സ്വർണവില വീണ്ടും ഉയർന്നു; പവന് 200 രൂപയുടെ വർധന

കൊച്ചി: ഒരു ദിവസത്തെ താഴ്ചക്ക് ശേഷം സംസ്ഥാനത്ത് സ്വർണവില വീണ്ടും ഉയർന്നു. പവന് 200 രൂപ കൂടി 36,920 രൂപയിലെത്തി. ഗ്രാമിന് 25 രൂപ കൂടി 4,615 രൂപയിലാണ് വ്യാപാരം നടക്കുന്നത്. ഈ മാസത്തെ ഇതുവരെ രേഖപ്പെടുത്തിയതിൽ ഏറ്റവും കൂടിയ വിലയാണ് ഇന്നത്തേത്.

വെള്ളിയാഴ്ച 36,720 രൂപയായിരുന്നു പവൻവില. ഇത് ശനിയാഴ്ച 36,880 രൂപയിലേക്ക് ഉയരുകയും ഞായറാഴ്ച മാറ്റമില്ലാതെ തുടരുകയും ചെയ്തു. എന്നാൽ, തിങ്കളാഴ്ച പവന് 160 രൂപ കുറഞ്ഞ് 36,720 രൂപയിലെത്തി.

നവംബർ മൂന്നിനാണ് ഈ മാസത്തെ ഏറ്റവും കുറഞ്ഞ വിലയായ 35,640 രൂപ രേഖപ്പെടുത്തിയത്. ഈ വില നാലാം തീയതിയും മാറ്റമില്ലാതെ തുടർന്നു.