ദേ​ശീ​യ​ദി​നാ​ഘോ​ഷം; ജിദ്ദ ചരിത്രമേഖലയിൽ കാരംസ്​ മത്സരങ്ങൾ സംഘടിപ്പിച്ചു

ജി​ദ്ദ: 93ാമ​ത് ദേ​ശീ​യ ദി​നാ​ഘോ​ഷ​ത്തി​​ന്റെ ഭാ​ഗ​മാ​യി ജി​ദ്ദ ച​രി​ത്ര​മേ​ഖ​ല​യി​ൽ കാ​രം​സ്​ മ​ത്സ​ര​ങ്ങ​ൾ സം​ഘ​ടി​പ്പി​ച്ചു. ജി​ദ്ദ ഹി​സ്​​റ്റോ​റി​ക്​ മേ​ഖ​ല​യു​ടെ​യും കാ​യി​ക​മ​ന്ത്രാ​ല​യ​ത്തി​​ന്റെ​യും സ​ഹ​ക​ര​ണ​ത്തോ​ടെ സൗ​ദി ക​മ്മി​റ്റി ഫോ​ർ ട്ര​ഡീ​ഷ​ന​ൽ ഗെ​യിം​സാ​ണ്​ മ​ത്സ​രം സം​ഘ​ടി​പ്പി​ച്ച​ത്​. 64 പു​രു​ഷ-​വ​നി​താ​താ​ര​ങ്ങ​ൾ മ​ത്സ​ര​ത്തി​ൽ പ​ങ്കെ​ടു​ത്തു. കാ​രം​സ് ​മ​ത്സ​ര​ങ്ങ​ൾ സ​മൂ​ഹ​ത്തി​ലെ അം​ഗ​ങ്ങ​ൾ​ക്കി​ട​യി​ൽ പ​ര​മ്പ​രാ​ഗ​ത ഗെ​യി​മു​ക​ളു​ടെ​യും കാ​യി​ക വി​നോ​ദ​ങ്ങ​ളു​ടെ​യും പ​രി​ശീ​ല​നം പ്രോ​ത്സാ​ഹി​പ്പി​ക്കു​ന്ന​തി​നും പു​ന​രു​ജ്ജീ​വി​പ്പി​ക്കു​ന്ന​തി​നും ല​ക്ഷ്യ​മി​ടു​ന്നു​വെ​ന്ന്​ സൗ​ദി ട്ര​ഡീ​ഷ​ന​ൽ ഗെ​യിം​സ് ക​മ്മി​റ്റി സി.​ഇ.​ഒ ഇ​ബ്രാ​ഹിം അ​ൽ​ഷു​റൈ​ദ പ​റ​ഞ്ഞു.

ഇ​ത്ത​രം ഗെ​യി​മു​ക​ൾ ന​മ്മു​ടെ ദൈ​നം​ദി​ന ജീ​വി​ത​ത്തി​​ന്റെ അ​വി​ഭാ​ജ്യ​ഘ​ട​ക​വും ഒ​രു മ​ത്സ​രാ​ധി​ഷ്​​ഠി​ത കാ​യി​ക വി​നോ​ദ​വു​മാ​ണ്. സൗ​ദി​യി​ലു​ട​നീ​ളം ഇ​ത്ത​രം ഗെ​യി​മു​ക​ൾ വി​ക​സി​പ്പി​ക്കാ​നാ​ണ് ക​മ്മി​റ്റി ശ്ര​മി​ക്കു​ന്ന​തെ​ന്നും അ​ൽ​ഷു​റൈ​ദ പ​റ​ഞ്ഞു. സൗ​ദി​യി​ലെ പ​ര​മ്പ​രാ​ഗ​ത ഗെ​യി​മു​ക​ൾ​ക്കാ​യു​ള്ള ഏ​റ്റ​വും വ​ലി​യ ക​ണ​ക്കെ​ടു​പ്പ്​ പ​ദ്ധ​തി ക​മ്മി​റ്റി പൂ​ർ​ത്തി​യാ​ക്കി​യി​ട്ടു​ണ്ട്. ഏ​ക​ദേ​ശം 800 ഗെ​യി​മു​ക​ൾ രാ​ജ്യ​ത്ത് ക​ണ്ടെ​ത്തി​യി​ട്ടു​ണ്ട്. അ​ത് ഉ​ട​ൻ പ്ര​ഖ്യാ​പി​ക്കും. ഈ ​പ​ര​മ്പ​രാ​ഗ​ത ഗെ​യി​മു​ക​ളും കാ​യി​ക വി​നോ​ദ​ങ്ങ​ളും ഒ​രു പ്ര​ത്യേ​ക ജ​ന​വി​ഭാ​ഗ​ത്തി​ൽ മാ​ത്രം ഒ​തു​ങ്ങു​ന്നി​ല്ല എ​ന്ന​ത് ശ്ര​ദ്ധേ​യ​മാ​ണ്. ഇ​ത്ത​ര​ത്തി​ലു​ള്ള സ്പോ​ർ​ട്സു​ക​ളി​ലും ഗെ​യി​മു​ക​ളി​ലും സ്​​ത്രീ​പു​രു​ഷ ഭേ​ദ​മി​ല്ലാ​തെ എ​ല്ലാ​വി​ഭാ​ഗം ജ​ന​ങ്ങ​ൾ​ക്കും താ​ൽ​പ​ര്യ​മു​ണ്ട്. കാ​രം​സ്​ ചാ​മ്പ്യ​ൻ​ഷി​പ്പി​ൽ വ​നി​ത​ക​ളു​ടെ വ​ലി​യ സാ​ന്നി​ധ്യ​മു​ണ്ടാ​യി​രു​ന്നെ​ന്നും അ​ൽ​ഷു​റൈ​ദ്​ പ​റ​ഞ്ഞു.