വി​ദേ​ശി​ക​ൾ​ക്ക് സീ​ബ്​ വി​ലാ​യ​ത്തി​ൽ വാ​ക്​​സി​നേ​ഷ​ൻ

മ​സ്​​ക​ത്ത്​: മ​സ്​​ക​ത്ത്​ ഗ​വ​ർ​ണ​റേ​റ്റി​ൽ സ്വ​ദേ​ശി​ക​ൾ​ക്കും വി​ദേ​ശി​ക​ൾ​ക്കും വാ​ക്​​സി​ൻ ന​ൽ​കും. വി​ദേ​ശി​ക​ൾ​ക്ക്​ സീ​ബ്​ വി​ലാ​യ​ത്തി​ലെ മെ​ഡി​ക്ക​ൽ ഫി​റ്റ്ന​സ് കേ​ന്ദ്ര​ത്തി​ൽ​നി​ന്ന്​ അ​ടു​ത്ത വ്യാ​ഴാ​ഴ്​​ച​വ​രെ വാ​ക്​​സി​നെ​ടു​ക്കാ​മെ​ന്ന്​ ഡ​യ​റ​ക്‌​ട​റേ​റ്റ് ജ​ന​റ​ൽ ഓ​ഫ് ഹെ​ൽ​ത്ത് സ​ർ​വി​സ​സ് അ​റി​യി​ച്ചു. മു​ൻ​കൂ​ട്ടി ബു​ക്ക്​ ചെ​യ്യു​ന്ന​വ​ർ​ക്കാ​ണ്​ കു​ത്തി​വെ​പ്പ്​ എ​ടു​ക്കാ​നാ​വു​ക. ത​റാ​സൂ​ദ്​ ആ​പ്​ വ​ഴി​യോ moh.gov. om.covid19 എ​ന്ന സൈ​റ്റ്​ വ​ഴി​യോ ര​ജി​സ്​​റ്റ​ർ ചെ​യ്യാ​വു​ന്ന​താ​ണ്. റ​സി​ഡ​ൻ​സ്​ കാ​ർ​ഡ്​ ഹാ​ജ​രാ​ക്ക​ണം. വി​വി​ധ ഗ​വ​ർ​ണ​റേ​റ്റു​ക​ളി​ൽ സ്വ​ദേ​ശി​ക​ൾ​ക്കും വി​ദേ​ശി​ക​ൾ​ക്കും വാ​ക്​​സി​നേ​ഷ​ൻ ക്യാ​മ്പു​ക​ൾ ഊ​ർ​ജി​ത​മാ​യി ന​ട​ക്കു​ക​യാ​ണ്​.

വി​ദേ​ശി​ക​ൾ​ക്ക​ട​ക്കം സൗ​ജ​ന്യ​മാ​യാ​ണ്​ കു​ത്തി​വെ​പ്പ്​ ന​ൽ​കു​ന്ന​ത്. വാ​ക്​​സി​നെ​ടു​ക്കാ​ത്ത വി​ദേ​ശി​ക​ളെ ല​ക്ഷ്യ​മാ​ക്കി പ്ര​ത്യേ​ക മൊ​ബൈ​ൽ ക്യാ​മ്പു​ക​ളും മ​റ്റും ആ​രോ​ഗ്യ​വ​കു​പ്പി​െൻറ നേ​തൃ​ത്വ​ത്തി​ൽ ന​ട​ത്തു​ന്നു​ണ്ട്. ഇ​ത്​ മ​ല​യാ​ളി​ക​ള​ട​ക്ക​മു​ള്ള പ്ര​വാ​സി​ക​ൾ​ക്ക്​ ആ​ശ്വാ​സ​മാ​ണ്. തെ​ക്ക​ൻ ബാ​ത്തി​ന ​ഗ​വ​ർ​​ണ​റേ​റ്റി​ൽ വി​ദേ​ശി​ക​ൾ​ക്കാ​യി ഞാ​യ​റാ​ഴ്​​ച ന​ട​ന്ന ക്യാ​മ്പി​ൽ നി​ര​വ​ധി​പേ​ർ കു​ത്തി​വെ​പ്പെ​ടു​ത്തു. ബ​ർ​ക്ക, റു​സ്​​താ​ഖ്​ വി​ലാ​യ​ത്തു​ക​ളി​ലെ മെ​ഡി​ക്ക​ൽ ഫി​റ്റ്​​ന​സ്​ കേ​ന്ദ്ര​ങ്ങ​ളി​ലൂ​ടെ​യാ​യി​രു​ന്നു​ വാ​ക്​​സി​ൻ ന​ൽ​കി​യി​രു​ന്ന​ത്.

ഉ​ച്ച​ക്ക്​ ര​ണ്ട്​ മു​ത​ൽ രാ​ത്രി എ​ട്ടു​വ​രെ​യാ​യ​തി​നാ​ൽ തൊ​ഴി​ലാ​ളി​ക​ളാ​യ പ​ല​ർ​ക്കും ക്യാ​മ്പ്​ പ്ര​യോ​ജ​ന​പ്പെ​ടു​ത്താ​നാ​യി.