ആൾക്കൂട്ട ആക്രമണ കൊലപാതകം: പത്ത്​ പേരെ അറസ്റ്റ്​ ചെയ്തു, മർദനത്തിൽ അശോക ദാസിന്‍റെ ശ്വാസകോശം തകർന്നു

മൂ​വാ​റ്റു​പു​ഴ: ഹോ​ട്ട​ലി​ൽ ഒ​പ്പം ജോ​ലി ചെ​യ്തി​രു​ന്ന പെ​ൺ സു​ഹൃ​ത്തി​നെ കാ​ണാ​നെ​ത്തി​യ അ​രു​ണാ​ച​ൽ പ്ര​ദേ​ശ് സ്വ​ദേ​ശി അ​ശോ​ക്​ ദാ​സ്​ ആ​ൾ​ക്കൂ​ട്ട ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട സം​ഭ​വ​ത്തി​ൽ പ​ത്തു പേ​രെ മൂ​വാ​റ്റു​പു​ഴ പൊ​ലീ​സ് അ​റ​സ്റ്റു​ചെ​യ്തു. വാ​ള​കം പ​ടി​ഞ്ഞാ​റെ കു​ടി​യി​ൽ വീ​ട്ടി​ൽ ബി​ജീ​ഷ് (44), പ​ടി​ഞ്ഞാ​റെ കു​ടി​യി​ൽ വീ​ട്ടി​ൽ അ​മ​ൽ (39), എ​ള്ളും വാ​രി​യ​ത്തി​ൽ വീ​ട്ടി​ൽ സ​ന​ൽ (38), ക​രോ​ട്ടെ വാ​ള​കം കൊ​ല്ല​മ്മാ​ങ്കു​ടി​യി​ൽ വീ​ട്ടി​ൽ ഏ​ലി​യാ​സ് കെ. ​പോ​ൾ (55), പ​ടി​ഞ്ഞാ​റെ കു​ടി​യി​ൽ വീ​ട്ടി​ൽ അ​നീ​ഷ് (40), പ​ടി​ഞ്ഞാ​റെ​ക്കു​ടി​യി​ൽ വീ​ട്ടി​ൽ സ​ത്യ​കു​മാ​ർ (56), മ​ക്ക​ളാ​യ കേ​ശ​വ് സ​ത്യ​ൻ (20), സൂ​ര​ജ് സ​ത്യ​ൻ (26). അ​റ​യ​ൻ കു​ന്ന​ത്ത് വീ​ട്ടി​ൽ എ​മി​ൽ (27), പു​ളി​ക്ക​പ്പ​റ​മ്പി​ൽ വീ​ട്ടി​ൽ അ​തു​ൽ കൃ​ഷ്ണ (23) എ​ന്നി​വ​രെ​യാ​ണ് റൂ​റ​ൽ ജി​ല്ല പൊ​ലീ​സ് മേ​ധാ​വി വൈ​ഭ​വ് സ​ക്സേ​ന​യു​ടെ നേ​തൃ​ത്വ​ത്തി​ൽ അ​റ​സ്റ്റ് ചെ​യ്ത​ത്. മ​ർ​ദ​ന​ത്തി​ൽ അ​ശോ​ക ദാ​സി​ന്‍റെ ശ്വാ​സ​കോ​ശം ത​ക​ർ​ന്ന​താ​യി പോ​സ്റ്റ്​​മോ​ർ​ട്ട​ത്തി​ൽ വ്യ​ക്​​ത​മാ​യി. ത​ല​യു​ടെ വ​ല​തു ഭാ​ഗ​ത്ത് ര​ക്ത​സ്രാ​വ​മു​ണ്ടാ​യ​താ​ണ് മ​ര​ണ​കാ​ര​ണ​മെ​ന്നും പൊ​ലീ​സ് പ​റ​ഞ്ഞു.

