താ​ടി​യി​ൽ പ​ന്തി​ന്റെ വ​ലു​പ്പ​ത്തി​ല്‍ മു​ഴ; വി​ജ​യ​ക​ര​മാ​യി നീ​ക്കി

ദു​ബൈ: 40കാ​ര​നാ​യ ഫി​ലി​പ്പൈ​ന്‍ സ്വ​ദേ​ശി​യു​ടെ താ​ടി​യി​ലു​ണ്ടാ​യ മു​ഴ മൈ​ക്രോ​വാ​സ്‌​കു​ല​ര്‍ ശ​സ്ത്ര​ക്രി​യ​യി​ലൂ​ടെ വി​ജ​യ​ക​ര​മാ​യി നീ​ക്കം​ചെ​യ്ത്​ ആ​സ്റ്റ​ര്‍ ഹോ​സ്പി​റ്റ​ല്‍ മ​ന്‍ഖൂ​ല്‍. ഫി​ലി​പ്പീ​ന്‍ പൗ​ര​നാ​യ ജെ​സി ഗാ​ര്‍സി​യ ബ​സി​ലി​യോ​ക്കാ​യു​ടെ താ​ടി​യി​ലെ കാ​ന്‍സ​റ​ല്ലാ​ത്ത അ​പൂ​ര്‍വ മു​ഴ​യാ​ണ്​ നൂ​ത​ന​മാ​യ സാ​ങ്കേ​തി​ക വി​ദ്യ ഉ​പ​യോ​ഗി​ച്ച് വി​ജ​യ​ക​ര​മാ​യി ചി​കി​ത്സി​ച്ച​ത്.

അ​മെ​ലോ​ബ്ലാ​സ്റ്റോ​മ എ​ന്ന​റി​യ​പ്പെ​ടു​ന്ന രോ​ഗ​ത്തി​ന്​ പ്ര​ത്യേ​ക ല​ക്ഷ​ണ​ങ്ങ​ളി​ല്ല. ആ​ഗോ​ള ത​ല​ത്തി​ല്‍ വ​ര്‍ഷ​ത്തി​ല്‍ 10 ല​ക്ഷം പേ​രി​ല്‍ 0.5 കേ​സു​ക​ള്‍ മാ​ത്ര​മേ റി​പ്പോ​ർ​ട്ട്​ ചെ​യ്യ​പ്പെ​ട്ടി​ട്ടു​ള്ളൂ. മ​ന്‍ഖൂ​ല്‍ ആ​സ്റ്റ​ര്‍ ആ​ശു​പ​ത്രി​യി​ല്‍ ഇ​ത്ത​ര​ത്തി​ലു​ള്ള ആ​ദ്യ കേ​സാ​ണ്​ ചി​കി​ത്സി​ച്ച​ത്. താ​ടി​യു​ടെ ഒ​രു ഭാ​ഗം നീ​ക്കം ചെ​യ്യു​ക​യും രോ​ഗി​യു​ടെ കാ​ലി​ല്‍ നി​ന്നു​ള്ള ഒ​രു അ​സ്ഥി​ഭാ​ഗം ഉ​പ​യോ​ഗി​ച്ച് അ​തി​നെ പു​ന​ര്‍നി​ർ​മി​ക്കു​ക​യും ചെ​യ്താ​ണ്​ ചി​കി​ത്സ പൂ​ർ​ത്തി​യാ​ക്കി​യ​ത്. മു​ഖ​ത്തി​ന്റെ ആ​കൃ​തി​യും സൗ​ന്ദ​ര്യ​വും നി​ല​നി​ര്‍ത്തു​ന്ന​തി​നാ​യാ​ണ് ഈ ​രീ​തി സ്വീ​ക​രി​ച്ച​ത്.

ട്യൂ​മ​റി​ന്റെ വ​ള​ര്‍ച്ച കാ​ര​ണം ക​ഴി​ഞ്ഞ ആ​റു മാ​സ​ങ്ങ​ളാ​യി ജെ​സി ഗാ​ര്‍സി​യ​ക്ക്​ ക​ടു​ത്ത വേ​ദ​ന അ​നു​ഭ​വ​പ്പെ​ട്ടി​രു​ന്നു. അ​തോ​ടൊ​പ്പം ഭ​ക്ഷ​ണം ക​ഴി​ക്കാ​നും വെ​ള്ളം കു​ടി​ക്കാ​നും ബു​ദ്ധി​മു​ട്ടി​ലു​മാ​യി​രു​ന്നു. ആ​സ്റ്റ​ര്‍ ഹോ​സ്പി​റ്റ​ല്‍ മ​ന്‍ഖൂ​ലി​ല്‍ വി​ദ​ഗ്ധ ചി​കി​ത്സ തേ​ടി​യ അ​ദ്ദേ​ഹ​ത്തെ ഓ​റ​ല്‍ ആ​ന്‍ഡ് മാ​ക്‌​സി​ലോ​ഫേ​ഷ്യ​ല്‍ സ​ര്‍ജ​റി വി​ദ​ഗ്ധ​നാ​യ ഡോ. ​ര​ഞ്ജു പ്രേം, ​പ്ലാ​സ്റ്റി​ക് ആ​ന്‍ഡ് റീ​ക​ണ്‍സ്ട്ര​ക്റ്റീ​വ് സ​ര്‍ജ​റി ക​ണ്‍സ​ള്‍ട്ട​ന്റാ​യ ഡോ. ​രാ​ജ്കു​മാ​ര്‍ രാ​മ​ച​ന്ദ്ര​ന്‍ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ചി​കി​ത്സി​ച്ച​ത്.

അ​പൂ​ര്‍വ​വും സ​ങ്കീ​ര്‍ണ​വു​മാ​യ അ​വ​സ്ഥ​യെ വി​ജ​യ​ക​ര​മാ​യി ചി​കി​ത്സി​ച്ച​തി​ല്‍ അ​ഭി​മാ​നി​ക്കു​ന്ന​താ​യി ശ​സ്ത്ര​ക്രി​യ​യ​ക്ക് നേ​തൃ​ത്വം ന​ല്‍കി​യ ഡോ. ​ര​ഞ്ജു പ്രേം ​പ​റ​ഞ്ഞു.

കാ​ലി​ലെ അ​സ്ഥി​യു​ടെ ഒരു ഭാഗവും അതിന്റെ രക്തക്കു​ഴ​ലു​ക​ളും മാ​റ്റി​വെ​ക്കു​ക​യും, അ​വ മൈ​ക്രോ​വാ​സ്‌​കു​ലാ​ര്‍ സാ​ങ്കേ​തി​ക​ത ഉ​പ​യോ​ഗി​ച്ച് ക​ഴു​ത്തി​ന്റെ ഭാ​ഗ​ത്തെ ര​ക്ത​ക്കു​ഴ​ലു​ക​ളു​മാ​യി ബ​ന്ധി​പ്പി​ക്കു​ക​യു​മാ​ണ് ചെ​യ്ത​തെ​ന്ന് ഡോ. ​രാ​ജ്കു​മാ​ര്‍ രാ​മ​ച​ന്ദ്ര​ന്‍ പ​റ​ഞ്ഞു.