​ന​സ്സി​ലാ​യി​ല്ല. കെ​ട്ടി​ട​ങ്ങ​ൾ​ക്കൊ​രു ഇ​ള​ക്കം. പി​ന്നെ മ​ന​സ്സി​ലാ​യി ഭൂ​മി കു​ലു​ങ്ങു​ക​യാ​ണെ​ന്ന്. മ്യാന്മറിലെ ഭൂചലന ചിത്രം ജ​നം പ​രി​ഭ്രാ​ന്ത​രാ​യി പു​റ​ത്തേ​ക്കോ​ടി. എ​സ്ക​ലേ​റ്റ​റി​ലെ മു​ക​ളി​ലേ​ക്കു​ള്ള പ​ടി​യി​ലൂ​ടെ താ​ഴേ​ക്കി​റ​ങ്ങാ​ൻ ശ്ര​മി​ച്ച​വ​ർ ത​ട​ഞ്ഞു​വീ​ണു. ചി​ല​ർ ജ​ന​ൽ വ​ഴി പു​റ​ത്തേ​ക്ക് ചാ​ടി. ആ​ളു​ക​ൾ അ​ല​റി​വി​ളി​ച്ച് ഓ​ടു​ന്ന​താ​യി​രു​ന്നു പു​റ​ത്തെ​യും കാ​ഴ്ച. ഭൂ​മി​കു​ലു​ക്കം നാ​ല് മി​നി​റ്റോ​ളം നീ​ണ്ടു. അ​തി​നി​ട​യി​ൽ ധാ​രാ​ള​മാ​ളു​ക​ൾ കെ​ട്ടി​ട​ങ്ങ​ൾ​ക്കു​ള്ളി​ൽ​നി​ന്ന് പു​റ​ത്തേ​ക്കെ​ത്തി. ക​ൺ​മു​ന്നി​ൽ ച​രി​ഞ്ഞ് വീ​ഴു​ന്ന കെ​ട്ടി​ടം ക​ണ്ട് അ​വ​ർ അ​ന്ധാ​ളി​ച്ചു. പ​ല കെ​ട്ടി​ട​ങ്ങ​ൾ​ക്ക് മു​ക​ളി​ലെ​യും ടാ​ങ്ക് ത​ക​ർ​ന്ന് വെ​ള്ളം പ​ര​​ന്നൊ​ഴു​കു​ന്നു​ണ്ടാ​യി​രു​ന്നു.

ആ​ദ്യ​ത്തെ അ​ങ്ക​ലാ​പ്പി​നു ശേ​ഷം എ​ല്ലാ​വ​രും യാ​ഥാ​ർ​ഥ്യ​ബോ​ധം വീ​ണ്ടെ​ടു​ത്തു. ര​ക്ഷാ​പ്ര​വ​ർ​ത്ത​ന​ത്തി​നെ​ത്തി​യ സൈ​നി​ക​ർ​ക്കൊ​പ്പം ജ​ന​ങ്ങ​ളും പ​ങ്കു​ചേ​ർ​ന്നു. തു​ട​ർ​ച​ല​ന​ങ്ങ​ൾ ആ​ശ​ങ്ക സൃ​ഷ്ടി​ച്ച​തി​നാ​ൽ ക​രു​ത​ലോ​ടെ​യാ​യി​രു​ന്നു നീ​ക്ക​ങ്ങ​ൾ. കെ​ട്ടി​ടാ​വ​ശി​ഷ്ട​ങ്ങ​ൾ​ക്കി​ട​യി​ൽ എ​ത്ര​പേ​ർ കു​ടു​ങ്ങി​ക്കി​ട​ക്കു​ന്നെ​ന്ന​തി​ന് ഒ​രു വ്യ​ക്ത​ത​യു​മി​ല്ല. മ്യാ​ന്മ​ർ ത​ല​സ്ഥാ​ന​മാ​യ ന​യ്പി​ഡാ​വ് ഉ​ൾ​പ്പെ​ടെ ആ​റ് മേ​ഖ​ല​ക​ളി​ൽ സൈ​നി​ക ഭ​ര​ണ​കൂ​ടം ദു​ര​ന്ത​കാ​ല അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചു.

