വിദ്യാഭ്യാസ മന്ത്രാലയം രാത്രിക്ലാസുകൾ ആലോചിക്കുന്നു

കു​വൈ​ത്ത്​ സി​റ്റി: കു​വൈ​ത്ത്​ വി​ദ്യാ​ഭ്യാ​സ മ​ന്ത്രാ​ല​യം രാ​ത്രി ക്ലാ​സു​ക​ൾ ആ​രം​ഭി​ക്കു​ന്ന​ത്​ ആ​ലോ​ചി​ക്കു​ന്നു. കോ​വി​ഡ്​ നി​യ​ന്ത്ര​ണ​ങ്ങ​ൾ കാ​ര​ണം ന​ഷ്​​ട​മാ​യ അ​ധ്യ​യ​ന​സ​മ​യ​ത്തി​ന്​ പ​ക​ര​മാ​യാ​ണ്​ രാ​ത്രി ക്ലാ​സു​ക​ൾ പ​രി​ഗ​ണി​ക്കു​ന്ന​ത്. മ​ന്ത്രാ​ല​യം അ​ണ്ട​ർ സെ​ക്ര​ട്ട​റി ഡോ. ​അ​ലി അ​ൽ യ​അ്​​ഖൂ​ബ്​ അ​റി​യി​ച്ച​താ​ണി​ത്. ഹ​വ​ല്ലി വി​ദ്യാ​ഭ്യാ​സ മേ​ഖ​ല സം​ഘ​ടി​പ്പി​ച്ച ച​ർ​ച്ച​സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ആ​രോ​ഗ്യ മ​ന്ത്രാ​ല​യ​വു​മാ​യി സ​ഹ​ക​രി​ച്ചാ​ണ്​ ന​വം​ബ​റി​ൽ രാ​ത്രി ക്ലാ​സ്​ തു​ട​ങ്ങു​ക. ഒ​ന്ന​ര വ​ർ​ഷ​ത്തെ ഇ​ട​വേ​ള​ക്കു​ശേ​ഷ​മാ​ണ്​ ഒ​ക്​​ടോ​ബ​ർ മൂ​ന്നി​ന്​​ ഞാ​യ​റാ​ഴ്​​ച സ​ർ​ക്കാ​ർ വി​ദ്യാ​ല​യ​ങ്ങ​ളി​ൽ നേ​രി​ട്ടു​ള്ള അ​ധ്യ​യ​നം ആ​രം​ഭി​ച്ച​ത്. അ​തു​വ​രെ നി​യ​ന്ത്ര​ണ​ങ്ങ​ളോ​ടെ ന​ട​ത്തി​യ ഒാ​ൺ​ലൈ​ൻ ക്ലാ​സു​ക​ൾ അ​പ​ര്യാ​പ്​​ത​മാ​യി​രു​ന്നു. പാ​ഠ​ഭാ​ഗ​ങ്ങ​ൾ പൂ​ർ​ത്തീ​ക​രി​ക്കാ​ൻ ക​ഴി​ഞ്ഞി​ട്ടി​ല്ല.

ഒ​ന്നി​ട​വി​ട്ട ദി​വ​സ​ങ്ങ​ളി​ലാ​ണ്​ ഒാ​രോ വി​ദ്യാ​ർ​ഥി​ക്കും ഇ​പ്പോ​ൾ ക്ലാ​സ്. നേ​രി​ട്ടു​ള്ള ക്ലാ​സു​ക​ൾ​ക്ക് വി​ദ്യാ​ഭ്യാ​സ​മ​ന്ത്രാ​ല​യം അ​നു​മ​തി ന​ൽ​കി​യി​ട്ടു​ണ്ടെ​ങ്കി​ലും ര​ക്ഷി​താ​ക്ക​ൾ​ക്ക് ഓ​ൺ​ലൈ​ൻ രീ​തി തു​ട​ര​ണം എ​ന്നു​ണ്ടെ​ങ്കി​ൽ അ​തി​നു​ള്ള അ​വ​സ​ര​വും വി​ദ്യാ​ഭ്യാ​സ മ​ന്ത്രാ​ല​യം ന​ൽ​കി​യി​ട്ടു​ണ്ട്. അ​ഞ്ചു ല​ക്ഷ​ത്തോ​ളം വി​ദ്യാ​ർ​ഥി​ക​ളാ​ണ് രാ​ജ്യ​ത്തെ സ​ർ​ക്കാ​ർ വി​ദ്യാ​ല​യ​ങ്ങ​ളി​ൽ പ​ഠി​ക്കു​ന്ന​ത്. സാ​മൂ​ഹി​ക അ​ക​ലം പാ​ലി​ക്കു​ന്ന​ത്​ ഉ​ൾ​പ്പെ​ടെ ആ​രോ​ഗ്യ മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ച്ചാ​ണ്​ ക്ര​മീ​ക​ര​ണം. രാ​ത്രി ക്ലാ​സ്​ സ​മ​യം സം​ബ​ന്ധി​ച്ചോ മ​റ്റു വി​ശ​ദാം​ശ​ങ്ങ​ളോ അ​ധി​കൃ​ത​ർ വ്യ​ക്ത​മാ​ക്കി​യി​ല്ല. ഇ​ക്കാ​ര്യ​ങ്ങ​ളി​ൽ ച​ർ​ച്ച ന​ട​ക്കു​ന്ന​തേ​യു​ള്ളൂ.