4314 ഇന്ത്യൻ വനിതകൾ മഹറമില്ലാതെ ഹജ്ജ് ചെയ്യും

ന്യൂഡൽഹി: 4314 ഇന്ത്യൻവനിതകൾ ഇത്തവണ മഹ്റം (പുരുഷ സഹയാത്രികൻ) ഇല്ലാതെ ഹജ്ജ് ചെയ്യും. വനിത തീർഥാടകർക്ക് മഹ്റം നിർബന്ധമല്ലാതാക്കിയ 2018ലെ പരിഷ്‍കരണത്തിന് ശേഷമുള്ള കൂടിയ എണ്ണമാണിത്.

ഹജ്ജ് തീ​ർഥാടകർക്കായി വിമാനത്താവളങ്ങളിൽ ഹെൽത്ത് ഡെസ്കും സർക്കാർ ഡോക്ടർമാരുടെ പരിശോധനയും ഉൾപ്പെടെ വിപുലമായ സൗകര്യം ഏർപ്പെടുത്തുമെന്ന് കേന്ദ്ര ന്യൂനപക്ഷ മന്ത്രാലയം അറിയിച്ചു.

ഇത്തവണ 1,75,025 പേർക്കാണ് ഇന്ത്യയിൽനിന്ന് ഹജ്ജിന് അനുമതിയുള്ളത്. ആദ്യവിമാനം മേയ് 21ന് പുറപ്പെടും.