പ്രീ​ക്വാ​ർ​ട്ട​ർ ഉ​റ​പ്പി​ക്കാ​ൻ ഖ​ത്ത​ർ, ര​ണ്ടാം അ​ങ്ക​ത്തി​ൽ ഇ​ന്ന് ത​ജി​കി​സ്താ​നെ​തി​രെ

ദോ​ഹ: ഉ​ദ്ഘാ​ട​ന മ​ത്സ​ര​ത്തി​ൽ ഗാ​ല​റി നി​റ​ഞ്ഞ നാ​ട്ടു​കാ​ർ​ക്കു മു​ന്നി​ൽ ല​ബ​നാ​നെ​തി​രെ ത​ക​ർ​പ്പ​ൻ ജ​യം നേ​ടി​യ​തി​ന്റെ ആ​ത്മ​വി​ശ്വാ​സ​വു​മാ​യി ആ​തി​ഥേ​യ​രാ​യ ഖ​ത്ത​ർ ഇ​ന്ന് ര​ണ്ടാം അ​ങ്ക​ത്തി​നി​റ​ങ്ങു​ന്നു. ഏ​ഷ്യ​ൻ ക​പ്പ് ഗ്രൂ​പ് ‘എ’​യി​ൽ ത​ജി​കി​സ്താ​നാ​ണ് ഖ​ത്ത​റി​ന്റെ എ​തി​രാ​ളി. 60,000ത്തി​ലേ​റെ കാ​ണി​ക​ൾ​ക്ക് ഇ​രി​പ്പി​ട ശേ​ഷി​യു​ള്ള അ​ൽ ബെ​യ്ത് സ്റ്റേ​ഡി​യ​മാ​ണ് ര​ണ്ടാം അ​ങ്ക​ത്തി​ന് സാ​ക്ഷി​യാ​കു​ന്ന​ത്. വൈ​കു​ന്നേ​രം 5.30നാ​ണ് മ​ത്സ​രം. ആ​ദ്യ മ​ത്സ​ര​ത്തി​ൽ ല​ബ​നാ​നെ 3-0ത്തി​ന് തോ​ൽ​പി​ച്ച് ചാ​മ്പ്യ​ന്മാ​ർ​ക്കൊ​ത്ത പ​കി​ട്ടു​മാ​യി തു​ട​ങ്ങി​യ ഖ​ത്ത​റി​ന് ഒ​രു ജ​യം കൂ​ടി​യാ​യാ​ൽ പ്രീ​ക്വാ​ർ​ട്ട​ർ ഉ​റ​പ്പി​ക്കാം. അ​തേ​സ​മ​യം, ആ​ദ്യ​മ​ത്സ​ര​ത്തി​ൽ ക​രു​ത്ത​രാ​യ ചൈ​ന​യെ ഗോ​ൾ ര​ഹി​ത സ​മ​നി​ല​യി​ൽ ത​ള​ച്ച​വ​രാ​ണ് ത​ജി​കി​സ്താ​ൻ. ഗ്രൂ​പ്പി​ൽ ഖ​ത്ത​റി​നു പി​ന്നി​ൽ ര​ണ്ടാം സ്ഥാ​ന​ക്കാ​രാ​യ ചൈ​ന​യു​ടെ ആ​ക്ര​മ​ണ ഫു​ട്ബാ​ളി​ന് അ​തേ നാ​ണ​യ​ത്തി​ൽ മ​റു​പ​ടി ന​ൽ​കി​യാ​യി​രു​ന്നു ത​ജി​ക്കു​കാ​ർ സ്കോ​ർ ബോ​ർ​ഡ് നി​ശ്ച​ല​മാ​ക്കി​യ​ത്.

ലു​സൈ​ലി​ൽ അ​ക്രം അ​ഫി​ഫി​ന്റെ ഇ​ര​ട്ട ഗോ​ളും അ​ൽ മു​ഈ​സ് അ​ലി​യു​ടെ ഗോ​ളു​മാ​യി​രു​ന്നു ഖ​ത്ത​റി​ന് വി​ജ​യ​മൊ​രു​ക്കി​യ​ത്. ല​ബ​നാ​ന് ഒ​രി​ക്ക​ൽ​പോ​ലും ക​ളി​യി​ൽ​ മേ​ധാ​വി​ത്വം സ്ഥാ​പി​ക്കാ​നും അ​നു​വ​ദി​ച്ചി​ല്ല. ആ​ദ്യ ക​ളി​യി​ലെ അ​തേ മി​ക​വോ​ടെ ര​ണ്ടാം അ​ങ്ക​ത്തി​നാ​യി ടീം ​സ​ജ്ജ​മാ​യ​താ​യി കോ​ച്ച് മാ​ർ​ക്വി​സ് ലോ​പ​സ് പ്രീ​മാ​ച്ച് വാ​ർ​ത്താ സ​മ്മേ​ള​ന​ത്തി​ൽ പ​റ​ഞ്ഞു.

ത​ജി​കി​സ്താ​നെ​തി​രാ​യ മ​ത്സ​രം എ​ളു​പ്പ​മാ​വി​ല്ലെ​ന്ന​റി​യാം. അ​വ​ർ ചൈ​ന​ക്കെ​തി​രെ ന​ന്നാ​യി ക​ളി​ച്ചു. എ​ന്നാ​ൽ, എ​തി​രാ​ളി​യു​ടെ വ​ലു​പ്പ​മ​റി​ഞ്ഞു​ത​ന്നെ ടീം ​സ​ജ്ജ​മാ​യി ക​ഴി​ഞ്ഞു -ഖ​ത്ത​ർ ഗോ​ൾ​കീ​പ്പ​ർ മി​ഷാ​ൽ ബ​ർ​ഷിം പ​റ​ഞ്ഞു. പ്ര​തി​രോ​ധ ലൈ​നി​ലും ആ​ക്ര​മ​ണ​ത്തി​ലും മി​ക​ച്ച നി​ര​യാ​ണ് ത​ജി​കി​സ്താ​നെ​ന്നും അ​ദ്ദേ​ഹം പ​റ​ഞ്ഞു. അ​തേ​സ​മ​യം, ആ​ദ്യ മ​ത്സ​ര​ത്തി​ൽ സ​മ​നി​ല​യോ​ടെ ഒ​രു പോ​യ​ന്റ് പി​ടി​ച്ച ത​ജി​കി​സ്താ​ന് സ​മ്മ​ർ​ദ​ങ്ങ​ളി​ല്ലാ​തെ ക​ളി​ക്കു​ക​യാ​ണ് ല​ക്ഷ്യ​മെ​ന്ന് കോ​ച്ച് പീ​റ്റ​ർ സെ​ഗാ​ർ​ട് പ​റ​ഞ്ഞു.