വ്യാ​ഴാ​ഴ്ച രാ​ത്രി സം​ഭ​വം ന​ട​ന്ന​തി​നു പി​ന്നാ​ലെ ഇ​വ​രെ പൊ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു. വി​ശ​ദ ചോ​ദ്യം ചെ​യ്യ​ലി​നു ശേ​ഷ​മാ​ണ് വെ​ള്ളി​യാ​ഴ്ച രാ​ത്രി 11 ഓ​ടെ ഇ​വ​രെ അ​റ​സ്റ്റു​ചെ​യ്ത​ത്. പെ​ൺ​സു​ഹൃ​ത്തി​ന്‍റെ വീ​ട്ടി​ലെ​ത്തി​യ​ശേ​ഷം മ​ട​ങ്ങി​യ അ​ശോ​ക് ദാ​സി​നെ ആ​ൾ​ക്കൂ​ട്ടം മ​ർ​ദി​ച്ചു കൊ​ല​പ്പെ​ടു​ത്തു​ക​യാ​യി​രു​ന്നു​വെ​ന്നാ​ണ്​ പൊ​ലീ​സ്​ ക​ണ്ടെ​ത്ത​ൽ. അ​ശോ​ക് ദാ​സി​നെ മ​ർ​ദി​ക്കു​ന്ന ദൃ​ശ്യ​ങ്ങ​ൾ മൊ​ബൈ​ലി​ൽ പ്ര​തി​ക​ൾ ത​ന്നെ പ​ക​ർ​ത്തു​ക​യും ചെ​യ്തു. ഇ​ത് പി​ന്നീ​ട് ഡി​ലീ​റ്റ് ചെ​യ്തി​രു​ന്നു. ഈ ​ദൃ​ശ്യ​ങ്ങ​ൾ സൈ​ബ​ർ​സെ​ല്ലി​ന്‍റെ സ​ഹാ​യ​ത്തോ​ടെ പൊ​ലീ​സ് വീ​ണ്ടെ​ടു​ത്തി​ട്ടു​ണ്ട്. ഹോ​ട്ട​ൽ ജീ​വ​ന​ക്കാ​രി​യാ​യ പെ​ൺ​സു​ഹൃ​ത്ത് മ​റ്റൊ​രു പെ​ൺ​കു​ട്ടി​ക്ക് ഒ​പ്പ​മാ​ണ് വാ​ട​ക​ക്ക് താ​മ​സി​ക്കു​ന്ന​ത്. ഇ​വി​ടെ എ​ത്തി​യ അ​ശോ​ക് ദാ​സും പെ​ൺ​കു​ട്ടി​ക​ളും ത​മ്മി​ൽ വീ​ട്ടി​ൽ വെ​ച്ച് ത​ർ​ക്ക​മു​ണ്ടാ​യി.

വീ​ടി​നു​ള്ളി​ൽ വെ​ച്ച് സ്വ​യം കൈ​ക​ൾ​ക്ക് മു​റി​വേ​ൽ​പ്പി​ച്ചു. തു​ട​ർ​ന്ന് പു​റ​ത്തി​റ​ങ്ങി​യ​പ്പോ​ഴാ​ണ് നാ​ട്ടു​കാ​ർ ഇ​യാ​ളെ ത​ട​ഞ്ഞു നി​ർ​ത്തി മ​ർ​ദി​ച്ച​ത്. ഇ​തി​നു ശേ​ഷം വാ​ള​കം ക​വ​ല​യി​ൽ എ​ത്തി​ച്ച് ക്ഷേ​ത്ര​ത്തി​നു സ​മീ​പ​ത്തെ തൂ​ണി​ൽ കെ​ട്ടി​യി​ടു​ക​യും ചെ​യ്തു. പെ​ൺ​കു​ട്ടി​ക​ളു​ടെ ര​ഹ​സ്യ മൊ​ഴി മ​ജി​സ്ട്രേ​റ്റി​ന് മു​ന്നി​ൽ രേ​ഖ​പ്പെ​ടു​ത്തി​യി​ട്ടു​ണ്ട്. പ്ര​ദേ​ശ​ത്തെ സി.​സി.​ടി.​വി ദൃ​ശ്യ​ങ്ങ​ളും ശേ​ഖ​രി​ച്ചി​ട്ടു​ണ്ട്.

വ്യാ​ഴാ​ഴ്ച്ച രാ​ത്രി 12 ഓ​ടെ വാ​ള​കം ക​വ​ല​യി​ലാ​ണു സം​ഭ​വം. ഇ​വി​ടെ​യു​ള്ള ക്ഷേ​ത്ര ക​വാ​ട​ത്തി​ന്‍റെ മു​ന്നി​ലെ ഇ​രു​മ്പു തൂ​ണി​ലാ​ണ് അ​ശോ​ക് ദാ​സി​നെ നാ​ട്ടു​കാ​ർ ചേ​ർ​ന്നു കെ​ട്ടി​യി​ട്ടു മ​ർ​ദി​ച്ച​ത്. അ​വ​ശ നി​ല​യി​ലാ​യ അ​ശോ​ക് ദാ​സി​നെ പൊ​ലീ​സ് എ​ത്തി മൂ​വാ​റ്റു​പു​ഴ ജ​ന​റ​ൽ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും വി​ദ​ഗ്‌​ധ ചി​കി​ത്സ​ക്കാ​യി കോ​ട്ട​യ​ത്തേ​ക്കു മാ​റ്റാ​നു​ള്ള നീ​ക്ക​ത്തി​നി​ടെ പു​ല​ർ​ച്ച ര​ണ്ടോ​ടെ മ​രി​ച്ചു. ഹോ​ട്ട​ലി​ൽ ഒ​പ്പം ജോ​ലി ചെ​യ്‌​തി​രു​ന്ന യു​വ​തി​യു​ടെ വീ​ട്ടി​ൽ രാ​ത്രി സ​ന്ദ​ർ​ശ​നം ന​ട​ത്തി​യ​തി​നാ​ണ് ഒ​രു സം​ഘം ഇ​യാ​ളെ ഓ​ടി​ച്ചി​ട്ടു പി​ടി​കൂ​ടി കെ​ട്ടി​യി​ട്ടു മ​ർ​ദി​ച്ച​ത്.