മെ​ട്രോ, ട്രെ​യി​ൻ സ​ർ​വി​സു​ക​ൾ നി​ർ​ത്തി​വെ​ച്ചു. അ​ന്താ​രാ​ഷ്ട്ര സ​ഹാ​യം അ​ഭ്യ​ർ​ഥി​ച്ചി​ട്ടു​ണ്ട്. സൈ​നി​ക ഭ​ര​ണ​കൂ​ട​ത്തി​ന്റെ ഇ​രു​മ്പ് ച​ട്ട​ക്കൂ​ടി​ൽ​നി​ന്ന് വി​വ​ര​ങ്ങ​ൾ അ​ധി​കം പു​റ​ത്തു​വ​രു​ന്നി​ല്ല. മ​ണി​ക്കൂ​റു​ക​ൾ ക​ഴി​ഞ്ഞ് വി​ദേ​ശ മാ​ധ്യ​മ​ങ്ങ​ൾ ഉ​ൾ​പ്പെ​ടെ സ്ഥ​ല​ത്തെ​ത്തി വി​വ​രം തേ​ടി​യ​പ്പോ​ൾ ആ​ളു​ക​ൾ പ​റ​യാ​ൻ മ​ടി​ച്ചു. പേ​ര് വെ​ളി​പ്പെ​ടു​ത്ത​രു​തെ​ന്ന മു​ഖ​വു​ര​യോ​ടെ​യാ​ണ് പ​ല​രും ദു​ര​ന്ത​ത്തി​ന്റെ വി​വ​ര​ങ്ങ​ൾ പ​ങ്കു​വെ​ച്ച​ത്. ത​ക​ർ​ന്ന കെ​ട്ടി​ട​ങ്ങ​ൾ കാ​ണു​മ്പോ​ൾ റിപ്പോർട്ട് ചെയ്യപ്പെട്ടതിന്‍റെ എ​ത്ര​യോ ഇ​ര​ട്ടി ആ​ളു​ക​ൾ മ​രി​ച്ചി​ട്ടു​ണ്ടാ​കും എ​ന്നു തോ​ന്നും. മ​ണ്ഡ​ലേ​യി​ൽ മ​സ്ജി​ദ് ത​ക​ർ​ന്നു​വീ​ണു. വെ​ള്ളി​യാ​ഴ്ച ജു​മു​അ ന​മ​സ്കാ​ര​ത്തി​നെ​ത്തി​യ​വ​ർ അ​ക​ത്തു​ണ്ടാ​യി​രു​ന്നെ​ന്നാ​ണ് റി​പ്പോ​ർ​ട്ട്.

താ​യ്‍ല​ൻ​ഡി​ൽ വി​ദേ​ശ വി​നോ​ദ​സ​ഞ്ചാ​രി​ക​ൾ താ​മ​സി​ക്കു​ന്ന പ്ര​ദേ​ശ​ത്താ​ണ് കെ​ട്ടി​ടം ത​ക​ർ​ന്ന​ത്. ത​ക​ർ​ന്ന കെ​ട്ടി​ട​ത്തി​ൽ വി​ദേ​ശി​ക​ൾ ഉ​ണ്ടാ​യി​രു​ന്നോ എ​ന്ന​ത് വ്യ​ക്ത​മ​ല്ല. താ​യ്‍ല​ൻ​ഡി​ലെ ഇ​ന്ത്യ​ക്കാ​ർ​ക്ക് അ​ടി​യ​ന്ത​ര സ​ഹാ​യ​ത്തി​ന് +66 618819218 എ​ന്ന ന​മ്പ​റി​ൽ വി​ളി​ക്കാം.