വീട്ടിനുള്ളിൽ അൽപ്പം ജാഗ്രത പുലർത്തിയാൽ ഇൗ അപകടങ്ങൾ ഒഴിവാക്കാം

കൂ​ട്ടു​കാ​രു​മൊ​ത്ത് ക​ളി​ക്കു​ന്ന​തി​നി​ടെ ​ഫ്രി​ഡ്​​ജി​ൽ​നി​ന്ന്​ ഷോ​ക്കേ​റ്റ് ഒ​ന്ന​ര വ​യ​സു​കാ​രി മ​രി​ച്ച വാർത്ത ഞെട്ടലോടെയാണ്​ കേരളം കേട്ടത്​.സ​മീ​പ​ത്തെ കു​ട്ടി​ക​ൾ​ക്കൊ​പ്പം ഒ​ളി​ച്ചു​ക​ളി​ക്കു​ന്ന​തി​നി​ടെ ഫ്രി​ഡ്ജി​ന് പി​ന്നി​ൽ ഒ​ളി​ച്ച​പ്പോ​ൾ ഷോ​ക്കേ​റ്റ​ാണ്​ കുട്ടി ​മരിച്ചത്​.വീടുകൾക്കുള്ളിലെ വയറിങ്ങിന്‍റെ ഗുണമേന്മ ഉറപ്പാക്കുന്നതിലേക്കാണ്​ ഇൗ സംഭവം ചൂണ്ടിക്കാട്ടുന്നത്​.

• വീട്ടിലെ എർത്തിംഗ് സംവിധാനത്തിന്‍റെ നിർമാണവും പരിപാലനവും വളരെ പ്രധാനമാണ്. എർത്തിംഗ് കാര്യക്ഷമമാണെന്ന് നിശ്ചിത ഇടവേളകളിൽ പരിശോധിച്ച് ഉറപ്പുവരുത്തേണ്ടതുണ്ട്. ഇതിനായി ഒരു അംഗീകൃത വയർമാൻ/ ഇലക്ട്രീഷ്യന്‍റെ സഹായം തേടാം.
  
• ത്രീ പിൻ പ്ലഗുകൾ വഴി മാത്രമേ ഇസ്തിരിപ്പെട്ടി, റഫ്രിജറേറ്റർ (ഫ്രിഡ്​ജ്) തുടങ്ങിയ ലോഹ കവചമുള്ള ഉപകരണങ്ങൾ വൈദ്യുതിയുമായി ബന്ധിപ്പിക്കാവു. ഏതെങ്കിലും കാരണവശാൽ വൈദ്യുതി ലീക്കായി ലോഹകവചത്തിലേക്കെത്തിയാൽ മൂന്നാമത്തെ പിന്നിലൂടെ വൈദ്യുതി ഭൂമിയിലേക്ക് ഒഴുകുകയും ഫ്യൂസ് പോകുന്നതിലൂടെയോ എം.സി.ബി ട്രിപ്പാകുന്നതിലൂടെയോ സുരക്ഷ ഉറപ്പാകുകയും ചെയ്യും.
  
• വൈദ്യുതാഘാതമേൽക്കുമ്പോൾ ഹൃദയത്തിന്‍റെ പ്രവർത്തനം തകരാറിലായാണ് മരണം സംഭവിക്കുന്നത്. സാധാരണ നിലയിൽ 30 മില്ലി ആമ്പിയറിന് മുകളിൽ വൈദ്യുതി ശരീരത്തിലൂടെ കടന്നു പോകുമ്പോഴാണ് അത് മാരകമാകുന്നത്. വീടുകളിലെ മെയിൻ സ്വിച്ചിനു സമീപം നിർബന്ധമായും എർത്ത് ലീക്കേജ് സർക്യൂട്ട് ബ്രേക്കർ (ELCB) അഥവാ റെഡിഡുവൽ കറന്‍റ്​​ സർക്യൂട്ട് ബ്രേക്കർ (RCCB) സ്ഥാപിക്കുന്നതിലൂടെ ഷോക്കേറ്റുള്ള അപകടം ഒഴിവാക്കാനാകും. ഷോക്കേൽക്കുന്ന സാഹചര്യമുണ്ടായാൽ അപ്പോൾതന്നെ ഈ ഉപകരണം സ്വയം ഓഫായി അപകടം ഒഴിവാക്കും. നിശ്ചിത ഇടവേളകളിൽ ELCB/RCCB യുടെ ടെസ്റ്റ് ബട്ടൺ ഓണാക്കി അവ കൃത്യമായി പ്രവർത്തിക്കുന്നു എന്ന് ഉറപ്പുവരുത്തുകയും വേണം.