ഡിസംബറിൽ 27,000ത്തി​ലേ​റെ വ​ർ​ക് പെ​ർ​മി​റ്റ് അ​പേ​ക്ഷ​ക​ൾ

ദോ​ഹ: ഡി​സം​ബ​ർ മാ​സ​ത്തി​ൽ 27,020 തൊ​ഴി​ൽ പെ​ർ​മി​റ്റു​ക​ൾ സം​ബ​ന്ധി​ച്ച അ​പേ​ക്ഷ​ക​ൾ സ്വീ​ക​രി​ച്ച​താ​യി ഖ​ത്ത​ർ തൊ​ഴി​ൽ മ​ന്ത്രാ​ല​യം അ​റി​യി​ച്ചു. പു​തു​വ​ർ​ഷം പി​റ​ന്ന​തി​നു പി​ന്നാ​ലെ പ്ര​സി​ദ്ധീ​ക​രി​ച്ച പ്ര​തി​മാ​സ ബു​ള്ള​റ്റി​നി​ലാ​ണ് ഇ​തു​സം​ബ​ന്ധി​ച്ച് വി​ശ​ദീ​ക​രി​ച്ച​ത്. അ​പേ​ക്ഷ​ക​ളി​ൽ 3707 എ​ണ്ണം പു​തി​യ ​തൊ​ഴി​ൽ റി​ക്രൂ​ട്ട്മെ​ന്റ് സം​ബ​ന്ധി​ച്ച അ​പേ​ക്ഷ​ക​ളാ​ണ്. 19,102 എ​ണ്ണം സാ​ധാ​ര​ണ വ​ർ​ക് പെ​ർ​മി​റ്റു​ക​ളു​മാ​ണ്. ഫാ​മി​ലി സ്​​പോ​ൺ​സ​ർ​ഷി​പ്പും ഗ​ൾ​ഫ് പൗ​ര​ന്മാ​ർ, ​വ​സ്തു സം​ബ​ന്ധം എ​ന്നി​വ​യു​മാ​യി ബ​ന്ധ​പ്പെ​ട്ട് 975 സ്വ​കാ​ര്യ വ​ർ​ക് പെ​ർ​മി​റ്റി​നും അ​പേ​ക്ഷ​ക​ൾ ല​ഭി​ച്ചു. തൊ​ഴി​ൽ മാ​റ്റം സം​ബ​ന്ധി​ച്ച് ക​ഴി​ഞ്ഞ മാ​സം 3236 അ​പേ​ക്ഷ​ക​ളും ല​ഭി​ച്ച​താ​യി അ​ധി​കൃ​ത​ർ വി​ശ​ദീ​ക​രി​ക്കു​ന്നു.

തൊ​ഴി​ൽ നി​യ​മം അ​നു​ശാ​സി​ക്കു​ന്ന നി​ബ​ന്ധ​ന​ക​ൾ പാ​ലി​ക്കു​​ന്നു​ണ്ടോ എ​ന്നു ഉ​റ​പ്പു​വ​രു​ത്തു​ന്ന​തി​ന്റെ ഭാ​ഗ​മാ​യി റി​ക്രൂ​ട്ട്മെ​ന്റ് ഏ​ജ​ൻ​സി​ക​ളി​ൽ പ​രി​ശോ​ധ​ന​ക​ളും സ​ജീ​വ​മാ​യി. മ​ന്ത്രാ​ല​യ​ത്തി​ലെ ഉ​ദ്യോ​ഗ​സ്ഥ സം​ഘം 67 ഏ​ജ​ൻ​സി​ക​ളി​ലാ​ണ് പ​രി​ശോ​ധ​ന ന​ട​ത്തി​യ​ത്. ഒ​രി​ട​ത്ത് ന​ട​പ​ടി സ്വീ​ക​രി​ച്ചു. രാ​ജ്യ​ത്തി​ന്റെ വി​വി​ധ മേ​ഖ​ല​ക​ളി​ലാ​യി ഒ​രു മാ​സ​ത്തി​നി​ടെ 5064 തൊ​ഴി​ൽ പ​രി​ശോ​ധ​ന​ക​ൾ ന​ട​ത്തി. 608 ക​മ്പ​നി​ക​ളി​ൽ തി​രു​ത്ത​ലി​ന് ആ​വ​ശ്യ​പ്പെ​ടു​ക​യും, 765 കേ​സു​ക​ളി​ൽ ന​ട​പ​ടി ആ​വ​ശ്യ​പ്പെ​ടു​ക​യും ചെ​യ്തു.