അധ്യാപനം എന്ന കല

അക്ഷരത്തുള്ളികൾ നുകർന്നെടുത്ത ഗുരുമുഖത്തോടുള്ള ആരാധനയോ അധ്യാപനം എന്ന ജോലിയോടുള്ള മുഹബത്തോ അതോ ജീവിതം കരുപ്പിടിപ്പിക്കാനുള്ള ഒരു തൊഴിലാണോ... ഇതിനെല്ലാം ഒരുത്തരമേ ഉള്ളൂ അതെ, ഇവയെല്ലാം കൂടിച്ചേർന്നതാണിന്നെ​െൻറ അധ്യാപികാപദവി. ഞാനെ​െൻറ ഹൃദയത്തിൽ ഗുരുനാഥൻ മാർക്ക്​ കൊടുത്ത ആദരവാകാം കാലം എന്നിൽ ഒരധ്യാപിക എന്ന പൊൻതൂവൽ ചാർത്തിത്തന്നത്. ആ ബഹുമതിയെ ഇന്നീ അധ്യാപകദിനത്തിൽ ഞാനെ​െൻറ ഗുരുക്കന്മാർക്ക് കാണിക്കയായി സമർപ്പിക്കുന്നു.

ജി.എസ്​.ടി.എസ്​ മുള്ളമ്പത്ത് എന്ന മുദ്രാവാക്യവും കായികത്തിൽ തരക്കേടില്ലാത്ത ഒരുതാരമായി സോപ്പുപെട്ടിയും ചീപ്പും സ്​റ്റീൽഗ്ലാസും സബ്ജില്ല മത്സരത്തിൽ സമ്മാനമായി മേടിച്ച് സ്കൂൾ അസംബ്ലിയിൽ ഗമയോടെ നിന്നതുമാണ് ബാലതരത്തിലെ ഏറ്റവും രുചിയുള്ള ഓർമകൾ.സ്വൽപംഇരുണ്ട നിറത്തിൽ ആജാനുബാഹുവായ മോഹൻ മാസ്​റ്റർ കുട്ടികളുടെ ഒരു പേടിസ്വപ്നമായിരുന്നു. നാലുവർഷം അവിടെ പഠിച്ചിട്ടും ഒരിക്കൽപോലും പേടിപ്പെടുത്തുന്ന ഒരനുഭവവും ഓർമയിൽ ഇല്ല. എങ്കിലും അദ്ദേഹത്തി​െൻറ പേരുമാത്രം മതിയായിരുന്നു ആ സ്കൂൾ മുഴുവൻ നിശ്ശബ്​ദമാകാൻ. രൂപി ടീച്ചറും തങ്കമ്മ ടീച്ചറും കൈതക്കൽ അമ്മത്​ മാസ്​റ്ററുമൊക്കെ ഓർമയിൽ ഒളിഞ്ഞും തെളിഞ്ഞും നിൽക്കു​േമ്പാൾ തഴുകിയും തലോടിയും അധ്യാപനത്തിൽ മായാജാലം തീർത്ത ഷൈനി ടീച്ചറും സുഗത ടീച്ചറും എന്നിൽ തീർത്തത് അധ്യാപനത്തി​െൻറ 'നിത്യഹരിത'വസന്തമാണ്.

അപ്പർ പ്രൈമറിയിലേക്ക് മാറുമ്പോൾ ഒരു ഐ.എ.എസ്​ കിട്ടിയതി​െൻറ പവറായിരുന്നു. പുതിയ അന്തരീക്ഷം വരവേറ്റത് 'ചന്തുമാഷ്' എന്ന പേടിസ്വപ്നമായിരുന്നു. ഇന്നത്തെ റാഗിങ്​ ശാരീരികമാണെങ്കിൽ അന്നത്തേത് മാനസിക പീഠനമായിരുന്നു. സ്കൂളിനേയും അവിടത്തെ അധ്യാപകരെയും കുറിച്ച് മനസ്സിൽ ഒരുതരം ഭീതിപരത്തൽ. ഉപ്പയുടെ പരിചയക്കാരനാണീ ചന്തു മാഷെന്ന് നേരിൽകണ്ട്​ മനസ്സിലായതോടെ മാഷിനെ കാണുമ്പോൾ ഉപ്പയേ കാണുന്നതുപോലെ പ്രത്യേക സുരക്ഷിതത്വമായിരുന്നു.

അധ്യാപകർ എനിക്കെന്നുമൊരു മഹാത്ഭുതമായിരുന്നു. ജ്ഞാനങ്ങൾ ഒന്നിനുപിറകേ ഒന്നായി പുറത്തേക്കുവരുമ്പോൾ അവരാണ് ലോകത്തിലെ ഏറ്റവുംകഴിവുള്ള അവതാരങ്ങളെന്നുതോന്നി. വ്യത്യസ്​തമായ ഒരുതരം സിദ്ധി. അവരേക്കാൾ വലിയ മാസ്​മരിക സിദ്ധി ആർക്കുമുണ്ടെന്ന്​ തോന്നിയി​േട്ടയില്ല.

അഞ്ചു മുതൽ ഏഴുവരെ പരിമിതികളില്ലാത്ത സ്വാതന്ത്ര്യമായിരുന്നു. ശ്വാസിച്ചും തലോടിയും ജീവിതനൗക നേർവഴിയിലേക്ക് തിരിച്ച മൂസ ഉസ്താദും നിശ്ശബ്​ദതയും വിനയവും കൊണ്ട് മുപ്പതോളം വർഷം നാടി​െൻറ നെടുംതൂണായിരുന്ന ഖാദി ഹൈദർ ഉസ്താദും സ്കൂളിലെ ഓരോ കുട്ടികളെയും അകക്കണ്ണുകൊണ്ട് പിന്തുടർന്ന്​ വഴികാട്ടിയായിരുന്ന ഗോപി മാഷി​െൻറയും പിന്തുണ ജീവിതത്തിൽ എത്രമാത്രം സ്വാധീനംചെലുത്തിയെന്നത് ഓർത്തെടുക്കു​േമ്പാൾ കണ്ണുകൾ ഈറനണിയാത്ത നിമിഷങ്ങളില്ല.

