അ​ടു​ത്തു​കാ​ണാം, ഇ​നി രാ​ജ​കീ​യ വാ​ഹ​ന​ങ്ങ​ൾ

മ​സ്ക​ത്ത്: രാ​ജ​കീ​യ വാ​ഹ​ന​ങ്ങ​ളു​ടെ അ​പൂ​ര്‍വ ശേ​ഖ​ര​ങ്ങ​ള്‍ പൊ​തു​ജ​ന​ങ്ങ​ള്‍ക്ക് കാ​ണാ​ൻ വ​ഴി​യൊ​രു​ക്കി അ​ൽ ബ​റാ​ക്ക കൊ​ട്ടാ​ര​ത്തി​ൽ റോ​യ​ൽ കാ​ർ​സ് മ്യൂ​സി​യം തു​റ​ന്നു.

സ​യ്യി​ദ് ബി​ല്‍അ​റ​ബ് ബി​ന്‍ ഹൈ​തം അല്‍ സ​ഈ​ദി​ന്റെ കാ​ര്‍മി​ക​ത്വ​ത്തി​ലാ​യി​രു​ന്നു ഉ​ദ്ഘാ​ട​ന ച​ട​ങ്ങു​ക​ൾ. വി​ട​പ​റ​ഞ്ഞ സു​ല്‍ത്താ​ന്‍ ഖാ​ബൂ​സ് ബി​ന്‍ സ​ഈ​ദ്, സു​ല്‍ത്താ​ന്‍ സൈ​ദ് ബി​ന്‍ തൈ​മൂ​ര്‍, സ​യ്യി​ദ് താ​രി​ക് എ​ന്നി​വ​രു​ടെ സ്വ​കാ​ര്യ വാ​ഹ​ന​ങ്ങ​ളും ഇ​വി​ടെ കാ​ണാ​ൻ ക​ഴി​യും. വ​ര്‍ഷ​ങ്ങ​ളോ​ളം ഏ​റെ ശ്ര​ദ്ധാ​പൂ​ര്‍വം സം​ര​ക്ഷി​ച്ചു പോ​ന്ന​വ​യാ​ണ് ഇ​വ. ക്ലാ​സി​ക് കാ​റു​ക​ള്‍, അ​പൂ​ര്‍വ സ്‌​പോ​ര്‍ട്‌​സ് കാ​റു​ക​ള്‍ തു​ട​ങ്ങി​യ​വ​യു​ടെ ശേ​ഖ​രം ത​ന്നെ ഇ​വി​ടെ സ​ന്ദ​ർ​ശ​ക​ർ​ക്കാ​യി ഒ​രു​ക്കി​യി​ട്ടു​ണ്ട്.

130 വ​ർ​ഷം പ​ഴ​ക്ക​മു​ള്ള ക്ലാ​സി​ക്, അ​പൂ​ർ​വ വാ​ഹ​ന​ങ്ങ​ളു​ടെ​യും സ്‌​പോ​ർ​ട്‌​സ് കാ​റു​ക​ളു​ടെ​യും വി​ശാ​ല​മാ​യ ശേ​ഖ​രം മ്യൂ​സി​യ​ത്തി​ലു​ണ്ട്.

സു​ൽ​ത്താ​ന്റെ രാ​ജ​കീ​യ ഉ​ത്ത​ര​വി​ന്റെ അ​ടി​സ്ഥാ​ന​ത്തി​ലാ​ണ് സ്വ​കാ​ര്യ ശേ​ഖ​ര​മാ​യി​രു​ന്ന മ്യൂ​സി​യം സ​ന്ദ​ർ​ശി​ക്കാ​ൻ അ​വ​സ​ര​​മൊ​രു​ങ്ങു​ന്ന​ത്. വ​ര്‍ഷ​ങ്ങ​ളോ​ളം സം​ര​ക്ഷി​ച്ചു പോ​ന്ന​വ​യാ​ണ് ഇ​വ. സു​ല്‍ത്താ​ന്‍ സ​ഈ​ദ് ബി​ന്‍ തൈ​മൂ​റി​ന്റെ ര​ണ്ട് കാ​റു​ക​ളി​ല്‍ നി​ന്നാ​ണ് ശേ​ഖ​രം ആ​രം​ഭി​ക്കു​ന്ന​ത്. കാ​ല​ക്ര​മേ​ണ അ​പൂ​ര്‍വ​വും ആ​ധു​നി​ക​വു​മാ​യ കാ​റു​ക​ള്‍ കൂ​ടി എ​ത്തി​യ​തോ​ടെ ഈ ​ശേ​ഖ​രം വ​ള​ര്‍ന്നു. 2012ല്‍ ​ആ​ണ് ഒ​രു പ്ര​ത്യേ​ക കെ​ട്ടി​ടം രാ​ജ​കീ​യ കാ​റു​ക​ളു​ടെ സം​ര​ക്ഷ​ണ​ത്തി​നാ​യി സ്ഥാ​പി​ച്ച​ത്. ഇ​തു​വ​രെ മ്യൂ​സി​യ​ത്തി​ലെ സ​ന്ദ​ര്‍ശ​നം രാ​ജ​കീ​യ അ​തി​ഥി​ക​ള്‍ക്ക് മാ​ത്ര​മാ​ണ് അ​നു​വ​ദി​ച്ചി​രു​ന്ന​ത്. എ​ന്നാ​ല്‍, റോ​യ​ല്‍ കാ​ര്‍സ് മ്യൂ​സി​യ​ത്തി​ന്റെ ക​വാ​ടം പൊ​തു​ജ​ന​ങ്ങ​ള്‍ക്കാ​യി കൂ​ടി തു​റ​ന്നി​ടു​ക​യാ​ണി​പ്പോ​ള്‍.

മു​ൻ​കൂ​ട്ടി ബു​ക്ക് ചെ​യ്യ​ണം

മ​സ്ക​ത്ത്: റോ​യ​ൽ കാ​ർ​സ് മ്യൂ​സി​യം ആ​ഴ്ച​യി​ൽ ഞാ​യ​ർ, ചൊ​വ്വ, വ്യാ​ഴം ദി​വ​സ​ങ്ങ​ളി​ൽ സ​ന്ദ​ർ​ശ​ക​ർ​ക്കാ​യി തു​റ​ന്നി​രി​ക്കും. മ്യൂ​സി​യ​ത്തി​ന്‍റെ ഔ​ദ്യോ​ഗി​ക വെ​ബ്സൈ​റ്റാ​യ www.rcm.gov.om വ​ഴി എ​ൻ​ട്രി ടി​ക്ക​റ്റു​ക​ൾ മു​ൻ​കൂ​ട്ടി ബു​ക്ക് ചെ​യ്യ​ണം. സ​ന്ദ​ർ​ശ​ക​ർ മ്യൂ​സി​യ​ത്തി​ന്‍റെ നി​യ​ന്ത്ര​ണ​ങ്ങ​ളും ന​യ​ങ്ങ​ളും പാ​ലി​ക്ക​ണം. (മ്യൂ​സി​യ​ത്തി​ന്‍റ വെ​ബ്‌​സൈ​റ്റി​ൽ ല​ഭ്യ​മാ​ണ്). കൂ​ടാ​തെ സ​ന്ദ​ർ​ശ​ക​ർ സ​ന്ദ​ർ​ശ​ന സ​മ​യ​ത്തി​ന് 30 മി​നി​റ്റ് മു​മ്പ് എ​ത്തി​ച്ചേ​രേ​ണ്ട​താ​ണെ​ന്നും അ​ധി​കൃ​ത​ർ അ​റി​യി​ച്ചു.