ഹാ​ർ​മോ​ണി​യ​സ്​ കേ​ര​ള: അ​ഖി​ലം മ​ധു​രം നി​ഖി​ല വി​മ​ൽ

ദ​മ്മാം: സ്വാ​ഭാ​വി​ക അ​ഭി​ന​യ​ത്തി​ക​വും ശാ​ലീ​ന​ത​യും സാ​മൂ​ഹി​ക വി​ഷ​യ​ങ്ങ​ളി​ല​ട​ക്കം സ്വ​ത​ന്ത്ര​മാ​യ നി​ല​പാ​ടു​ക​ളും കൊ​ണ്ട്​ മ​ല​യാ​ളി​ക​ൾ നെ​ഞ്ചേ​റ്റി​യ ച​ല​ച്ചി​ത്ര​ന​ടി നി​ഖി​ല വി​മ​ലി​നെ വ​ര​വേ​ൽ​ക്കാ​ൻ ദ​മ്മാ​മി​ലെ മ​ല​യാ​ളി സ​മൂ​ഹം ആ​കാം​ക്ഷ​യോ​ടെ കാ​ത്തി​രി​ക്കു​ന്നു.

ന​വം​ബ​ർ 29ന്​ ​വൈ​കീ​ട്ട് ‘ഗ​ൾ​ഫ് മാ​ധ്യ​മം’ ദ​മ്മാം ലൈ​ഫ് പാ​ർ​ക്കി​ലെ ആം​ഫി തി​യ​റ്റ​റി​ൽ ഒ​രു​ക്കു​ന്ന ഒ​രു​മ​യു​ടെ മ​ഹോ​ത്സ​വം ‘ഹാ​ർ​മോ​ണി​യ​സ് കേ​ര​ള​യു​ടെ’ മു​ഖ്യ ആ​ക​ർ​ഷ​ണ​മാ​യാ​ണ് യ​ങ്​ സൂ​പ്പ​ർ സ്റ്റാ​ർ ആ​സി​ഫ് അ​ലി​ക്കൊ​പ്പം മ​ല​യാ​ള സി​നി​മ​യി​ലെ ഈ ‘​ഭാ​ഗ്യ​ദേ​വ​ത’​യും എ​ത്തു​ന്ന​ത്.

ക​ഥ​ക​ളി​യോ​ടു​ള്ള അ​ഭി​നി​വേ​ശ​വും ക​ഥാ​പാ​ത്ര​ങ്ങ​ൾ​ക്ക് ജീ​വ​ൻ ന​ൽ​കാ​നു​ള്ള ക​ഴി​വു​മാ​യാ​ണ് നി​ഖി​ല സി​നി​മ​യി​ൽ ത​ന്റെ യാ​ത്ര ആ​രം​ഭി​ച്ച​ത്. അ​വി​സ്മ​ര​ണീ​യ വേ​ഷ​ങ്ങ​ൾ നി​റ​ഞ്ഞ ഒ​രു സി​നി​മ ജീ​വി​ത​ത്തി​​ന്റെ തു​ട​ക്ക​മാ​യി ‘ഭാ​ഗ്യ​ദേ​വ​ത’ എ​ന്ന മ​ല​യാ​ള സി​നി​മ​യി​ലൂ​ടെ അ​ര​ങ്ങേ​റ്റം കു​റി​ച്ചു.

പു​തു​മ​യാ​ർ​ന്ന ക​ഥാ​പാ​ത്ര​ങ്ങ​ളു​മാ​യി ത​ട​സ്സ​മി​ല്ലാ​തെ പൊ​രു​ത്ത​പ്പെ​ടാ​നു​ള്ള ക​ഴി​വ് എ​ടു​ത്തു പ​റ​യേ​ണ്ട​താ​ണ്. വൈ​കാ​രി​ക തീ​വ്ര​മാ​യ മു​ഹൂ​ർ​ത്ത​ങ്ങ​ൾ മു​ത​ൽ സാ​ധാ​ര​ണ ക​ഥാ​പാ​ത്ര​ങ്ങ​ൾ വ​രെ സ്വാ​ഭാ​വി​ക​മാ​യി അ​ഭി​ന​യി​ച്ചു ഫ​ലി​പ്പി​ക്കു​ന്ന​ത് നി​ഖി​ല​യു​ടെ അ​ർ​പ്പ​ണ​ബോ​ധ​ത്തെ​യും പ്ര​തി​ബ​ദ്ധ​ത​യെ​യും അ​ട​യാ​ള​പ്പെ​ടു​ത്തു​ന്നു.