ഹൃദയത്തിലെ മുഴുവൻ നന്മയും മുഖത്തെഴുതിവെച്ച മറ്റൊരധ്യാപകനായിരുന്നു സ്കൂളിലെ പ്രധാനാധ്യാപകനും പത്താം ക്ലാസിലെ ഇംഗ്ലീഷ് അധ്യാപകനുമായ കണ്ണൻ മാഷ്. ഒരു സ്കൂളി​െൻറ ഏറ്റവും മുതിർന്ന ആളായിട്ടും ഏറ്റവും ലാളിത്യത്തോടെ കുട്ടികളോട് ഇടപഴകാൻ അദ്ദേഹത്തിന്​ കഴിഞ്ഞിരുന്നു. പത്തിരുപത്തഞ്ചാണ്ടുകൾക്ക്​ മുന്നേ കടന്നുപോയ ആ വർഷങ്ങളിലെ ഓരോ ദിനങ്ങളും ഇന്നും ഒരു കുളിർമഴയായി ഹൃദയത്തിൽ പെയ്തിറങ്ങുന്നുവെങ്കിൽ തീർച്ചയായും അവരൊക്കെയും ഞങ്ങളുടെ ജീവിതത്തിൽ ചെലുത്തിയ സ്വാധീനം വിലമതിക്കാനാവാത്തത് ആയിരിക്കുമല്ലോ.

ഇഷ്​ടപ്പെട്ടുചെയ്താൽ കഷ്​ടപ്പെടേണ്ടിവരില്ല എന്നതുതന്നെയാണ് ഏതൊരു തൊഴിലിനെയും അർഥവത്താക്കുന്നത്. അധ്യാപനം ആസ്വദിച്ചുചെയ്യുന്നവർക്ക് അനുഭവിക്കാൻ കഴിയുന്ന മനോഹാരിത മറ്റേതൊരു കലപോലെയും അവർണനീയമാണ്.

നമ്മളിലൂടെ അവർ അക്ഷരങ്ങളുടെ ലോകത്ത് പിച്ചവെച്ച്​ നടന്നുകയറുന്നത് ഒരു ആത്മനിർവൃതിതന്നെയാണ്. ഒപ്പം അവരോട് ഹൃദയബന്ധം കൂടെ സ്ഥാപിക്കാൻ കഴിഞ്ഞെങ്കിൽ അക്ഷരത്തെറ്റില്ലാതെ അവരെ ഒരധ്യാപകനെന്ന് വിളിക്കാം. ആ ആത്മബന്ധത്തിന്​ ഒരായുസ്സി​െൻറ ബലവും കാണും.

വിദ്യാഭ്യാസം കച്ചവടവത്​കരിക്കപ്പെട്ടപ്പോൾ മൂല്യങ്ങളും നാമറിഞ്ഞോ അറിയാതെയോ ചോർന്നുപോകുന്നുമുണ്ടെന്ന്​ പറയാതെ വയ്യ. അഞ്ചുവർഷം നാട്ടിലും ഒമാനിലുമായി സ്വകാര്യ സ്കൂളികളിലും ആറു വർഷത്തോളം സർക്കാർ സ്കൂളുകളിലുമുള്ള (ഒമാൻ) അനുഭവസമ്പത്തിൽ ഞാൻ കണ്ട ഏറ്റവും വേദനാജനകമായ കാര്യമാണത്. പണം മുടക്കുന്നവ​െൻറ അച്ചടക്കരാഹിത്യം കണ്ണടച്ച് കണ്ടില്ലെന്നുനടിക്കുമ്പോൾ വിദ്യാഭ്യാസം വെറും അഭ്യാസമായി മാറുകയാണ്​. പണം മുടക്കി തെറ്റിനെ ന്യായീകരിക്കാം എന്ന ബാലപാഠമാണ്​ കുഞ്ഞിന്​ നൽകുന്നതെന്ന്​ രക്ഷിതാവ്​ അറിഞ്ഞിരിക്കണം. ദിവസവും ഫാസ്​റ്റ്​ ഫുഡ് കൊണ്ടുവരുന്ന കുട്ടിയോട് ഇത് അനാരോഗ്യകരമാണ് എന്നു പറഞ്ഞുവിട്ടപ്പോൾ ...ദാറ്റ്​സ്​ നൺ ഓഫ്​ യുവർ ബിസിനസ്​ എന്നു മറുപടി കൊടുത്തുവിട്ട മാതാപിതാക്കൾ തന്നെയാണ് ഇന്നത്തെ തലമുറയെ അഹങ്കാരിയാക്കി തീർക്കുന്നത്. മാതാപിതാക്കൾ മറ്റുള്ളവർക്ക് കൊടുക്കുന്ന മൂല്യമാണ് നാളെ മക്കൾ സമൂഹത്തിന്​ നൽകുന്നതെന്ന ബോധ്യം ഓരോ രക്ഷിതാവിനും ഉണ്ടായിരിക്കണം. 'മാതാപിതാഗുരുദൈവം' എന്ന നമ്മുടെ സംസ്കാരം ലിപികളിൽ മാത്രം ഒതുങ്ങാതിരിക്കെട്ട. എല്ലാ ഗുരുക്കന്മാർക്കും അധ്യാപക ദിനാശംസകൾ.