വെറുതെ മാസ്​ക്​ ധരിച്ചാൽ മാത്രം മതിയാകില്ല; ഇതു കൂടി ശ്രദ്ധിക്കണം

കോവിഡ്​ വ്യാപനം അതിരൂക്ഷമായ സാഹചര്യത്തിൽ വൈറസ്​ ഒാരോരുത്തരുടെയും ശരീരത്തിൽ പ്രവേശിക്കാനുള്ള സാധ്യത പതിൻമടങ്ങ്​ വർധിച്ചിരിക്കുകയാണ്​. ചുറ്റിലും വൈറസി​െൻറ സാന്നിധ്യം അത്രമേൽ അധികമായതിനാൽ അതിജാഗ്രത പുലർത്തിയാൽ മാത്രമാണ്​ രോഗത്തിൽ നിന്ന്​ രക്ഷ നേടാനാകുക. പൊതുസ്​ഥലങ്ങളിൽ വൈറസ്​ എത്തുന്നത്​ തടയാനും അവിടങ്ങൾ എത്തിപ്പെട്ട വൈറസ്​ വ്യക്​തികളുടെ ശരീരത്തിൽ പ്രവേശിക്കുന്നത്​ തടയാനും ലോകത്ത്​ രോഗ വ്യാപനം ഉണ്ടായ സ്​ഥലങ്ങളിലെല്ലാം മാസ്​ക് ​ ധരിക്കുന്നത്​ ഒരു പതിവായിട്ടുണ്ട്​. എന്നാൽ, അതിവേഗം പടരുന്ന വൈറസി​െൻറ പുതിയ വക ഭേദങ്ങളെ തടയാൻ സാധാരണ രീതിയിൽ ഒരു മാസ്​ക്​ മുഖത്തു വെച്ചതുകൊണ്ട്​ മാത്രം കാര്യമില്ലെന്നാണ്​ വിദഗ്​ധർ പറയുന്നത്​.

മാസ്​കു കൊണ്ടുള്ള പ്രയോജനം പരമാവധി ലഭിക്കാൻ ചില കാര്യങ്ങൾ ശ്രദ്ധിക്കുക തന്നെ വേണം. മാസ്​കി​െൻറ പ്രയോജനം രണ്ട്​ കാര്യങ്ങളെ ആശ്രയിച്ചാണിരിക്കുന്നത്​. ചേർച്ചയും ചോർച്ചയുമാണത്​.

ചേർച്ചയും ചോർച്ചയും

മാസ്​ക്​ മുഖത്തോട്​ ചേർന്നിരിക്കണം. മുഖത്തോട്​ ചേർന്നിരിക്കാൻ ശരിയായ അളവിലുള്ള മാസ്​കാണെന്ന്​ ആദ്യം ഉറപ്പു വരുത്തണം. നോസ്​ വയറുള്ള മാസ്​കോ പ്രത്യേകം നോസ്​ ക്ലി​േപ്പാ ഇതിനായി ഉപയോഗിക്കാം.

മൂക്കി​െൻറ പാലത്തിനു മേൽ അമർത്തി വയ്ക്കാവുന്ന നേർത്ത ലോഹകമ്പിയാണ്​ നോസ് വയർ. മാസ്ക് ഉപയോഗിക്കുമ്പോൾ കണ്ണടയിൽ മഞ്ഞു മുടുന്ന പ്രശ്​നത്തിനും നോസ്​വയറോ ക്ലിപ്പോ ഒരു പരിഹാരമാണ്​.

മാസ്​കിന്​ മുകളിൽ ധരിക്കാവുന്ന മാസ്​ക്​ ഫിറ്റർ അല്ലെങ്കിൽ മാസ്​ക്​ ബ്രേസ്​ ഇപ്പോൾ ലഭിക്കും. ഇത്തരം മാസ്​ക്​ ബ്രേസുകൾ മാസ്​ക്​ മുഖത്തോട്​ ചേർന്ന്​ നിലക്കാൻ സഹായിക്കും.

ചോർച്ചയാണ്​ മാസ്​ക്​ ധരിക്കു​േമ്പാൾ ശ്രദ്ധിക്കാനുള്ള മറ്റൊരു കാര്യം. മാസ്​ക്​ ധരിക്കു​േമ്പാൾ കണ്ണടയിൽ മഞ്ഞുമൂടുന്നത്​ മാസ്​കിലൂടെയല്ലാതെ വായു​ പുറത്തുവരുന്നതുകൊണ്ടാണ്​. സർജിക്കൽ മാസ്​കുകളുടെ അരികിലൂടെയും ഇത്തരത്തിൽ വായു ചോരും. വൈറസ്​ കലർന്ന്​ വായു നിങ്ങൾക്കുള്ളിലെത്താനും നിങ്ങൾ രോഗവാഹകനാണെങ്കിൽ നിങ്ങളിൽ നിന്ന്​ വൈറസ്​ പുറത്തു വരാനും ഇൗ വായു ചോർച്ച കാരണമാകും.

ശരിയായ വിധത്തിൽ മാസ്​ക്​ മുഖത്തോട്​ ചേർന്ന്​ നിന്നാൽ വായു ചോർച്ച പരിഹരിക്കാം. മൂക്കി​െൻറ വശങ്ങളിലൂടെയും കവിളി​െൻറ ഭാഗത്തു കൂടെയുമാണ്​ ഏറെയും മാസ്​കുകൾ ചോരുന്നത്​.

