വീട്ടമ്മയെ കുത്തിയ അയൽവാസി അറസ്റ്റിൽ

തി​രു​വ​ല്ല: മു​ൻ വൈ​രാ​ഗ്യ​ത്തി​ന്‍റെ പേ​രി​ൽ തി​രു​വ​ല്ല​യി​ലെ കാ​ര​യ്ക്ക​ലി​ൽ വീ​ട്ട​മ്മ​യെ കു​ത്തി​പ്പ​രി​ക്കേ​ൽ​പ്പി​ച്ച കേ​സി​ൽ അ​യ​ൽ​വാ​സി​യെ പു​ളി​ക്കീ​ഴ് പൊ​ലീ​സ് അ​റ​സ്റ്റ് ചെ​യ്തു. കാ​ര​ക്ക​ൽ മാ​ധ​വ​ച്ചേ​രി​ൽ വ​ട​ക്കേ​തി​ൽ ത​മ്പി​യു​ടെ ഭാ​ര്യ അ​മ്മി​ണി വ​ർ​ഗീ​സി​നാ​ണ്​ (65) കു​ത്തേ​റ്റ​ത്. അ​മ്മി​ണി​യെ ആ​ക്ര​മി​ച്ച അ​യ​ൽ​വാ​സി​യാ​യ കു​ഴി​യി​ൽ പു​ത്ത​ൻ വീ​ട്ടി​ൽ സ​ജി ( 54 ) ആ​ണ് അ​റ​സ്റ്റി​ലാ​യ​ത്.

ഞാ​യ​റാ​ഴ്ച രാ​വി​ലെ പ​തി​നൊ​ന്ന് മ​ണി​യോ​ടെ ആ​യി​രു​ന്നു സം​ഭ​വം. സം​ഭ​വ​സ​മ​യം അ​മ്മി​ണി​യും ക​ണ്ണി​ന് കാ​ഴ്ച​യി​ല്ലാ​ത്ത ഭ​ർ​ത്താ​വ് ത​മ്പി​യും മാ​ത്ര​മാ​ണ് വീ​ട്ടി​ലു​ണ്ടാ​യി​രു​ന്ന​ത്. പാ​ച​കം ചെ​യ്യു​ക​യാ​യി​രു​ന്ന അ​മ്മി​ണി​യെ അ​ടു​ക്ക​ള​യി​ൽ ക​ട​ന്നു ക​യ​റി​യ സ​ജി ക​ത്തി ഉ​പ​യോ​ഗി​ച്ച് കു​ത്തി​പ്പ​രി​ക്കേ​ൽ​പ്പി​ക്കു​ക​യാ​യി​രു​ന്നു.

നി​ല​വി​ളി കേ​ട്ട് ഭ​ർ​ത്താ​വും അ​യ​ൽ​വാ​സി​ക​ളും ഓ​ടി എ​ത്തു​മ്പോ​ൾ ര​ക്ത​ത്തി​ൽ കു​ളി​ച്ച നി​ല​യി​ൽ അ​മ്മി​ണി​യെ ക​ണ്ടു. ഇ​തോ​ടെ സ​ജി സ്ഥ​ല​ത്തു​നി​ന്നും ര​ക്ഷ​പ്പെ​ട്ടു. തു​ട​ർ​ന്ന് അ​യ​ൽ​വാ​സി​ക​ൾ ചേ​ർ​ന്ന് വ​യ​റി​ന് ഗു​രു​ത​ര പ​രി​ക്കേ​റ്റ അ​മ്മി​ണി​യെ തി​രു​വ​ല്ല താ​ലൂ​ക്ക് ആ​ശു​പ​ത്രി​യി​ലും പി​ന്നീ​ട് കോ​ട്ട​യം മെ​ഡി​ക്ക​ൽ കോ​ള​ജി​ലും പ്ര​വേ​ശി​പ്പി​ച്ചു. അ​ടി​യ​ന്ത​ര ശ​സ്ത്ര​ക്രി​യ​ക്ക്​ വി​ധേ​യ​യാ​ക്കി​യ അ​മ്മി​ണി​യു​ടെ നി​ല അ​തീ​വ ഗു​രു​ത​ര​മാ​യി തു​ട​രു​ക​യാ​ണ്.

സം​ഭ​വ​ശേ​ഷം ര​ക്ഷ​പ്പെ​ട്ട പ്ര​തി​യെ പൊ​ലീ​സ് വീ​ടി​ന് സ​മീ​പ​ത്തു​നി​ന്നും പി​ടി​കൂ​ടു​ക​യാ​യി​രു​ന്നു. പി​താ​വ് പാ​പ്പ​ച്ച​നെ ക​ല്ല് ഉ​പ​യോ​ഗി​ച്ച് ത​ല​ക്ക​ടി​ച്ച് കൊ​ല​പ്പെ​ടു​ത്തി​യ കേ​സി​ൽ ജീ​വ​പ​ര്യ​ന്തം ത​ട​വ് ശി​ക്ഷ​ക്ക്​ ശേ​ഷം ഏ​താ​നും മാ​സം മു​മ്പാ​ണ് സ​ജി പു​റ​ത്തി​റ​ങ്ങി​യ​ത്. ഈ ​കേ​സി​ൽ സ​ജി​ക്കെ​തി​രെ ത​മ്പി​യും അ​മ്മി​ണി​യും പൊ​ലീ​സി​ൽ മൊ​ഴി ന​ൽ​കി​യി​രു​ന്നു.

ഇ​തി​ലു​ള്ള വി​രോ​ധ​മാ​ണ് ആ​ക്ര​മ​ണ​ത്തി​ന് പി​ന്നി​ലെ​ന്ന് ക​രു​തു​ന്ന​താ​യി പൊ​ലീ​സ് പ​റ​ഞ്ഞു. പ​ത്ത​നം​തി​ട്ട​യി​ൽ നി​ന്നു​ള്ള ഫോ​റ​ൻ​സി​ക് സം​ഘ​വും സ്ഥ​ല​ത്തെ​ത്തി തെ​ളി​വു​ക​ൾ ശേ​ഖ​രി​ച്ചി​രു​ന്നു. സം​ഭ​വ സ്ഥ​ല​ത്തെ​ത്തി​ച്ച് തെ​ളി​വെ​ടു​പ്പ് ന​ട​ത്തി​യ പ്ര​തി​യെ റി​മാ​ൻ​ഡ്​ ചെ​യ്തു.