പൊ​തു ഇ​ട​ങ്ങ​ളി​ലും ചാ​ന​ൽ അ​ഭി​മു​ഖ​ങ്ങ​ളി​ലു​മെ​ല്ലാം ത​ല​ക്ക​ന​മി​ല്ലാ​തെ സം​വ​ദി​ക്കു​ന്ന​ത് വ​ഴി പ്രേ​ക്ഷ​ക​രു​മാ​യി ഹൃ​ദ​യ​ബ​ന്ധം സ്ഥാ​പി​ക്കാ​ൻ നി​ഖി​ല​ക്ക് ക​ഴി​ഞ്ഞു. നി​രൂ​പ​ക പ്ര​ശം​സ​യും ആ​രാ​ധ​ക​വൃ​ന്ദ​വും ധാ​രാ​ള​മാ​യി നേ​ടാ​നു​മാ​യി. മ​ല​യാ​ളം, ത​മി​ഴ്, തെ​ലു​ങ്ക് സി​നി​മ​ക​ളി​ലെ ശ്ര​ദ്ധേ​യ വേ​ഷ​ങ്ങ​ളി​ലൂ​ടെ പ്ര​മു​ഖ തെ​ന്നി​ന്ത്യ​ൻ ന​ടി​യാ​യി മാ​റി.

താ​ൻ ഏ​റ്റെ​ടു​ക്കു​ന്ന ഓ​രോ വേ​ഷ​ത്തി​ലൂ​ടെ​യും സി​നി​മ​യി​ലെ ക​ഥ​പ​റ​ച്ചി​ലി​​ന്റെ നി​ല​വാ​രം കൂ​ടി ഉ​യ​ർ​ത്തി​യ നി​ഖി​ല ആ​ദ്യ​മാ​യാ​ണ് സൗ​ദി​യു​ടെ മ​ണ്ണി​ലെ​ത്തു​ന്ന​ത്.

മ​ല​യാ​ള ച​ല​ച്ചി​ത്ര​ലോ​ക​ത്തെ പ്ര​മു​ഖ ഗാ​യ​ക​രും സ്റ്റാ​ർ സിം​ഗ​ർ ജേ​താ​ക്ക​ളും ക​ളം നി​റ​യു​ന്ന ദ​മ്മാ​മി​ലെ ആം​ഫി തി​യ​റ്റ​റി​ൽ നി​ഖി​ല ആ​സ്വാ​ദ​ക​രു​ടെ മ​നം ക​വ​രു​മെ​ന്ന കാ​ര്യ​ത്തി​ൽ സം​ശ​യ​മി​ല്ല. സ്കൂ​ൾ പ​ഠ​ന​കാ​ല​ത്ത്​ ‘സെ​ന്റ് അ​ൽ​ഫോ​ൻ​സ-​ദി പാ​ഷ​ൻ ഫ്ല​വ​ർ’ (2008) എ​ന്ന ടെ​ലി​വി​ഷ​ൻ പ​ര​മ്പ​ര​യി​ലൂ​ടെ​യാ​ണ് അ​ഭി​ന​യ​ത്തി​ന്​ തു​ട​ക്കം കു​റി​ച്ച​ത്.

