എ​ല്ലാം ഇ​നി കാ​മ​റ​ക്ക​ണ്ണി​ൽ; നി​ര​ത്തു​ക​ളി​ൽ ഓ​ട്ടോ​മേ​റ്റ​ഡ് നി​രീ​ക്ഷ​ണ കാ​മ​റ​ക​ൾ

കു​വൈ​ത്ത് സി​റ്റി: ഗ​താ​ഗ​ത നി​യ​മ​ലം​ഘ​ന​ങ്ങ​ൾ ഇ​നി എ​ളു​പ്പ​ത്തി​ൽ ക​ണ്ടെ​ത്തും. ഇ​തി​നാ​യി രാ​ജ്യ​ത്തെ നി​ര​ത്തു​ക​ളി​ൽ ഓ​ട്ടോ​മേ​റ്റ​ഡ് നി​രീ​ക്ഷ​ണ കാ​മ​റ​ക​ൾ (എ.​ഐ) സ്ഥാ​പി​ക്കു​ന്ന​ത് ആ​രം​ഭി​ച്ചു. ട്രാ​ഫി​ക് നി​യ​മ​ങ്ങ​ൾ ലം​ഘി​ക്കു​ന്ന​തും ലൈ​ൻ അ​ട​യാ​ള​ങ്ങ​ൾ പാ​ലി​ക്കാ​ത്ത​തും നി​രീ​ക്ഷി​ക്കാ​ൻ പ്ര​ത്യേ​കം രൂ​പ​ക​ൽ​പ​ന ചെ​യ്ത​താ​ണ് ഈ ​കാ​മ​റ​ക​ളെ​ന്ന് ആ​ഭ്യ​ന്ത​ര മ​ന്ത്രാ​ല​യം ട്രാ​ഫി​ക് ആ​ൻ​ഡ് ഓ​പ​റേ​ഷ​ൻ​സ് സെ​ക്‌​ട​ർ അ​റി​യി​ച്ചു.

ആ​ക്ടി​ങ് പ്ര​ധാ​ന​മ​ന്ത്രി​യും പ്ര​തി​രോ​ധ-​ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ഫ​ഹ​ദ് യൂ​സ​ഫ് സൗ​ദ് അ​സ്സ​ബാ​ഹി​ന്റെ നി​ർ​ദേ​ശ​ങ്ങ​ളെ തു​ട​ർ​ന്നാ​ണ് ന​ട​പ​ടി. എ​ല്ലാ ഡ്രൈ​വ​ർ​മാ​രും ട്രാ​ഫി​ക് നി​യ​മ​ങ്ങ​ളും ലൈ​ൻ അ​ട​യാ​ള​ങ്ങ​ളും ക​ർ​ശ​ന​മാ​യി പാ​ലി​ക്ക​ണ​മെ​ന്നും റോ​ഡി​ലെ മ​റ്റു​ള്ള​വ​രു​ടെ അ​വ​കാ​ശ​ങ്ങ​ൾ ലം​ഘി​ക്ക​രു​തെ​ന്നും മ​ന്ത്രാ​ല​യം അ​ഭ്യ​ർ​ഥി​ച്ചു. ട്രാ​ഫി​ക് സു​ര​ക്ഷ കൈ​വ​രി​ക്കു​ന്ന​തി​നും സു​ഗ​മ​മാ​യ ഗ​താ​ഗ​തം ഉ​റ​പ്പാ​ക്കു​ന്ന​തി​നും നി​യ​മ​ങ്ങ​ൾ പാ​ലി​ക്കു​ന്ന​ത് നി​ർ​ണാ​യ​ക​മാ​ണെ​ന്നും വ്യ​ക്ത​മാ​ക്കി.

ട്രാ​ഫി​ക് സം​വി​ധാ​നം മെ​ച്ച​പ്പെ​ടു​ത്തു​ന്ന​തി​നും റോ​ഡ് ഉ​പ​യോ​ക്താ​ക്ക​ളു​ടെ സു​ര​ക്ഷ ഉ​റ​പ്പാ​ക്കു​ന്ന​തി​നു​മു​ള്ള സ​മ​ഗ്ര ത​ന്ത്ര​ത്തി​ന്റെ ഭാ​ഗ​മാ​യാ​ണ് എ.​ഐ കാ​മ​റ​ക​ൾ സ്ഥാ​പി​ക്കു​ന്ന​ത്. നി​യ​മം ലം​ഘി​ക്കു​ന്ന​വ​ർ ക​ടു​ത്ത ന​ട​പ​ടി നേ​രി​ടേ​ണ്ടി​വ​രു​മെ​ന്നും മു​ന്ന​റി​യി​പ്പ് ന​ൽ​കി.

ഗ​താ​ഗ​ത നി​യ​മ​ലം​ഘ​ന​ങ്ങ​ൾ കു​റ​ക്കു​ന്ന​തി​നും റോ​ഡ് സു​ര​ക്ഷ ഉ​റ​പ്പാ​ക്കു​ന്ന​തി​നും രാ​ജ്യ​ത്ത് വി​വി​ധ ശ്ര​മ​ങ്ങ​ൾ ന​ട​ന്നു​വ​രുക​യാ​ണ്. സീ​റ്റ് ബെ​ൽ​റ്റ് ധ​രി​ക്കാ​തി​രി​ക്ക​ൽ, ഡ്രൈ​വി​ങ്ങി​നി​ട​യി​ൽ ഫോ​ൺ ഉ​പ​യോ​ഗി​ക്ക​ൽ എ​ന്നി​വ ക​ണ്ടെ​ത്താ​നും അ​ടു​ത്തി​ടെ സ​മാ​ന ന​ട​പ​ടി​ക​ൾ ആ​രം​ഭി​ച്ചി​ട്ടു​ണ്ട്.

ട്രാ​ഫി​ക് പി​ഴ​ക​ൾ ക​ർ​ശ​ന​മാ​ക്കു​ന്ന​തി​നു​ള്ള ക​ര​ട് നി​ർ​ദേ​ശ​ത്തി​നും ക​ഴി​ഞ്ഞ ദി​വ​സം ചേ​ർ​ന്ന മ​ന്ത്രി​സ​ഭ യോ​ഗം അ​നു​മ​തി ന​ൽ​കി. ഗു​രു​ത​ര ഗ​താ​ഗ​ത ലം​ഘ​ന​ങ്ങ​ൾ​ക്ക് ത​ട​വും പി​ഴ​യും ഉ​ൾ​പ്പെ​ടെ ക​ന​ത്ത ശി​ക്ഷ​ക​ൾ ഉ​ൾ​പ്പെ​ടു​ന്ന​താ​ണ് ക​ര​ട് നി​ർ​ദേ​ശം. പു​തി​യ നി​യ​മം പ്രാ​ബ​ല്യ​ത്തി​ൽ വ​രു​ന്ന​തോ​ടെ നി​യ​മ​ലം​ഘ​ന​ങ്ങ​ളി​ൽ പ​ല​തി​നും നി​ല​വി​ലു​ള്ള​തി​നേ​ക്കാ​ൾ ഇ​ര​ട്ടി പി​ഴ നി​ല​വി​ൽ വ​രും.