സുവ്യയുടെ മരണം: ഭർത്താവിനെയും മാതാവിനെയും ചോദ്യം ചെയ്യും

കു​ണ്ട​റ: മ​നോ​പീ​ഡ​ന​ത്തെ തു​ട​ർ​ന്ന് ഭ​ർ​തൃ​ഗൃ​ഹ​ത്തി​ൽ ക​ട​യ്ക്കോ​ട് സു​വ്യ ഭ​വ​നി​ൽ സു​ഗ​ത​ൻ - അ​മ്പി​ളി ദ​മ്പ​തി​ക​ളു​ടെ മ​ക​ൾ സു​വ്യ (32) ആ​ത്മ​ഹ​ത്യ ചെ​യ്ത സം​ഭ​വ​ത്തി​ൽ ഭ​ർ​ത്താ​വ് അ​ജ​യ​നെ​യും ഭ​ർ​തൃ​മാ​താ​വ് വി​ജ​യ​മ്മ​യെ​യും ഉ​ട​ൻ ചോ​ദ്യം ചെ​യ്യും. ആ​രെ​യൊ​ക്കെ പ്ര​തി ചേ​ർ​ക്ക​ണ​മെ​ന്ന് നി​യ​മോ​പ​ദേ​ശ​ത്തി​ന് ശേ​ഷം മാ​ത്ര​മേ തീ​രു​മാ​നി​ക്കാ​ൻ ക​ഴി​യൂ​വെ​ന്ന് കി​ഴ​ക്കേ​ക​ല്ല​ട പൊ​ലീ​സ് പ​റ​ഞ്ഞു.

ശ​ബ്ദ സ​ന്ദേ​ശം​​വെ​ച്ച് ഗാ​ർ​ഹി​ക പീ​ഡ​ന​ത്തി​ന് കേ​സെ​ടു​ക്കാ​ൻ നി​ല​വി​ൽ വ്യ​ക്ത​മാ​യ വ​കു​പ്പി​ല്ല. എ​ന്നാ​ൽ, ഭ​ർ​ത്താ​വി​നെ​യും മാ​താ​വി​നെ​യും ചോ​ദ്യം ചെ​യ്യും. ചൊ​വ്വാ​ഴ്ച 12 പേ​രു​ടെ മൊ​ഴി​യെ​ടു​ത്തു. സു​വ്യ​യു​ടെ​യും ശ​ബ്ദ​സ​ന്ദേ​ശം ല​ഭി​ച്ച പി​തൃ​സ​ഹോ​ദ​രി​യു​ടെ ഫോ​ൺ ക​സ്റ്റ​ഡി​യി​ലെ​ടു​ത്തു. മ​നോ​പീ​ഡ​ന​ത്തെ​ക്കു​റി​ച്ച് ശ​ബ്ദ​സ​ന്ദേ​ശം ക​ഴി​ഞ്ഞ​ദി​വ​സം പു​റ​ത്തു​വ​ന്നി​രു​ന്നു. സു​വ്യ​യും ഭ​ർ​തൃ​മാ​താ​വ് വി​ജ​യ​മ്മ​യും ത​മ്മി​ൽ സ്ഥി​ര​മാ​യി വ​ഴ​ക്കി​ടു​മാ​യി​രു​ന്നെ​ന്ന് അ​യ​ൽ​വാ​സി​ക​ൾ വെ​ളി​പ്പെ​ടു​ത്തി​യി​രു​ന്നു.

ഞാ​യ​റാ​ഴ്ച രാ​വി​ലെ 9.30 ഓ​ടെ​യാ​ണ് സു​വ്യ​യെ ഭ​ർ​തൃ​വീ​ട്ടി​ലെ കി​ട​പ്പു​മു​റി​യി​ലെ ഫാ​നി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ആ​ത്മ​ഹ​ത്യ​യി​ൽ വി​ശ​ദ​മാ​യ അ​ന്വേ​ഷ​ണം ആ​വ​ശ്യ​പ്പെ​ട്ട് സു​വ്യ​യു​ടെ ബ​ന്ധു​ക്ക​ൾ കൊ​ല്ലം റൂ​റ​ൽ എ​സ്.​പി​ക്ക് പ​രാ​തി ന​ൽ​കി. മ​രി​ക്കു​ന്ന​തി​ന് മു​മ്പ് ഭ​ര്‍തൃ​മാ​താ​വി​ന്‍റെ പീ​ഡ​ന​ത്തെ​ക്കു​റി​ച്ച് പി​താ​വി​ന്‍റെ സ​ഹോ​ദ​രി സു​ജാ​ത​ക്കാ​ണ് വാ​ട്സ്ആ​പ്പി​ൽ ശ​ബ്ദ​സ​ന്ദേ​ശം അ​യ​ച്ച​ത്.