യു.എ.ഇയിലെ മികച്ച ബ്രാൻഡ്​; പട്ടികയിൽ ലുലുവും

ദുബൈ: ഓ​ഡി​റ്റ് സ്ഥാ​പ​ന​മാ​യ കെ.​പി.​എം.​ജി പു​റ​ത്തി​റ​ക്കി​യ യു.​എ.​ഇ​യി​ലെ മി​ക​ച്ച ബ്രാ​ൻ​ഡു​ക​ളു​ടെ പ​ട്ടി​ക​യി​ൽ ലു​ലു ഗ്രൂ​പ്പും. എ​മി​റേ​റ്റ്​​സ്​ എ​യ​ർ​ലൈ​ൻ, ഐ​ക്കി​യ എ​ന്നി​വ​ക്കൊ​പ്പം പ​ട്ടി​ക​യു​ടെ മു​ൻ​നി​ര​യി​ൽ ത​ന്നെ ലു​ലു​വും ഇ​ടം​പി​ടി​ച്ചു.

ഇ​ത്തി​ഹാ​ദ് എ​യ​ർ​​വേ​സ്, ആ​മ​സോ​ൺ, വോ​ക്സ് സി​നി​മാ​സ്, അ​ബൂ​ദ​ബി ക​മേ​ഴ്സ്യ​ൽ ബാ​ങ്ക് തു​ട​ങ്ങി​യ സ്ഥാ​പ​ന​ങ്ങ​ളും പ​ട്ടി​ക​യി​ൽ ഇ​ടം​പി​ടി​ച്ചി​ട്ടു​ണ്ട്. ഉ​പ​ഭോ​ക്താ​ക്ക​ൾ​ക്ക് ന​ൽ​കു​ന്ന സേ​വ​ന​ങ്ങ​ൾ മു​ൻ​നി​ർ​ത്തി​യാ​ണ് പ​ട്ടി​ക ത​യാ​റാ​ക്കി​യ​ത്. യു.​എ.​ഇ​യി​ൽ വ​സി​ക്കു​ന്ന വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള 89,000 ല​ധി​കം ആ​ളു​ക​ളു​ടെ അ​ഭി​പ്രാ​യം ശേ​ഖ​രി​ച്ചാ​ണ്​ പ​ട്ടി​ക ത​യാ​റാ​ക്കി​യ​തെ​ന്ന്​ അ​ധി​കൃ​ത​ർ വ്യ​ക്​​ത​മാ​ക്കി.

ഡി​ജി​റ്റ​ൽ രം​ഗ​ത്തെ സേ​വ​ന​ങ്ങ​ളും അ​ത് നി​ർ​മി​ത ബു​ദ്ധി​യു​ടെ സ​ഹാ​യ​ത്തോ​ടെ ഉ​പ​ഭോ​ക്താ​ക്ക​ൾ​ക്ക് ന​ൽ​കു​വാ​നു​മു​ള്ള പ്രാ​പ്തി​യും ഉ​പ​ഭോ​ക്താ​ക്ക​ളു​മാ​യു​ള്ള ഇ​ട​പെ​ട​ലു​ക​ളു​മാ​ണ്​ അ​വാ​ർ​ഡി​നാ​യി പ​രി​ഗ​ണി​ച്ച​ത്. യു.​എ.​ഇ.​യി​ലെ ഏ​റ്റ​വും മി​ക​ച്ച ബ്രാ​ൻ​ഡു​ക​ളു​ടെ പ​ട്ടി​ക​യി​ൽ ലു​ലു ഹൈ​പ്പ​ർ മാ​ർ​ക്ക​റ്റും ഉ​ൾ​പ്പെ​ട്ട​തി​ൽ ഏ​റെ സ​ന്തോ​ഷ​മു​ണ്ടെ​ന്ന് ചെ​യ​ർ​മാ​ൻ എം.​എ. യൂ​സു​ഫ​ലി പ​റ​ഞ്ഞു. ഉ​പ​ഭോ​ക്താ​ക്ക​ൾ​ക്ക് ലോ​ക​ത്തി​ലെ എ​ല്ലാ ഭാ​ഗ​ങ്ങ​ളി​ൽ​നി​ന്നു​മു​ള്ള മി​ക​ച്ച ഉ​ൽ​പ​ന്ന​ങ്ങ​ൾ മി​ത​മാ​യ നി​ര​ക്കി​ൽ ന​ൽ​കു​ക എ​ന്ന​താ​ണ് മു​ഖ്യ​ല​ക്ഷ്യം.

മ​ല​യാ​ളി​ക​ൾ ഉ​ൾ​പ്പെ​ടെ​യു​ള്ള പ്ര​വാ​സി സ​മൂ​ഹ​ത്തി​ന്‍റെ സ​ഹ​ക​ര​ണ​ത്തി​ൽ ന​ന്ദി​യു​ണ്ട്. യു.​എ.​ഇ ഉ​ൾ​പ്പെ​ടെ ഗ​ൾ​ഫ് രാ​ജ്യ​ങ്ങ​ളി​ലെ ഭ​ര​ണാ​ധി​കാ​രി​ക​ൾ ന​ൽ​കി​വ​രു​ന്ന പി​ന്തു​ണ ഏ​റെ പ്ര​ധാ​ന​പ്പെ​ട്ട​താ​ണെ​ന്നും യൂ​സു​ഫ​ലി കൂ​ട്ടി​ച്ചേ​ർ​ത്തു.