ഇന്ത്യൻ സോഷ്യൽ ഫോറം ഫുട്ബാൾ ടൂർണമെന്‍റ്​

മനാമ: ഇന്ത്യൻ സോഷ്യൽ ഫോറം ഫുട്ബാൾ ക്ലബ്‌ സംഘടിപ്പിക്കുന്ന നാലാമത് റോളിങ് ട്രോഫിക്കു വേണ്ടിയുള്ള ഫുട്ബാൾ ടൂർണമെന്‍റ്​ ജൂലൈ 10,11,14,15 തീയതികളിൽ ഹൂറ ഗോസി മാളിന് സമീപമുള്ള ഗ്രൗണ്ടിൽ നടക്കും.

ബഹ്‌റൈനിലെ വിവിധ ഇന്ത്യൻ ഫുട്ബാൾ ക്ലബുകളുടെ പ്രതിനിധികൾ പങ്കെടുത്ത യോഗത്തിൽ വിപുലമായ സ്വാഗതസംഘം രൂപവത്കരിച്ചു. ബഹ്‌റൈനിലെ എല്ലാ ഇന്ത്യൻ ഫുട്​ബാൾ ക്ലബുകളുടെയും പ്രഫഷനൽ ടീമുകളെ അണിനിരത്തിയാണ് ടൂർണമെന്റ് സംഘടിപ്പിക്കുന്നതെന്ന് സംഘാടകർ അറിയിച്ചു. ഇന്ത്യൻ സോഷ്യൽ ഫോറം ജനറൽ സെക്രട്ടറി റഫീഖ് അബ്ബാസി​​ന്റെ അധ്യക്ഷതയിൽ നടന്ന ചടങ്ങിൽ സെൻട്രൽ കമ്മിറ്റി അംഗങ്ങളായ യൂസഫ് അലി, ഇന്ത്യൻ സോഷ്യൽ ഫോറം കേരള ഘടകം പ്രസിഡന്‍റ്​ സെയ്ഫ് അഴീക്കോട്, സെക്രട്ടറി അസീർ പാപ്പിനിശ്ശേരി, ക്ലബ്‌ ഭാരവാഹികളായ ഹംസ വല്ലപ്പുഴ, നിയാസ് തെയ്യൻ എന്നിവർ പങ്കെടുത്തു. സ്പോർട്സ് സെക്രട്ടറി റഷീദ് സയിദ് സ്വാഗതവും ഫുട്ബാൾ ക്ലബ്‌ പ്രസിഡന്‍റ്​ മുസ്തഫ ടോപ്മാൻ നന്ദിയും പറഞ്ഞു.