ഇസ്രായേൽ ബന്ദ് ഹമാസിനുള്ള പിന്തുണ പ്രഖ്യാപനമെന്ന് നെതന്യാഹു: ‘ഇത് നാണക്കേട്, ഞങ്ങൾ നിങ്ങളെ പിന്തുണക്കുന്നു എന്ന് യഹ്‍യ സിൻവാറിനോട് പറയുന്നതിന് തുല്യം’

ജറൂസലം: ജനലക്ഷങ്ങൾ അണിനിരന്ന് ഇസ്രായേലിനെ നിശ്ചലമാക്കിയ ബന്ദിനെതി​രെ രൂക്ഷവിമർശനവുമായി ഇസ്രായേൽ പ്രധാനമന്ത്രി ബിന്യമിൻ നെതന്യാഹു. ബന്ദി മോചന കരാർ ഒപ്പുവെക്കാൻ ആവശ്യപ്പെട്ട് ലക്ഷക്കണക്കിന് ഇസ്രായേലികൾ ആഹ്വാനം ചെയ്ത ഏകദിന പൊതു പണിമുടക്ക് രാജ്യത്തിന് നാണക്കേടാണെന്ന് നെതന്യാഹു ആരോപിച്ചു. ‘‘ഈ പണിമുടക്ക് അപമാനമാണ്. ‘നിങ്ങൾ ആറ് പേരെ കൊലപ്പെടുത്തി. ഞങ്ങൾ നിങ്ങളെ പിന്തുണയ്ക്കുന്നു’ എന്ന് ഹമാസ് നേതാവ് യഹിയ സിൻവാറിനോട് പറയുന്നതിന് തുല്യമാണ് ഈ ബന്ദ്’ -നെതന്യാഹു കാബിനറ്റ് മീറ്റിങ്ങിൽ പറഞ്ഞതായി ടൈംസ് ഓഫ് ഇസ്രായേൽ അടക്കമുള്ള മാധ്യമങ്ങൾ റിപ്പോർട്ട് ചെയ്തു.

ഞായറാഴ്ച ഗസ്സ മുനമ്പിൽ നിന്ന് ആറ് ബന്ദികളുടെ മൃതദേഹങ്ങൾ ഇസ്രായേൽ പ്രതിരോധ സേന കണ്ടെടുത്തതിനെത്തുടർന്നാണ് ഇസ്രായേൽ തൊഴിലാളി സംഘടനയായ ഹിസ്റ്റാഡ്രൂട്ട് ലേബർ ഫെഡറേഷൻ പണിമുടക്കിന് ആഹ്വാനം ചെയ്തത്. പൊ​തു​പ​ണി​മു​ട​ക്കി​ലും വ​ൻ​പ്ര​തി​ഷേ​ധ​ങ്ങ​ളി​ലും വി​മാ​ന​ത്താ​വ​ള​മ​ട​ക്കം ഇ​സ്രാ​യേ​ൽ പൂർണമായും സ്തം​ഭി​ച്ചിരുന്നു. വി​ദ്യാ​ല​യ​ങ്ങ​ൾ, ബാ​ങ്കു​ക​ൾ, ഫാ​ക്ട​റി​ക​ൾ, വി​മാ​ന​ത്താ​വ​ള​ങ്ങ​ൾ, തു​റ​മു​ഖ​ങ്ങ​ൾ എ​ന്നി​വ ഭാ​ഗി​ക​മാ​യോ പൂ​​ർ​ണ​മാ​യോ പ​ണി​മു​ട​ക്കി​യ​പ്പോ​ൾ ചി​ല​യി​ട​ങ്ങ​ളി​ൽ ബ​സ്, റെ​യി​ൽ ഗ​താ​ഗ​ത​വും ത​ട​സ്സ​പ്പെ​ട്ടു. വി​വി​ധ ന​ഗ​ര​ങ്ങ​ളി​ൽ ല​ക്ഷ​ങ്ങ​ൾ പ​​ങ്കെ​ടു​ത്ത പ്ര​ക​ട​ന​ങ്ങ​ൾ അ​ധി​കാ​രി​ക​ളെ ഞെ​ട്ടി​ക്കു​ന്ന​താ​യി. ശ​നി​യാ​ഴ്ച ഗ​സ്സ​യി​ൽ ആ​റു ബ​ന്ദി​ക​ളെ കൊ​ല്ല​പ്പെ​ട്ട നി​ല​യി​ൽ ക​ണ്ടെ​ത്തി​യ​തി​നു പി​ന്നാ​ലെ​യാ​ണ് ബ​ന്ദി മോ​ച​ന ക​രാ​റി​ന് നെ​ത​ന്യാ​ഹു സ​ർ​ക്കാ​റി​നെ നി​ർ​ബ​ന്ധി​ച്ച് ഏ​റ്റ​വും വ​ലി​യ തൊ​ഴി​ലാ​ളി സം​ഘ​ട​ന​യാ​യ ഹി​സ്റ്റാ​ഡ്രൂ​ട്ട് പ​ണി​മു​ട​ക്കി​ന് ആ​ഹ്വാ​നം ചെ​യ്ത​ത്.

