'ഗൾഫ്​ മാധ്യമ'ത്തി​െൻറ ഉപഹാരമായി 'ഗോൾഡൻ ബീറ്റ്​സ്​' കാപിറ്റൽ ഗവർണറേറ്റ്​

മനാമ: 50ാം ദേശീയദിനം ആഘോഷിക്കുന്ന ബഹ്​റൈനുള്ള ഉപഹാരമായി 'ഗൾഫ്​ മാധ്യമം' പ്രസിദ്ധീകരിച്ച പ്രത്യേക പതിപ്പ്​ 'ഗോൾഡൻ ബീറ്റ്​സ്​' പ്രകാശം ചെയ്​തു. ഇംഗ്ലീഷിലും മലയാളത്തിലുമായി പുറത്തിറക്കിയ ഇരട്ട പുസ്​തകങ്ങളുടെ പ്രകാശനം ബഹ്​റൈൻ കേരളീയ സമാജത്തിൽ നടന്ന ചടങ്ങിൽ സമാജം പ്രസിഡൻറ്​ പി.വി. രാധാകൃഷ്​ണപിള്ളക്ക്​ കോപ്പി നൽകി കാപിറ്റൽ ഗവർണറേറ്റ്​ ഇൻഫർമേഷൻ ആൻഡ്​​ ഫോളോ അപ്​ ഡയറക്​ടർ യൂസുഫ്​ ലോറി നിർവഹിച്ചു.ഗൾഫ്​ മാധ്യമം നിർവഹിക്കുന്ന സേവനങ്ങളിൽ അങ്ങേയറ്റം സന്തോഷമുണ്ടെന്ന്​ അദ്ദേഹം പറഞ്ഞു. ബഹ്​റൈനെക്കുറിച്ചുള്ള കൂടുതൽ അറിവുകൾ പങ്കുവെക്കാൻ പ്രത്യേക പതിപ്പിന്​ കഴിയുമെന്നും അദ്ദേഹം കൂട്ടിച്ചേർത്തു.

ബഹ്​റൈനിലെ സാമൂഹിക-സാംസ്​കാരികരംഗത്തെ പ്രമുഖ വ്യക്തിത്വങ്ങളുടെ സാന്നിധ്യത്താൽ മഹനീയമായ ചടങ്ങിൽ ഗൾഫ്​ മാധ്യമം-മീഡിയവൺ എക്​സിക്യൂട്ടിവ്​ കമ്മിറ്റി ചെയർമാൻ ജമാൽ ഇരിങ്ങൽ അധ്യക്ഷതവഹിച്ചു. ഒ.ബി.എച്ച് ടുഗദർ വീ കെയർ തലവൻ അന്തോണി പൗലോസ്​, ഗൾഫ്​ മാധ്യമം ​െറസിഡൻറ്​ മാനേജർ ജലീൽ അബ്​ദുല്ല, ബ്യൂറോ ചീഫ്​ സിജു ജോർജ്​ എന്നിവർ സംസാരിച്ചു.ഇന്ത്യൻ ക്ലബ്​ പ്രസിഡൻറ്​ കെ.എം. ചെറിയാൻ, മുതിർന്ന മാധ്യമ പ്രവർത്തകൻ സോമൻ ബേബി, ​െഎ.സി.ആർ.എഫ്​ അഡ്വൈസർ അരുൾദാസ്​ തോമസ്​, കെ.എം.സി.സി സംസ്ഥാന ജനറൽ സെക്രട്ടറി അസൈനാർ കളത്തിങ്കൽ, പ്രവാസി കമീഷൻ അംഗം സുബൈർ കണ്ണൂർ, കേരളീയ സമാജം ജനറൽ സെക്രട്ടറി വർഗീസ്​ കാരക്കൽ, ഒ.​െഎ.സി.സി ദേശീയ പ്രസിഡൻറ്​ ബിനു കുന്നന്താനം, എഴുത്തുകാരൻ നാസർ യൂസുഫ്​, വി ഫസ്​റ്റ്​ ട്രേഡിങ്​ മാർക്കറ്റിങ്​ എക്​സിക്യൂട്ടിവ്​ ലുലുവ അൽ അബ്ബാർ, സാമൂഹിക പ്രവർത്തകരായ കെ.ടി സലീം, സഇൗദ്​ റമദാൻ നദ്​വി, എം.എം. സുബൈർ, ചെമ്പൻ ജലാൽ, മജീദ്​ തണൽ, നാസർ മഞ്ചേരി, ബദ്​റുദ്ദീൻ പൂവാർ, അബ്ബാസ്​ മലയിൽ, വി.കെ.​ അനീസ്​, സത്യൻ പേരാ​മ്പ്ര തുടങ്ങിയവർ ചടങ്ങിൽ പ​െങ്കടുത്തു. മീഡിയവൺ ബഹ്​റൈൻ ബ്യൂറോ ചീഫ്​ സിറാജ്​ പള്ളിക്കര ഏകോപനം നിർവഹിച്ചു. ഗൾഫ്​ മാധ്യമം മാർക്കറ്റിങ്​ മാനേജർ ഷക്കീബ്​ വലിയപീടികക്കൽ നന്ദി പറഞ്ഞു.