സർജിക്കൽ മാസ്​കുകളുടെ ചോർച്ച തടയാൻ അമേരിക്കയിലെ സെ​േൻറർസ്​ ഫോർ ഡിസീസ്​ കൺട്രോൾ ആൻഡ്​ പ്രിവൻഷൻ (സി.ഡി.സി) നിർദേശിക്കുന്ന രീതിയാണ്​ നോട്ടിങ്​ ആൻഡ്​ ടക്കിങ്​. മാസ്​കി​െൻറ അധികമുള്ള ഭാഗം മടക്കി വെക്കുക, അധികമുള്ള ചരട് കെട്ടി വയ്ക്കുക എന്ന രീതിയാണിത്​.

ചേർച്ച ഉറപ്പ് വരുത്തുന്നതിനായി മാസ്ക് ധരിച്ച ശേഷം കൈപ്പത്തി മാസ്കി​െൻറ വശങ്ങളിൽ വച്ചു വായു ചോര്‍ന്നുപോകുന്നുണ്ടോ എന്ന് പരീക്ഷിച്ചു നോക്കുക. ചോർച്ച ഇല്ല എങ്കിൽ ഉച്ഛ്വാസവായു മാസ്കിനുള്ളിലൂടെ മാത്രം പുറത്തേക്ക് വരുന്നത് അറിയാൻ കഴിയും; ശ്വാസോച്ഛ്വാസത്തിനു അനുസരിച്ചു മാസ്ക് ഉയരുകയും താഴുകയും ചെയ്യും.

ഇരട്ട മാസ്​ക്​

മാസ്​കി​െൻറ കാര്യക്ഷമത ഉറപ്പുവരുത്തുന്ന ഘടകമാണ്​ അതി​െൻറ അരിപ്പശേഷി. സ്രവകണികകളെ അരിച്ചു മാറ്റാനുള്ള കഴിവ് മാസ്​കി​െൻറ പാളികളുടെ എണ്ണത്തിനും ശേഷിക്കും അനുസരിച്ചാണ്​. വൈറസ്​ അടങ്ങിയ സ്രവ കണികകളെ പുറത്തേക്കോ അകത്തേക്കോ കടത്തിവിടാത്ത വിധം പാളികൾ മാസ്​കിന്​ വേണം.

ഇതിനായി ഇപ്പോൾ യു.എസിലെ സി.ഡി.സി നിർദേശിക്കുന്നതാണ്​ ഇരട്ട മാസ്​ക്​. പല പാളികളുള്ള ഒരു തുണി മാസ്കും ഒപ്പം സർജിക്കൽ മാസ്കുമാണ് (പുനരുപയോഗിക്കാനാകാത്ത തരം മാസ്കുമാകാം) ഈ ഇരട്ട മാസ്ക് രീതിയിൽ ഉപയോഗിക്കേണ്ടത്. തുണിമാസ്കിനു താഴെയാണ് സർജിക്കൽ മാസ്ക് ധരിക്കേണ്ടത്.

പല പാളികളുണ്ടെങ്കിലും തുണി മാസ്കിന്​ 51.4 ശതമാനം പ്രതിരോധം മാത്രമേ വൈറസിനെതിരെ ലഭിക്കുകയുള്ളൂവെന്നാണ്​ സി.ഡി.സി നടത്തിയ പഠനം പറയുന്നത്​. നോട്ടിങ്​ ആൻഡ്​ ടക്കിങ്​ രീതിയിൽ ചരട്​ കെട്ടിയ സർജിക്കൽ മാസ്​കിന്​ 77 ശതമാനം പ്രത​ിരോധവും സാധാരണ പോലെ ധരിക്കുന്ന സർജിക്കൽ മാസ്​കിന്​ 56.1 ശതമാനം പ്രതിരോധവും വൈറസിനെതിരെ ഉള്ളൂവെന്നാണ്​ ആ പഠനം പറയുന്നത്​. നോട്ടിങ്​ ആൻഡ്​ ടക്കിങ്​ രീതിയിൽ മാസ്​ക്​ ധരിക്കുന്ന രീതിയുടെ വിഡിയോ ചുവടെ.

ചരട്​ കെട്ടിയ ശേഷം സർജിക്കൽ മാസ്​ക്​ ധരിക്കുകയും മുകളിൽ പല പാളികളു​ള്ള തുണി മാസ്​ക്​ ധരിക്കുകയും ചെയ്​താൽ 85.4 ശതമാനം പ്രതിരോധം ഉറപ്പാക്കാം. അതുകൊണ്ട്​ ഇരട്ട മാസ്​ക്​ ഇപ്പോൾ എല്ലാവരും നിർദേശിക്കുന്നത്​.

എന്നാൽ ചില തരം മാസ്കുകൾ ഒന്നിന് മേൽ ഒന്നായി ഉപയോഗിക്കാൻ പാടില്ല. രണ്ട്​ സർജിക്കൽ മാസ്​കുകൾ ഒന്നിനുമേൽ ഒന്നായും N95 മാസ്​കി​െൻറ കൂടെ മറ്റൊരു മാസ്​കും ഉപയോഗിക്കാൻ പാടില്ല. N95 മാസ്​ക്​ ധരിക്കു​േമ്പാൾ അതു മാത്രമാണ്​ ധരിക്കേണ്ടത്​.