പ്ലസ്​ വൺ സീറ്റ്​ ക്ഷാമം: സർക്കാർ നടപടി ഒക്​ടോബർ 21ന്​ ശേഷം

തിരുവനന്തപുരം: പ്ലസ്​ വൺ സീറ്റ്​ ക്ഷാമം പരിഹരിക്കുന്നതിന്​ സർക്കാർ നടപടി ഒക്​ടോബർ 21ന്​ ശേഷം. എയ്​ഡഡ്​ സ്​കൂളുകളിലെ മാനേജ്​മെൻറ്​, കമ്യൂണിറ്റി ക്വോട്ട സീറ്റുകളിൽ പ്രവേശനത്തിന്​ സർക്കാർ നിശ്ചയിച്ച സമയം ഇൗ മാസം 21ന്​ പൂർത്തിയാകും. അപ്പോഴേക്കും രണ്ടാം അലോട്ട്​മെൻറ്​ പ്രകാരമുള്ള പ്രവേശന നടപടികൾ പൂർത്തിയാകുകയും അവശേഷിക്കുന്ന സീറ്റുകളുടെ എണ്ണവും ലഭിക്കും.

ഇത​ുകൂടി പരിഗണിച്ച്​ എത്ര വിദ്യാർഥികൾ പുറത്തുനിൽക്കുന്നെന്ന പരിശോധന നടത്താനാണ്​ വിദ്യാഭ്യാസവകുപ്പി​െൻറ ആലോചന. രണ്ടാം അലോട്ട്​മെൻറിനുശേഷം ഒഴിവുള്ള സീറ്റുകളി​േലക്ക്​ സപ്ലിമെൻററി അലോട്ട്​മെൻറ്​ നടത്തും. ഇതിനായി അലോട്ട്​മെൻറ്​ ലഭിക്കാതെ പുറത്തുനിൽക്കുന്ന വിദ്യാർഥികൾ അപേക്ഷ പുതുക്കിനൽകണം. ​േനരത്തേ അപേക്ഷിക്കാൻ കഴിയാത്തവർക്കും ഇൗ ഘട്ടത്തിൽ അപേക്ഷിക്കാനാകും. സപ്ലിമെൻററി അലോട്ട്​മെൻറിന്​ ലഭിക്കുന്ന അപേക്ഷകളും ശേഷിക്കുന്ന സീറ്റുകളുംകൂടി പരിഗണിക്കുന്നതോടെ സീറ്റ്​ ക്ഷാമത്തി​െൻറ നേർചിത്രം വ്യക്തമാകുമെന്നാണ്​ വിലയിരുത്തൽ. ഇതിനുശേഷം ആവശ്യമെങ്കിൽ സീറ്റിനായി നിർദേശങ്ങൾ സമർപ്പിക്കും.

നിലവിൽ മതിയായ കുട്ടികളില്ലാത്ത തെക്കൻ ജില്ലകളിലെ ബാച്ചുകൾ സീറ്റ്​ ക്ഷാമമുള്ള മലബാറിലെ ജില്ലകളിലേക്ക്​ മാറ്റ​ുന്നത്​ ഇൗ ഘട്ടത്തിൽ പരിശോധിക്കും. 2014 -15 വർഷത്തിൽ 40 സ്​കൂളുകളിൽ അനുവദിച്ച 49 ബാച്ചുകളിൽ മതിയായ കുട്ടികളില്ലെന്ന്​ ഹയർസെക്കൻഡറി ​െഎ.സി.ടി സെൽ നേരത്തേതന്നെ റിപ്പോർട്ട്​ നൽകിയിട്ടുണ്ട്​. ഇൗ ബാച്ചുകൾ നിർത്തലാക്കി അത്രയും ബാച്ചുകൾ മലബാറിൽ അനുവദിക്കാൻ സർക്കാർ ഉത്തരവിറക്കിയെങ്കിലും പിന്നീട്​ മരവിപ്പിക്കുകയായിരുന്നു.

സീറ്റ്​ ക്ഷാമമുള്ള ജില്ലകളിൽ ​െഗസ്​റ്റ്​ അധ്യാപകരെ ഉപയോഗിച്ച്​ താൽക്കാലിക ബാച്ചുകൾ അനുവദിക്കണമെന്ന നിർദേശവും നേരത്തേ പൊതുവിദ്യാഭ്യാസ ഡയറക്​ടറേറ്റ്​ സർക്കാറിന്​ സമർപ്പിച്ചിരുന്നു. എന്നാൽ, ​ധനവകുപ്പി​െൻറ അനുമതി ലഭിച്ചില്ല. പുതിയ സാഹചര്യത്തിൽ താൽക്കാലിക ബാച്ചുകൾ എന്ന നിർദേശവും 21ന്​ ശേഷം പൊതുവിദ്യാഭ്യാസ ഡയറക്​ടറേറ്റ്​ മുന്നോട്ടുവെച്ചേക്കും.

സീറ്റ്​ ലഭിക്കാത്തവരിൽ ഒരു വിഭാഗം മാനേജ്​മെൻറ്​, കമ്യൂണിറ്റി ക്വോട്ട സീറ്റുകളിൽ പ്രവേശനം നേടുന്നതോടെ പ്രവേശനം ലഭിക്കാത്ത കുട്ടികളുടെ എണ്ണം കുറയുമെന്നാണ് വിദ്യാഭ്യാസ വകുപ്പി​െൻറ കണക്കുകൂട്ടൽ. എന്നിട്ടും സീറ്റില്ലാത്തവർക്ക്​ വേണ്ടിയായിരിക്കും ബാച്ചുകൾ മാറ്റുന്നതും താൽക്കാലിക ബാച്ചുകൾ അനുവദിക്കുന്നതും പരിഗണിക്കുക. ​