പ്രവാസികളുടെ ഉത്രാടപ്പാച്ചിലിൽ വമ്പൻ ഓഫറുകളുമായി ഖോബാർ ലുലുവും

അൽഖോബാർ: തിരുവോണപ്പുലരിക്ക്​ ഒരു രാപ്പകലിപ്പുറം അവസാന വട്ട ഒരുക്കത്തിലായ പ്രവാസികളുടെ ഉത്രാടപ്പാച്ചിലിൽ കൈക്കുടന്ന നിറയെ ഓഫറുകൾ പ്രഖ്യാപിച്ച്​ ലുലുവും. സദ്യക്കായി സാധനങ്ങളും പൂക്കളമൊരുക്കാൻ പൂക്കളും ഓണക്കോടിയും വാങ്ങാൻ തിരക്കുകൂട്ടിയെത്തുന്ന ഉപഭോക്താക്കൾക്കായി അൽ-ഖോബാർ ലുലുവിൽ പ്രത്യേകസമയം തന്നെ മാറ്റിവെച്ച്​ വിശാല സൗകര്യമാണ്​ ഒരുക്കിയിരിക്കുന്നത്​.

ബുധനാഴ്​ച ഉച്ചകഴിഞ്ഞ്​ മൂന്ന്​ മുതൽ ആറ് വരെയാണ്​ ഖോബാർ ലുലുവിൽ ഉത്രാടപ്പാച്ചിലിന്​ സമയം മാറ്റിവെച്ചിരിക്കുന്നത്​. ഓണം തിമിർക്കാൻ കിടിലൻ ഓഫറുകളാണ്​ ഒരുക്കിയിരിക്കുന്നത്​. 23 തനത്​ കേരളീയ വിഭവങ്ങളടങ്ങിയ ഓണസദ്യ മിതമായ വിലക്ക്​ ശാഖയിൽ നിന്ന്​ ലഭിക്കും.

ഓണസദ്യ വീട്ടിലിരുന്ന്​ വളരെ നേരത്തെ തന്നെ ബുക്ക്​ ചെയ്യാനുള്ള സൗകര്യവും ഏർപ്പെടുത്തിയിട്ടുണ്ട്​. ആഘോഷകാല ഓഫറായി ഫാഷൻ വസ്​ത്രങ്ങൾ, അനുബന്ധ ഉൽപന്നങ്ങൾ, ആഭരണങ്ങൾ, കുട്ടികളുടെ വസ്​തുക്കൾ എന്നിവ വാങ്ങു​േമ്പാൾ ഓരോ നൂറ്​ റിയാലി​െൻറയും ബില്ലിന്​ 50 റിയാലി​െൻറ വൗച്ചർ സമ്മാനം ലഭിക്കും.