മ​ത്സ്യ​ത്തൊ​ഴി​ലാ​ളി​ക​ളെ കോ​ൺ​സു​ലേ​റ്റ് ജ​ന​റ​ലി​ന് കൈ​മാ​റി

മ​സ്ക​ത്ത്​: പാ​കി​സ്താ​ൻ ക​ട​ൽ​തീ​ര​ത്തു​നി​ന്ന്​ ക​ണ്ടെ​ത്തി​യ ഒ​മാ​നി മ​ത്സ്യ​ത്തൊ​ഴി​ലാ​ളി​ക​ളെ പാ​കി​സ്താ​നി​ലെ ഒ​മാ​ൻ കോ​ൺ​സു​ലേ​റ്റ് ജ​ന​റ​ലി​ന്​ കൈ​മാ​റി. സ​ലീം അ​ൽ ജ​ഫാ​രി, അ​ലി അ​ൽ ജാ​ഫ​രി എ​ന്നി​വ​രെ ​പാ​കി​സ്താ​ൻ മാ​രി​ടൈം സെ​ക്യൂ​രി​റ്റി ഏ​ജ​ൻ​സി​യി​ൽ​നി​ന്ന് സ്വീ​ക​രി​ച്ചു​വെ​ന്നും അ​വ​ർ ന​ൽ​കി​യ സ​ഹ​ക​ര​ണ​ത്തി​നും ന​ന്ദി അ​റി​യി​ക്കു​ന്നു​വെ​ന്നും ഒ​മാ​ൻ കോ​ൺ​സു​ലേ​റ്റ് പ്ര​സ്താ​വ​ന​യി​ൽ പ​റ​ഞ്ഞു.

പാ​കി​സ്താ​ൻ മാ​രി​ടൈം സെ​ക്യൂ​രി​റ്റി ഏ​ജ​ൻ​സി​യി​ലെ ഡോ​ക്ട​റു​ടെ സ​ഹാ​യ​ത്തോ​ടെ വൈ​ദ്യ​പ​രി​ശോ​ധ​ന ന​ട​ത്തി. ഇ​രു​വ​രും ആ​രോ​ഗ്യ​വാ​ൻ​മാ​രാ​ണെ​ന്ന്​ അ​ധി​കൃ​ത​ർ അ​റി​യി​ച്ചു. ന​ട​പ​ടി​ക്ര​മം പൂ​ർ​ത്തി​യാ​ക്കി വ​രും ദി​വ​സം ഇ​വ​ർ ഒ​മാ​നി​ൽ എ​ത്തും. മ​ത്സ്യ​ബ​ന്ധ​ന​ത്തി​ന് ​പോ​യ ഇ​രു​വ​രെ​യെും ജൂ​ൺ ഒ​മ്പ​തി​നാ​ണ്​ തെ​ക്ക​ൻ ശ​ർ​ഖി​യ ഗ​വ​ർ​ണ​റേ​റ്റി​ലെ അ​ൽ-​അ​ഷ്ഖ​റ​തീ​ര​ത്ത്​ നി​ന്ന്​ കാ​ണാ​താ​യ​ത്. റോ​യ​ൽ ഒ​മാ​ൻ പൊ​ലീ​സ്​ വി​വി​ധ വി​ഭാ​ഗ​ങ്ങ​ളു​ടെ സ​ഹ​ക​ര​ണ​ത്തോ​ടെ ഊ​ർ​ജി​ത​മാ​യ തി​ര​ച്ചി​ൽ ന​ട​ത്തു​ന്ന​തി​നി​ടെ ശ​നി​യാ​ഴ്ച​യാ​ണ്​ ഇ​രു​വ​രേ​യും പാ​കി​സ്താ​ൻ തീ​ര​ത്തു​നി​ന്ന്​ ക​ണ്ടെ​ത്തി​യ​ത്.