ദി​ലീ​പി​ന്റെ നാ​യി​ക​യാ​യ ‘ല​വ് 24X7D (2015) എ​ന്ന സി​നി​മ വ​ഴി​ത്തി​രി​വാ​യി. വെ​ട്രി​വേ​ൽ (2016) സി​നി​മ​യി​ലൂ​ടെ ത​മി​ഴി​ൽ അ​ര​ങ്ങേ​റ്റം കു​റി​ച്ച താ​രം കി​ഡാ​രി (2016) എ​ന്ന ചി​ത്ര​ത്തി​ലൂ​ടെ നി​രൂ​പ​ക പ്ര​ശം​സ നേ​ടി. സൗ​ത്ത് ഇ​ന്ത്യ​ൻ ഇ​ന്റ​ർ​നാ​ഷ​ന​ൽ മൂ​വി അ​വാ​ർ​ഡി​ൽ മി​ക​ച്ച ന​വാ​ഗ​ത ന​ടി​ക്കു​ള്ള നാ​മ​നി​ർ​ദേ​ശം നി​ഖി​ല​യെ തേ​ടി​യെ​ത്തി. മേ​ദ മേ​ട അ​ബ്ബാ​യി (2017) എ​ന്ന ചി​ത്ര​ത്തി​ലൂ​ടെ​യാ​ണ് തെ​ലു​ങ്കി​ൽ അ​ര​ങ്ങേ​റ്റം ന​ട​ത്തു​ന്ന​ത്.

അ​ര​വി​ന്ദ​​​ന്റെ അ​തി​ഥി​ക​ൾ (2018), ഞാ​ൻ പ്ര​കാ​ശ​ൻ (2018), അ​ഞ്ചാം പാ​തി​രാ (2020), ദി ​പ്രീ​സ്​​റ്റ്​ (2021) തു​ട​ങ്ങി​യ ചി​ത്ര​ങ്ങ​ളി​ൽ പ്ര​ശം​സ​നീ​യ​പ്ര​ക​ട​ന​ങ്ങ​ൾ ന​ട​ത്തി. 2023ൽ ​ജോ ആ​ൻ​ഡ്​ ജോ, ​അ​യ​ൽ​വാ​ശി, ജേ​ർ​ണി ഓ​ഫ് ല​വ് 18+ തു​ട​ങ്ങി​യ സി​നി​മ​ക​ളി​ലും ശ്ര​ദ്ധേ​യ പ്ര​ക​ട​നം കാ​ഴ്​​ച​വെ​ച്ചു. ഏ​റ്റ​വും ജ​ന​പ്രി​യ ന​ടി​ക്കു​ള്ള കേ​ര​ള കൗ​മു​ദി ഫ്ലാ​ഷ് മൂ​വി അ​വാ​ർ​ഡ്​ (2019), വ​നി​ത ഫി​ലിം അ​വാ​ർ​ഡ്​ ഉ​ൾ​പ്പെ​ടെ നി​ര​വ​ധി അം​ഗീ​കാ​ര​ങ്ങ​ൾ നി​ഖി​ല നേ​ടി​യി​ട്ടു​ണ്ട്.

ഭ​ര​ത​നാ​ട്യം, കു​ച്ചി​പ്പു​ടി തു​ട​ങ്ങി​യ ക്ലാ​സി​ക്ക​ൽ നൃ​ത്ത​ങ്ങ​ളി​ലും നി​പു​ണ​യാ​ണ്. ക​ണ്ണൂ​ർ ത​ളി​പ്പ​റ​മ്പി​ൽ 1994 മാ​ർ​ച്ച് ഒ​മ്പ​തി​നാ​ണ്​ ജ​ന​നം. സ്റ്റാ​റ്റി​സ്റ്റി​ക്ക​ൽ ഡി​പ്പാ​ർ​ട്മെ​ന്റ് ഓ​ഫി​സ​റാ​യി വി​ര​മി​ച്ച എം.​ആ​ർ. പ​വി​ത്ര​​ന്റെ​യും ന​ർ​ത്ത​കി​യാ​യ ക​ലാ​മ​ണ്ഡ​ലം വി​മ​ലാ​ദേ​വി​യു​ടെ​യും മ​ക​ളാ​ണ്. അ​ഖി​ല വി​മ​ൽ ഏ​ക സ​ഹോ​ദ​രി. തി​യ​റ്റ​ർ ആ​ർ​ട്‌​സി​ൽ റി​സ​ർ​ച് സ്കോ​ള​റാ​യ നി​ഖി​ല ത​ളി​പ്പ​റ​മ്പ് സ​ർ സ​യ്യി​ദ് കോ​ള​ജി​ൽ​നി​ന്ന് സ​സ്യ​ശാ​സ്ത്ര​ത്തി​ൽ ബി​രു​ദം നേ​ടി.