ബീമറി​െൻറ ജനപ്രിയൻ

ലോകത്ത്​ ഏറ്റവും കൂടുതൽ വിറ്റഴിയുന്ന ബി.എം.ഡബ്ല്യൂകളിലൊന്നാണ്​ ഫൈവ്​ സീരീസ്​. ഒരുപക്ഷേ, എണ്ണത്തിൽകൂടുതൽ ത്രീ സീരീസുകൾ പുറത്തിറങ്ങാറുണ്ടെങ്കിലും ബീമർ ജീനുകൾ സമാസമം ചേർന്നിരിക്കുന്നത്​ ഫൈവ്​ സീരീസിലാണ്​. ആഡംബരക്കാർ സ്വന്തമാക്കാൻ ആഗ്രഹിക്കുന്ന ഏതൊരാളുടെയും മുന്നിലേക്ക്​ ആദ്യമെത്തുന്ന രണ്ട്​ വാഹന നാമങ്ങളാണ്​ ബെൻസ്​, ബി.എം.ഡബ്ല്യൂ എന്നിവ. 

50 ലക്ഷം രൂപ മുടക്കാൻ ​േശഷിയുള്ള ഉപ​േഭാക്​താവ്​ പെ​െട്ടന്ന്​ എത്തുന്നത്​ ബെൻസ്​ ഇ ക്ലാസ്​ ബി.എം.ഡബ്ല്യൂ ഫൈവ്​ സീരീസ്​ എന്നിവയിലേക്കായിരിക്കും​. ഇവിടെയൊരു ചെറിയ ആശയക്കുഴപ്പം ഉണ്ടാകും. ബെൻസ്​ വേണോ ബി.എം.ഡബ്ല്യൂ വേ​േണാ എന്നതാണത്​. നിങ്ങൾ ഡ്രൈവിങ്​ ആസ്വദിക്കുന്ന ആളാണോ എങ്കിൽ തീർച്ചയായും ബീമറിലേക്ക്​ ​േപായ്​ക്കോളൂ. കാരണം, കാലുകൾക്ക്​ കീഴിൽ ​ഞെരിഞ്ഞമരുന്ന കരുത്ത്​ അവർക്ക്​ സ്വന്തമാണ്​. ഇപ്പോഴത്തെ ബെൻസുകൾ കരുത്തിൽ ഒട്ടും പിറകിലല്ലെങ്കിലും പിൻസീറ്റിലിരിക്കുന്ന പക്വതയുള്ളവ​​െൻറ കാറെന്ന പ്രതിച്ഛായ ഇനിയും വിട്ടു​േപായിട്ടില്ല. ഇത്രയും വിശേഷങ്ങൾ പറഞ്ഞത്​ പുതിയ ഫൈവ്​ സീരീസിനെപ്പറ്റി വർണിക്കാനാണ്​. ഇതുവരെ ഇറങ്ങിയതിൽ ഏറ്റവും കരുത്തനും സുന്ദരനും ആധുനികനുമാണ്​ പുതിയ ഫൈവ്​. 

