സ്വർണവില വീണ്ടും കൂടി

കൊച്ചി: സംസ്ഥാനത്ത് സ്വര്‍ണ വില വീണ്ടും കൂടി. പവന് 560 രൂപയാണ് ഇന്ന് കൂടിയത്. ഇന്നലെ പവന് 320 രൂപ കൂടിയിരുന്നു. ഇന്നത്തെ സ്വർണവില 38720 രൂപയാണ്. ഗ്രാം വില 70 രൂപ ഉയര്‍ന്ന് 4880 ആയി. രണ്ടു ദിവസത്തിനിടെ 880 രൂപയാണ് വർധിച്ചത്.

യുക്രെയ്നിലെ റഷ്യൻ അധിനിവേശത്തെ തുടര്‍ന്ന് ഓഹരി വിപണിയില്‍ ഉണ്ടായ അനിശ്ചിതത്വമാണ് സ്വര്‍ണ വിലയില്‍ പ്രതിഫലിക്കുന്നത്. ഇതോടെ സുരക്ഷിത നിക്ഷേപമെന്ന നിലയില്‍ നിക്ഷേപകര്‍ സ്വര്‍ത്തിലേക്കു തിരിയുന്നുവെന്ന് വിദഗ്ധർ പറയുന്നു.