ഉത്​സവാന്തരീക്ഷത്തിൽ സമാജം വായനശാല നിർമ്മിച്ച വീടി​െൻറ താക്കോൽദാനം നടന്നു

മനാമ: ബഹ്റൈൻ കേരളീയ സമാജം ഭവന പദ്ധതിയുടെ ഭാഗമായി ബഹ്‌റൈൻ കേരളീയ സമാജം വായനശാല നിർമ്മിച്ചു നൽകിയ വീടി​​​െൻറ താക്കോൽദാന കർമ്മം  നടന്നു. മാവേലിക്കരയിൽ തെക്കേക്കര പഞ്ചായത്തിൽ പോനകം വാർഡിൽ ഉഷാകുമാരിയ്​ക്കാണ്​ വീട്​ നൽകിയത്​.  ചടങ്ങിൽ കേരള സമാജം സെക്രട്ടറി  എം. പി രഘു താക്കോൽ തിരുവിതാംകൂർ ദേവസ്വം ബോർഡ് അംഗം കെ രാഘവന്​ കൈമാറി. അദ്ദേഹം താക്കോൽ കളത്തുർ തെക്കേതിൽ ഉഷാകുമാരിക്കു നൽകി താക്കോൽ ദാന കർമ്മം നിർവഹിച്ചു.

ചടങ്ങിൽ  സമാജത്തി​​​െൻറ മുതിർന്ന അംഗങ്ങളും, മുൻ എക്​സിക്യൂട്ടീവ് ഭാരവാഹികളും പങ്കെടുത്തു. വായനശാലയുടെ ഭവന നിർമ്മാണ പദ്ധതിയുടെ ചുമതലയുള്ള ജോയിൻറ്​ കൺവീനർ റെജി അലക്​സ്​ ചടങ്ങിൽ പങ്കെടുത്തു. മുൻ സമാജം ഭാരവാഹികളായയ  ജോൺ ഐപ്പ്, മധു പിള്ള, കെ.പി.ശ്രീകുമാർ,  ജഗദീഷ് ശിവൻ, പി വി മോഹൻ കുമാർ, പ്രസാദ ചന്ദ്രൻ, അരുൺ കുമാർ, ജയകൃഷ്​ണൻ,ഡി സലിം, തുടങ്ങിയവരോടൊപ്പം  സത്യൻ പേരാ​മ്പ്രയും പങ്കെടുത്തു. ചടങ്ങിൽ മാവേലിക്കര  എം.ൽ.എ ആർ.രാജേഷ് അധ്യക്ഷത വഹിച്ചു. പ്രവാസി കമ്മീഷൻ അംഗം. സുബൈർ കണ്ണൂർ,  തെക്കേക്കര ഗ്രാമപഞ്ചായത്ത് പ്രസിഡൻറ്​ ഷൈലാ ലക്ഷമണൻ, കെ മധുസൂദനൻ നായർ., രാജേഷ് ആർ ചന്ദ്രൻ, ദീപാ ജയാനന്തൻ. ശ്രീലേഖാ ഗിരീഷ്., വസന്ത രാജശേഖരൻ തുടങ്ങിയ വരും പങ്കെടുത്തു.