വ്യവസായങ്ങൾ തുറന്നാൽ ആദ്യ ആഴ്​ച ടെസ്​റ്റ്​ റൺ

ന്യൂഡൽഹി: വിശാഖപട്ടണത്ത്​ രാസവസ്​തു നിർമ്മാണശാലയിൽ നിന്ന്​ വിഷവാതകം ചോർന്ന്​ 11 പേർ മരിച്ചതിന്​ പിന്നാലെ ലോക്​ഡൗണിന്​ ശേഷം വ്യവസായശാലകൾ തുറന്ന്​ പ്രവർത്തിക്കുന്നതിന്​ മാർഗനിർദേശവുമായി ദുരന്തനി​വാരണ അതോറിറ്റി. ഞായറാഴ്​ചയാണ്​ ഇതുമായി ബന്ധപ്പെട്ട്​ വിശദമായ മാർനിർദേശങ്ങൾ ദുരന്തനിവാരണ അതോറിറ്റി പുറത്തിറക്കിയത്​.

പലരും സുരക്ഷാ മാനദണ്ഡങ്ങൾ പാലിക്കാതെ ഫാക്​ടറി തുറന്നാൽ അത്​ വലിയ പ്രശ്​നങ്ങൾക്ക്​ ഇടയാക്കുമെന്ന്​ ദുരന്തനിവാര അതോറിറ്റി അറിയിച്ചു. രാസവസ്​തു ഫാക്​ടറികളിൽ ഇത്​ സൂക്ഷിച്ചിരിക്കുന്ന ടാങ്കുകൾക്കും പൈപ്പ്​ലൈനിനുമെല്ലാം കേടുവരാനുള്ള സാധ്യതയുണ്ട്​. ഇത്​ പരിഗണിച്ച്​ ഒരാഴ്​ച ടെസ്​റ്റ്​ റണ്ണോ ട്രയൽ റണ്ണോ നടത്തണമെന്ന്​ അതോറിറ്റി നിർദേശിച്ചു.

തുറന്ന ഉടനെ തന്നെ ഉയർന്ന രീതിയിലുള്ള ഉൽപാദനം നടത്തരുത്​. 24 മണിക്കൂർ മുമ്പ്​ ഫാക്​ടറി സാനിറ്റൈസ്​ ചെയ്യണം. എല്ലാ മൂന്ന്​ മണിക്കൂറിലും ഇത്​ ആവർത്തിക്കണം. ജീവനക്കാരുടെ സുരക്ഷക്ക്​ നല്ല പ്രാധാനം നൽകണമെന്നും അതോറിറ്റി നിർദേശിച്ചു.