മനുഷ്യക്കടത്തിനെതിരെ ഫലപ്രദമായ നിയമനിർമാണം വേണം –പ്രധാനമന്ത്രി

കുവൈത്ത്​ സിറ്റി: മനുഷ്യക്കടത്ത്​ തടയാൻ കൂടുതൽ ഫലപ്രദമായ നിയമനിർ​മാണം വേണമെന്ന്​ കുവൈത്ത്​ പ്രധാനമന്ത്രി ശൈഖ്​ സബാഹ്​ ഖാലിദ്​ അൽ ഹമദ്​ അസ്സബാഹ്​ പറഞ്ഞു. തൊഴിൽ വിപണിയിലെ അപാകതകൾ പരിഹരിക്കാൻ സർക്കാർ ശ്രമം ആരംഭിച്ചിട്ടുണ്ട്​. സർക്കാറും പാർലമെൻറും തമ്മിലുള്ള സഹകരണം തുടരും.എളുപ്പത്തിൽ അധികാര കൈമാറ്റം സാധ്യമായത്​ കുവൈത്ത്​ ഭരണഘടനയുടെയും ഭരണ സംവിധാനത്തി​െൻറയും മികവ്​ തെളിയിക്കുന്നതാണ്​. സ്വതന്ത്രവും വിശ്വസനീയവുമായ പാർല​മെൻറ്​ തെരഞ്ഞെടുപ്പിന്​ ഒരുക്കം ആരംഭിച്ചിട്ടുണ്ട്​. നിലവിലെ സർക്കാറി​​ലെ 10​ മന്ത്രിമാർക്കെതിരെ കുറ്റവിചാരണ ഉണ്ടായി.

പൊതുതാൽപര്യത്തിനായി ഉപയോഗിക്കു​േമ്പാൾ കുറ്റവിചാരണ നല്ലതാണ്​. കോവിഡ്​ പ്രതിസന്ധി മറികടക്കാൻ ദേശീയ പദ്ധതി ഫലപ്രദമായി നടപ്പാക്കിവരുന്നു.ഒാൺലൈൻ വിദ്യാഭ്യാസം കുറച്ചുകാലം കൂടി തുടരേണ്ടിവരും. കോവിഡ്​ പ്രതിരോധത്തിനായി കഠിനാധ്വാനത്തിലുള്ള മുഴുവൻ ആളുകളെയും അഭിനന്ദിക്കുകയാണെന്ന്​ പ്രധാനമന്ത്രി പറഞ്ഞു.

പുതിയ അമീർ ശൈഖ്​ നവാഫ്​ അൽ അഹ്​മദ്​ അൽ ജാബിർ അസ്സബാഹിനും കിരീടാവകാശി ശൈഖ്​ മിശ്​അൽ അൽ അഹ്​മദ്​ അൽ ജാബിർ അസ്സബാഹിനും ആശംസ നേരുന്നു. അന്തരിച്ച അമീർ ശൈഖ്​ സബാഹ്​ അൽ അഹ്​മദ്​ അൽ ജാബിർ അസ്സബാഹിനായി പ്രാർഥിക്കുന്നു. കുവൈത്തി​െൻറ വിദേശ നയത്തിലും മറ്റു ബന്ധങ്ങളിലും ഒരുമാറ്റവും വരില്ല. ശൈഖ്​ സബാഹി​െൻറ കീഴിൽ പുലർത്തിയിരുന്ന നിഷ്​പക്ഷവും സമാധാന തൽപരവുമായ നയം തുടരും.