ഒഡീഷയിൽ 70കാരിയെ ആശുപത്രിക്കുള്ളിൽവെച്ച്​ ബലാത്സംഗം ചെയ്​തു

ദേങ്കനാൽ: ഒഡീഷയിലെ ​േദങ്കനാൽ ജില്ലാ ആശുപത്രിയിൽവെച്ച്​ 70കാരിക്ക്​ നേരെ ക്രൂര ബലാത്സംഗം. ചൊവ്വാഴ്ചയായിരുന്നു സംഭവം. ബുധനാഴ്ച പൊലീസിൽ പരാതി ലഭിച്ചതോടെയാണ്​ സംഭവം പുറത്തറിയുന്നത്​.

അസുഖം ബാധിച്ച കൊച്ചുമകളെയും കൊണ്ട്​ ജില്ല ആശുപത്രിയിൽ ചികിത്സ തേടിയെത്തിയതാണ്​ വൃദ്ധ. മാതാപിതാക്കൾ ഇല്ലാത്തതിനാൽ മുത്തശ്ശിയാണ്​ കുട്ടിക്കൊപ്പം മൂന്നുദിവസമായി ആശുപത്രിയിൽ നിന്നിരുന്നത്​.

വെള്ളിയാഴ്ച വൈകിട്ട്​ ചായ മേടിക്കാൻ ആശുപത്രിക്ക്​ മുമ്പിലെ കടയിലെത്തിയ വൃദ്ധയെ മൂന്ന​ുപേർ ചേർന്ന്​ ആക്രമിക്കുകയായിരുന്നു. അവിടെനിന്ന്​ വൃദ്ധയെ വലി​ച്ചിഴച്ചു​െകാണ്ടുപോയി നിർമാണം നടന്നുകൊണ്ടിരിക്കുന്ന ആശുപത്രി കെട്ടിടത്തിൽവെച്ച്​ ബലാത്സംഗം ചെയ്​തു. ആക്രമണത്തിന്​ ശേഷം വൃദ്ധയെ അവിടെ ഉപേക്ഷിച്ച്​ മൂന്നുപേരും രക്ഷപ്പെടുകയും ചെയ്​തു.

അവശനിലയിലായ വൃദ്ധ തപ്പിത്തടഞ്ഞ്​ ആശുപത്രിയുടെ പ്രധാന കവാടത്തിലെത്തുകയായിരുന്നു. ഉടൻത​ന്നെ ആശുപത്രി അധികൃതർ വൃദ്ധക്ക്​ അടിയന്തര ചികിത്സ നൽകുകയും ആശുപത്രിയിൽ പ്രവേശിപ്പിക്കുകയുമായിരുന്നു.

ആശുപത്രിയിലെ കരാർ ജീവനക്കാരനായ ഒരാളും ചായക്കടയിലെ ജോലിക്കാരനും കുറ്റകൃത്യത്തിൽ പങ്കാളിയാണെന്നാണ്​ പൊലീസിന്​ ലഭിച്ച വിവരം. പ്രതികളെ ഉടൻ പിടികൂടുമെന്ന്​ പൊലീസ്​ അറിയിച്ചു. ജീവനക്കാ​ർ ആരെങ്കിലും ആക്രമണത്തിൽ പ്രതിയാണെങ്കിൽ അവർക്കെതിരെ കർശന നടപടി സ്വീകരിക്കുമെന്ന്​ ആശുപത്രി അധികൃതരും വ്യക്തമാക്കി.