എം.ഡി.എം.എയുമായി കൊൽക്കത്ത സ്വദേശി പിടിയിൽ

കൊച്ചി: സിന്തറ്റിക് മയക്കുമരുന്നായ എം.ഡി.എം.എയുമായി കൊൽക്കത്ത സ്വദേശി പിടിയിൽ. കലൂർ പൊറ്റക്കുഴിയിൽ വാടകക്ക്‌ താമസിക്കുന്ന മുഹ്‌സിൽ ഷെയ്‌ഖിനെയാണ്‌ (27) എക്സൈസ് അറസ്‌റ്റ്‌ ചെയ്‌തത്‌. ഇയാളിൽനിന്ന്‌ 24.45 ഗ്രാം എം.ഡി.എം.എയും പിടിച്ചെടുത്തു.

വാടകവീട്ടിലെ മുറിയിൽ മൊബൈൽ ഫോണി​െൻറ പൗച്ചിലാണ്‌ എം.ഡി.എം.എ ഒളിപ്പിച്ചത്‌. എക്‌സൈസ്‌ സ്‌പെഷൽ സ്‌ക്വാഡ്‌ ഇൻസ്‌പെക്‌ടർ ജി. വിനോദ്‌, എക്‌സൈസ്‌ ഇൻസ്‌പെക്‌ടർ എൻ. ശങ്കർ എന്നിവരുടെ നേതൃത്വത്തിലാണ്‌ പ്രതിയെ പിടികൂടിയത്‌. വെള്ളിയാഴ്‌ച കോടതിയിൽ ഹാജരാക്കും.