എ​േപ്പാഴും വല്യേട്ടനെ അനുകരിക്കാനുള്ള പ്രവണത അനുജന്മാർക്കുണ്ടാകും. ഫൈവ്​ സീരീസും ധാരാളമായി ഇങ്ങനെ ചെയ്​തിട്ടുണ്ട്​. സെവൻ സീരീസിൽനിന്ന്​ സ്വന്തമാക്കിയ ഒരുപാട്​ ​പ്രത്യേകതകളുമായാണ്​ പുത്തൻ ഫൈവി​​െൻറ വരവ്​. ഇതിൽ കൗതുകമുള്ളൊരു കാര്യം വാഹനം സ്വയം പാർക്ക്​ ചെയ്യും എന്നതാണ്​. ഒരു സ്​ഥലത്തെത്തിയാൽ തനിക്ക്​ കിടക്കാനുള്ള ഇടം നിർണയിച്ച്​ സ്വയം ഒതുങ്ങിക്കൂടും. വേണമെങ്കിൽ പുറത്തുനിന്ന്​ നമുക്ക്​ റിമോട്ട്​ ഉപയോഗിച്ചും കാർ പാർക്ക്​ ചെയ്യാം. മറ്റൊരു പ്രത്യേകത ആംഗ്യങ്ങളുടെ ഉപയോഗമാണ്​. ഉള്ളിലെ വിനോദ ഉപകരണങ്ങളിൽ പലതും കൈകളുടെ ചെറു ചലനങ്ങൾ ഉപയോഗിച്ച്​ നിയ​ന്ത്രിക്കാം. ഉദാഹരണത്തിന്​ പാട്ട്​ കേൾക്കു​േമ്പാൾ ശബ്​ദം കൂട്ടണമെങ്കിൽ ചൂണ്ടുവിരൽ പ്രത്യക രീതിയിൽ കറക്കിയാൽ മതി. പുത്തൻ ഫൈവിന്​ മൂന്ന്​ വകഭേദങ്ങളാണുള്ളത്​. സ്​പോർട്ട്​ ലൈൻ, ലക്​ഷ്വറി ലൈൻ, എം സ്​പോർട്ട്​ എന്നിവ. മൂന്ന്​ ഡീസൽ, ഒരു പെട്രോൾ എൻജിനുകളുമുണ്ട്​. എൻജിനുകളെടുത്താൽ അതിലും മൂന്ന്​ രീതിയിലുള്ളവ ഉണ്ടെന്ന്​ കാണാം. കരുത്ത്​ കുറഞ്ഞ 2.0 ലിറ്റർ 190 ബി.എച്ച്​.പി നാല്​ സിലിണ്ടർ ഡീസൽ എൻജിനാണ്​ ആദ്യത്തേത്​. 

എം സ്​പോർട്ടിൽ കരുത്തനായ 3.0 ലിറ്റർ 265 ബി.എച്ച്​.പി ആറ്​ സിലിണ്ടർ ഡീസലാണ​ുള്ളത്​. മറ്റൊന്ന്​ 2.0 ലിറ്റർ 252 ബി.എച്ച്​.പി പെട്രോൾ എൻജിനാണ്​. എല്ലാത്തിലും ഒാ​േട്ടാമാറ്റിക്​ ഗിയർബോക്​സുകളാണ്​. എല്ലാ വകഭേദങ്ങളിലും അഡാപ്​​ടീവ്​ സസ്​പെൻഷൻ നൽകിയതും ഇത്തവണത്തെ പ്രത്യേകതയാണ്​. ഒാടുന്ന പ്രതലത്തിനനുസരിച്ച്​ സസ്​പെൻഷൻ സ്വയം ക്രമീകരിക്കുന്ന രീതിയാണിത്​. 360 ഡിഗ്രി കാമറ, നാല്​ മേഖലകളായി തിരിച്ച എ.സി, വിശാലമായ സൺറൂഫ്​, എൽ.ഇ.ഡി​ ലൈറ്റുകൾ, ഉന്നത നിലവാരമുള്ള ലെതർ തുടങ്ങി ആഡംബരത്തികവാർന്ന പ്രത്യേകതകളാണ്​ വാഹനത്തിനുള്ളത്​.

ഇ^ക്ലാസിലേതുപോലെ ലോങ്​ വീൽബേസ്​ തൽക്കാലം കമ്പനി അവതരിപ്പിക്കുന്നില്ല. പകരം സിക്​സ്​ സീരീസ്​ ഗ്രാൻഡ്​​ ടൂറിസ്​മോ അടുത്തവർഷം വരും. ജി.എസ്​.ടി ആനുകൂല്യത്തിൽ വില അൽപം കുറഞ്ഞിട്ടുണ്ട്​. 49.9 മുതൽ 61.3 ലക്ഷംവരെ നൽകിയാൽ ഫൈവ്​ വീട്ടിലെത്തും.