മാൾ ഓഫ്​ ഒമാൻ ഇന്ന്​ തുറക്കും

മസ്​കത്ത്​: മാൾ ഓഫ്​ ഒമാൻ ഇന്ന്​ തുറക്കും. ഒമാനിലെ ഏറ്റവും വലിയ ഷോപ്പിങ്​ മാളുകളിലൊന്നായ മാൾ ഓഫ്​ ഒമാൻ ബോഷറിലാണ്​ സ്​ഥിതി ചെയ്യുന്നത്​. യു.എ.ഇ കേന്ദ്രമായുള്ള മാജിദ്​ അൽ ഫുതൈം ഗ്രൂപ്പാണ്​ മാളി‍െൻറ ഉടമകൾ.

ലോക പ്രശസ്​ത ബ്രാൻഡുകൾ ഒരു കുടക്കീഴിൽ ഒരുക്കുന്ന മാൾ ഒന്നര ലക്ഷം സ്​ക്വയർ മീറ്റർ സ്​ഥലത്താണ്​ നിർമിച്ചിരിക്കുന്നത്​. ഇപ്പോൾ കുറച്ച്​ സ്​റ്റോറുകൾ മാത്രമാണ്​ പ്രവർത്തനമാരംഭിച്ചത്​. പൂർണ ശേഷിയിലെത്തു​േമ്പാൾ 350ലേറെ സ്​റ്റോറുകളുണ്ടാകും. ഇതോടൊപ്പം നിരവധി വിനോദ സൗകര്യങ്ങളുമുണ്ടാകും. 12,000 സ്​ക്വയർ മീറ്റർ വിസ്​തൃതിയിലുള്ള ക്യാരി ഫോർ ഹൈപ്പർമാർക്കറ്റ്​ മറ്റൊരു ആകർഷണമായിരിക്കും. ആൽഡോ, ചാൾസ്​ ആൻഡ്​​ കെയ്​ത്ത്​, ഡ്യൂഡ്​ ലണ്ടൻ, ബിർക്കെൻ സ്​റ്റോക്ക്​, ഡോളർ പ്ലസ്​ തുടങ്ങിയ ബ്രാൻറുകൾ ഇവിടെയുണ്ടാകും. ഉദ്​ഘാടന ഭാഗമായി ഒക്​ടോബർ 30 വരെ മാളിൽ ദിനോസർ പ്രദർശനം ഉണ്ടാകും. 14 സ്​ക്രീനുകളുള്ള മൾട്ടിപ്ലക്​സ്​, ഇൻഡോർ സ്​നോ പാർക്ക്​ തുടങ്ങിയവയും ഇവിടത്തെ ആകർഷണമായിരിക്കും.

മസ്​കത്ത്​ എക്​സ്​പ്രസ്​വേയിലെ ആറാം നമ്പർ ഇൻറർചേഞ്ചിൽ നിന്നാണ്​ മാളിലേക്കുള്ള റോഡ്​. നാല്​ പുതിയ പാലങ്ങളും ഒരു അണ്ടർ പാസും പുതുതായി നിർമിച്ചിട്ടുണ്ട്​. 5200 പാർക്കിങ്​ കേന്ദ്രങ്ങളും ഇവിടെയുണ്ട്​.