സ്വർണവില ഉയർന്നു

കൊച്ചി: സംസ്ഥാനത്ത് സ്വര്‍ണ വിലയില്‍ വര്‍ധന. പവന് 120 രൂപയാണ് കൂടിയത്. ഇതോടെ ഒരു പവൻ സ്വർണത്തിന്‍റെ വില 36,200 രൂപയായി. 15 രൂപ കൂടി ഒരു ഗ്രാം സ്വർണത്തിന്‍റെ വില 4525ല്‍ ആയി. ഈ മാസത്തെ ഉയര്‍ന്ന വിലയാണിത്.

കഴിഞ്ഞ മൂന്നു ദിവസമായി സ്വര്‍ണ വില 36,080ല്‍ തുടരുകയായിരുന്നു. ഈ മാസത്തിന്‍റെ തുടക്കത്തില്‍ 35,680 രൂപയായിരുന്നു സ്വര്‍ണ വില.

സുരക്ഷിത നിക്ഷേപമെന്ന നിലയിൽ സ്വർണത്തിലേക്ക് കൂടുതൽ പേർ ആകർഷിക്കപ്പെടുന്നതാണ് സ്വർണവില ഉയരുന്നതിനുള്ള കാരണമായി ചൂണ്ടിക്കാട്ടുന്നത്.