വെള്ളിയാഴ്ചയും പൊടിയും കാറ്റും
text_fieldsകുവൈത്ത് സിറ്റി: രാജ്യത്ത് വെള്ളിയാഴ്ചയും പൊടിക്കാറ്റ് രൂപപ്പെട്ടു. വെള്ളിയാഴ്ച വൈകീട്ടോടെ രൂപപ്പെട്ട പൊടിക്കാറ്റ് അന്തരീക്ഷത്തെ മൂടൽമഞ്ഞിന് സമാനമാക്കി. ഇതിനൊപ്പം കനത്ത കാറ്റും വീശി. പുറത്തിറങ്ങുന്നവർക്ക് പ്രയാസം തീർക്കുന്ന രീതിയിൽ കാറ്റ് വീശി. പൊടിക്കാറ്റിന് സാധ്യതയുണ്ടെന്ന് കാലാവസ്ഥാ നിരീക്ഷണകേന്ദ്രം കഴിഞ്ഞ ദിവസം മുന്നറിയിപ്പ് നൽകിയിരുന്നു.
കഴിഞ്ഞ തിങ്കൾ, ചൊവ്വ ദിവസങ്ങളിലും അന്തരീക്ഷത്തിൽ പൊടിനിറയുകയും കാഴ്ച മറക്കുകയും ചെയ്തിരുന്നു. പൊടിപടലങ്ങളും മോശം കാലാവസ്ഥയും ദൂരക്കാഴ്ച കുറയാൻ കാരണമാകുകയും വാഹനം ഓടിക്കുന്നവർക്ക് പ്രയാസം നേരിടുകയും ചെയ്തു. അതേസമയം, രാജ്യം വേനൽക്കാലത്തിന്റെ അവസാന ഘട്ടത്തിലേക്ക് കടന്നു. വെള്ളിയാഴ്ച പകലും രാത്രിയും ചൂടിനും അൽപം കുറവു നേരിട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.