ഉ​ച്ച​യോ​ടെ സ​ർ​ക്കാ​ർ ന​ൽ​കി​യ ഇ​ഞ്ച​ങ്ഷ​ൻ പ​രി​ഗ​ണി​ച്ച കോ​ട​തി അ​ടി​യ​ന്ത​ര​മാ​യി പ​ണി​മു​ട​ക്ക് നി​ർ​ത്തി​വെ​ക്കാ​ൻ ആ​വ​ശ്യ​പ്പെ​ട്ടു. 11 മാ​സ​ത്തി​നി​ടെ ആ​ദ്യ​മാ​യാ​ണ് രാ​ജ്യ​ത്ത് നെ​ത​ന്യാ​ഹു സ​ർ​ക്കാ​റി​നെ പ്ര​തി​ക്കൂ​ട്ടി​ലാ​ക്കി വ​ൻ പ​ണി​മു​ട​ക്ക്. ജ​റൂ​സ​ല​മി​ൽ പ്ര​ധാ​ന​മ​ന്ത്രി​യു​ടെ വീ​ടി​നു മു​ന്നി​ലും തെ​ൽ അ​വീ​വി​ൽ സൈ​നി​ക ആ​സ്ഥാ​ന​ത്തും സ​മ​ര​ക്കാ​ർ വ​ൻ റാ​ലി​ക​ൾ​ക്ക് ആ​ഹ്വാ​നം ചെ​യ്തു. കൊ​ല്ല​പ്പെ​ട്ട ബ​ന്ദി​ക​ളു​ടെ ഉ​റ്റ​വ​രും പ​ണി​മു​ട​ക്കി​ൽ അ​ണി​ചേ​രാ​ൻ ആ​വ​ശ്യ​പ്പെ​ട്ട് രം​ഗ​ത്തെ​ത്തി​യ​ത് ശ്ര​ദ്ധേ​യ​മാ​യി. എ​ട്ടു ല​ക്ഷം തൊ​ഴി​ലാ​ളി​ക​ൾ അം​ഗ​ങ്ങ​ളാ​യ സം​ഘ​ട​ന​യാ​ണ് പ​ണി​മു​ട​ക്കി​ന് ആ​ഹ്വാ​നം ചെ​യ്ത​ത്.

അതിനിടെ, പ്രതിഷേധം കനത്തതോടെ ഗസ്സയിൽ കൊല്ലപ്പെട്ട ബന്ദികളുടെ ബന്ധുക്കളോട് നെതന്യാഹു മാപ്പപേക്ഷിച്ചു. ‘ആറ് ബന്ദികളിൽ ചിലരുടെ കുടുംബങ്ങളോട് സംസാരിക്കുകയും അവരോട് മാപ്പു ചോദിക്കുകയും ചെയ്തു. ഞാൻ കുടുംബങ്ങളോട് പറഞ്ഞകാര്യം ഇവിടെ ആവർത്തിക്കുന്നു: അവരെ ജീവനോടെ തിരികെ കൊണ്ടുവരാൻ കഴിയാത്തതിൽ ഞാൻ നിങ്ങളോട് മാപ്പു ചോദിക്കുന്നു. ഞങ്ങൾ അവരു​ടെ അടുത്തെത്തിയിരുന്നു. പക്ഷേ വിജയിച്ചില്ല. ഇതിന് ഹമാസ് വലിയ വില നൽകേണ്ടിവരും” -നെതന്യാഹു പറഞ്ഞു.

100ലേറെ ബന്ദികളെ മോചിപ്പിക്കണമെങ്കിൽ ഗസ്സയിൽ നിന്ന് ഇസ്രായേൽ പൂർണമായി പിൻവാങ്ങണമെന്നാണ് ഹമാസ് മുന്നോട്ടുവെച്ച നിബന്ധന. ഈ​ജി​പ്ത് അ​തി​ർ​ത്തി​യോ​ടു​ചേ​ർ​ന്ന ഫി​ല​ഡെ​ൽ​ഫി ഇ​ട​നാ​ഴി​യും, തെ​ക്ക്- വ​ട​ക്ക​ൻ ഗ​സ്സ​ക​ളെ നെ​ടു​കെ പി​ള​ർ​ത്തി നി​ർ​മി​ച്ച നെ​റ്റ്സാ​റിം ഇ​ട​നാ​ഴി​യും അ​ട​ക്കം ഗ​സ്സ​യി​ലെ മൊ​ത്തം പ്ര​ദേ​ശ​ങ്ങ​ളി​ൽ​നി​ന്നും പൂ​ർ​ണ​മാ​യി ഇ​​​സ്രാ​യേ​ൽ സൈ​നി​ക പി​ന്മാ​റ്റ​മി​ല്ലാ​തെ വെ​ടി​നി​ർ​ത്ത​ൽ ക​രാ​റി​നി​ല്ലെ​ന്ന് ഹ​മാ​സ് ആ​വ​ർ​ത്തി​ച്ചു. വീ​ണ്ടും ​വെ​ടി​നി​ർ​ത്ത​ൽ ക​രാ​റി​ന് യു.​എ​സ് രം​ഗ​ത്തെ​ത്തി​യ സാ​ഹ​ച​ര്യ​ത്തി​ലാ​ണ് മു​തി​ർ​ന്ന ഹ​മാ​സ് നേ​താ​വ് ഖ​ലീ​ൽ അ​ൽ​ഹ​യ്യ​യു​ടെ വി​ശ​ദീ​ക​ര​ണം.